1 Webena 5:26 - mzwDBL

²⁶ Anomanta, Korowii Israel tena aa dɛ tomɔ ɡelɔ Asiiria koojen Pul baa bera dɛɛ yerɔ Tiɡlat Pilesa ka yoo ba, dɛ lawɛ Rubin ne Gad dea, dɛ Manasɛ dea pera tena bwa laa ta kaa harɛfale ta. O kaa bane Hala ne Habɔ ne Hara dɛ Gosan Moo ta. Ba lɔ bela dɛ ba le fini.

1 Webena 5:26 ပူးပေါင်းရင်းမြစ်များ

2 Samoɛl 24:1

A habɔɔ la, Korowii baah di Israel tena baa lɔ weekaŋle nyundua la nɛɛ ja, dɛ ɡel Kooro Devid dɔ liire kɛŋɔ a chɛ kɛ ó la ka kure ba ne Juda tena baa lɔ weekaŋle harɛbɔr bwa ɡe.

2 Koranar 15:19

Asiiria harɛ ta Koojen Tiɡlat Pilesa la Israel harɛ ta ka yoo ba, asɛ Kooro Mɛnahem tɛo suuɡapoŋa a tɔɡre aa ɛ kaɡboŋa lafraatoro fifraanaarɛ ŋɔ ó chao, ásɛ o kora la do kpeɡri.

2 Koranar 15:29

Kooro Pɛka aa di kora Israel harɛ ta la taa Asiiria koojen Tiɡlat Pilesa kpɔ o laa tena ba yo, dɛ lɛ bwɛjena ane baa dɛ yera Ijon ne Ebel Bɛt Maaka, ne Janoa ne Kedes dɛ Hasɔ. O berɔ ka lɛ Gelead ne Galilia harɛre, dɛ kpɔ Naftale dea harɛ bwa ja, dɛ larawe Israel tena baa lɔ bela kaa Asiiria harɛ ta.

2 Koranar 16:7

Ate, Kooro Ahas tomɛ nɛra Asiiria koojen Tiɡlat Pilesa be kɛŋɔ, “N ɛ he bonɔɔ tenten, ba lɛɛ mɛ, Siiria kooro ne Israel kooro dɛ yoo mɛ.”

2 Koranar 17:6

Kooro Hosia aa di kora bene anuanaarɛ taa Asiiria koojen yo lɛ Samaria. O lawɛ Israel tena kaa Asiiria harɛ ta, dɛ kpɔ ba ka so bwɛjen bɛl baa dɛ yerɔ Hala, bane ɡe so Habɔ Moo nyoa Gosan harɛ ta, bane ɡe so Midia tena bwɛjena ane ta.

2 Koranar 18:11

Asiiria koojen lawɛ Israel tena kaa o harɛ ta, dɛ kpɔ bane so Hala, bane so Habɔ Moo nyoa Gosan harɛ ta, bane ɡe ka so Midia tena bwɛjena ane ta.

2 Koranar 19:12

N naawa yo harɛre nɛra bane baa le Gosan ne Haran ne Rɛsɛf dɛ chɔɡ ba harɛre, dɛ kpoo Bɛt Eden tena baa soɡe Tɛl Asa, ba voɡare wono lɛɛ ba aa?

1 Webena 5:22

asɛ dɛ kpoo nɛra baa wara keri ne, dɛkalkɛ dɛ Korowiirii yoa dɛɛ tɛɛ ba. Ate, ba so harɛ la ta ka tel kɛŋɔ baa laɡ ba kaa harɛfale ta.

1 Webena 5:6

Baal lolɛ Beera. A ɡɛ Beera nɔɔ Asiiria koojen Tiɡlat Pilesa lawɛ laa ta kaa harɛfale ta la. Dɛ onee Rubin dea tena sitɔɔ.

1 Webena 9:1

Ba chwerɛ Israel tena bwa sɔna denaa ta do Israel Koranar Waa Tɔne bini. Juda tena wechɔɡa nomanta, ba laɡ ba laa ta kaa Babelɔn harɛ ta, dɛ́ kpɔ tɛr ba deŋne.

2 Webena 28:20

Asiiria koojen Tiɡlat Pilesa ba o be, kɛ wenaale nee o ba ɡwaa kɛ o fe aa ba chao.

2 Webena 30:6

Kooro la ɡelɔ toroma kpɔ tɔne la kaa Israel ne Juda harɛre bwa ta kɛŋɔ, “Israel tena, he le Asiiria tena laa baa yo heyaa la nyoa. Hé berɛ kpɔ he te tɛ Korowii Abraham ne Aesek dɛ Jekɔb aa tomɔ la, ásɛ o ɡe lawɛ heyaa ba o be.

2 Webena 33:11

Anomanta, Korowii ɡelɔ Asiiria koojen laa sitɔɔla ne ba laa tena lɔ ba tɔ Juda harɛ tena nɛɛ dɛ yoo ba. Ba lawɛ Kooro Manasɛ, dɛ do ɡoŋa o mee ta, dɛ vɔrɔwo ayaawa jɔɡrɔre ne, dɛ kpɔɔ kaa Babelɔn harɛ ta.

Ɛsra 1:5

Asɛ Juda ne Bɛnjamen deene nomonnyuune, ne sɔfore ne Lewi dea tena, dɛ nomɛlbwa Korowii aa ɡela o bambile aa lawa ir, dɛ́ ka berɛ kwaa ma Korowii Dea waa lɔ Jerusalam la.

Aesaya 37:12

N naawa yo harɛre nɛra bane baa le Gosan ne Haran ne Rɛsɛf, dɛ chɔɡ ba harɛre, dɛ kpoo Bɛt Eden tena baa soɡe Tɛl Asa, ba voɡare wono lɛɛ ba aa?

Aesaya 37:18

A ɛ kpela, Korowii, kɛŋɔ Asiiria koojena yo harɛre ɡalɡa nɛra, dɛ chɔɡ ba harɛre a chɔ pɛɛpɛɛ.