1 Webena 6:31 - mzwDBL

³¹ Baa kpɔ Korowii Ne Nɛwɛnyina Fɔo Daka ba Jerusalam bela baa dɛ tomɛ Korowii la, baala Kooro Devid aa lee ba ba chɔ yela nyoa laanee nɔ.

1 Webena 6:31 ပူးပေါင်းရင်းမြစ်များ

2 Samoɛl 6:17

Israel tena la kpɔ Korowii Ne Nɛwɛnyina Fɔo Daka la ba cheɡ o chebɔr, tɛnte dea Kooro Devid aa baŋro la bini, asɛ dɛ kpɔ saraha kwaa baa fuah, ne deŋnesɔɔhna sarahare ba Korowii sie bela.

Yela 132:14

O ŋɔ, “Bonɔɔ mɛɛ ba soɡa saŋ bɛlbwa dɛɛ la, bonɔɔ mɛɛ nyin ń so dɛ́ di kora.

Yela 132:8

N Naa Korowii, ir kpɔ He Ne Nɛwɛnyina Fɔo Daka waa cheɡa tɛ he kpeɡri la ba he Dea, dɛ́ ba so bonɔ saŋ bɛlbwa dɛɛ la.

1 Webena 15:25

Anomanta, Kooro Devid ne Israel nomonome, dɛ laa sitɔɔla baa chɔ laa tena kaɡboŋa nyoo, la Ɔbɛd Edom dem silɛɛ ne, dɛ ka kpɔ Korowii Ne Nɛwɛnyina Fɔo Daka la ba.

1 Koranar 8:4

dɛ kpɔ o ne kwaa aa do ɡoroŋ dɛ do o bini la bwa ba cheɡ Korowii Dea Cheremibɔr la bini. Sɔfore la ne Lewi dea tenaa la a ne,

1 Webena 6:30

Ussa lolɛ Simia, Simia lolɛ Haɡia asɛ Haɡia ɡe lolɛ Asaya.

1 Webena 6:32

Dɛ banee dɛɛ nyiŋi, baa ɡo yela Korowii Tɛnte Dea, waa ɛ o Dea Cheremibɔr bela, mɔɔ Kooro Solomɔn ba do Korowii Dea Jerusalam la. Ba ɛ ba toma ɡɛ baa lea cheɡ ba ŋɔ ba ɛa ta.

1 Webena 9:33

Banɔ la baa ɛ yelɡoola ne Lewi nomonnyuune la soɡe deene la bini, ba ta ɡelɛ baa ɛ toma bɛlbwa, dɛkalkɛ ba nɔn taa ba kpɔ bela toma ɛɛ do chɔɔ ne jwaana.

1 Webena 15:1

Kooro Devid aa do deene o ɡbabir aa so a bini Jerusalam waa ɛ o Bwɛjen ta tonɛ la, o kwaa bobɛl dɛ baŋre tɛnte dea ba kpɔ Korowii Ne Nɛwɛnyina Fɔo Daka la cheɡ o bini.

1 Webena 15:27

Dɛ Kooro Devid do batakaarejaŋ baa kpɔ yapondɛɛɡe nyarɔ, ɡɛɛ Lewi dea tena baa cheɡɛ Daka la ne yelɡoola la, ne Kenania waa chɔ yelɡoola nyoa la ɡe do ane. Dɛ Kooro Devid berɔ do sɔfo batakaarebora efɔd baa kpɔ yapondɛɛɡe nyarɔ.

Ɛsra 3:10

Mamaala la aa pa Korowii Dea la mun la, sɔfore do ba laala dɛ ka che ba chebɔra dɛ kpoŋe bɛle, asɛ Lewi dea tena baa ɛ Asaf bibaala kpoŋe kwaa anɛ ane baa kpɔ ayaawa ɛa dɛɛ hɛlɛ, dɛ ka che ba chebɔra, dɛ lɔ dɛɛ kpɛɛ Korowii, ɡɛ Israel Kooro Devid fa aa do Israel tena la.

Ɛsekeɛl 40:44

Baa la berɔ kpɔ mɛ ba bini dembaah la ta. Deene anɛ lɔ bela. Bɛl lɔ weekaŋle nyunduabɔr doonyoa la jwɛh, o sie chaɡɛ weekaŋle harɛbɔr, onɔ la ɡe do weekaŋle harɛbɔr, o sie chaɡɛ weekaŋle nyunduabɔr.