Ahilud bibaa Baana chɔ bwɛjena Taanak ne Meɡido nyoa, dɛ berɛ kpoŋe ka le Bɛt San harɛ waa bɛne Saretan Jesreel weekaŋle harɛbɔr, dɛ le Bɛt San dɛɛ kaa bwɛjen Ebel Mehola, dɛ ka le bwɛjen Jokmeam baŋ.
Ate, Korowii den ɡel Amɔre tena la wili Israel laa tena la sie, asɛ ba pɔ ba nɛɛ kohona dɛ kpoo ba Gebeɔn. Israel tena ti ba kaa bwɛɛ Bɛt Hɔrɔn ŋwɛnɛ ta, dɛ teŋɛ kpoo ba kaa bwɛɛre Aseka ne Makeda.
Amɔre tena la aa chwaa tɔ Israel tena laa tena sie dɛ ka tel Bɛt Hɔrɔn dɛɛ kaa Aseka la, Korowii ɡelɔ dombwea lee ba nɛɛ kohona asɛ ba ɡalɡa bwa serewe ɡwaa ɡɛ Israel tena la aa kpoo ba la kwara.
Harɛ Efrem dea tena aa dɔa lolanar ta laanee nɔ. Ba harɛ baa dɔa o ɛ ba kapɛrɛ kon la jwɛh le bwɛjen Atarɔt Adaa wee leebɔr dɛ kaa Bɛt Hɔrɔn harɛ nyunduabɔr,
Bɛl ɡe kpɔ sie pa wee cholibɔr Bɛt Hɔrɔn pera. Banɔ la baa kaa la ɡe kpɔ sie chaɡɛ wee leebɔr pua hɛŋle ɡbo harɛ jwɛh ta, asɛ Seboim Fɛlembɔjen la sie chaɡɛ bela.
