1 Webena 5:25 - mzwDBL

²⁵ Kɛ dɛ ba waa ta kasinteŋ dɔe Korowii ba naawa aa tomɔ la be, dɛ ɡelo kaa tomɛ nɛra Korowii aa doŋa ba siwi ta voɡare.

1 Webena 5:25 ပူးပေါင်းရင်းမြစ်များ

2 Koranar 15:19

Asiiria harɛ ta Koojen Tiɡlat Pilesa la Israel harɛ ta ka yoo ba, asɛ Kooro Mɛnahem tɛo suuɡapoŋa a tɔɡre aa ɛ kaɡboŋa lafraatoro fifraanaarɛ ŋɔ ó chao, ásɛ o kora la do kpeɡri.

1 Webena 5:24

Nomonnyuune baa chɔ ba nyoo laanee, Efar ne Isi ne Eliel, ne Asriel ne Jeremia ne Hodavia dɛ Jadiel. Dɛ ba ɛ nomonnyuune, dɛ ɛ banyoola dɛ berɛ dɔ sɔna kɛrɛdɛ.

1 Webena 9:1

Ba chwerɛ Israel tena bwa sɔna denaa ta do Israel Koranar Waa Tɔne bini. Juda tena wechɔɡa nomanta, ba laɡ ba laa ta kaa Babelɔn harɛ ta, dɛ́ kpɔ tɛr ba deŋne.

Kaala 34:15

Hé nyiŋi kɛrɛdɛ he ne ba bɛ fɔo bɛlbwa fɔwɛ, dɛkalkɛ ba kpɔ ba te tɛ ba voɡa la kɛŋɔ baa dɛ bɔ jwamane ken asɛ dɛ kpoo kwaa ɛ saraha dɛɛ tɛa, baa yerɛ heyaa ásɛ he di ane.

Hosia 1:2

Korowii aa pa mun che Hosia nɛɛ dɛɛ bol waa Israel tena be la, o ŋɔ o be ŋɔ, “Ka mo haah, kɛ wɛɛ le he habɔɔ dɛ́ lolɛ sɛmbii, ásɛ ba ir dɛ́ do kɛŋɔ ba nya. Gɛɛ n nɛra Israel tena waa aa wola kasinteŋii dɔ tɛ mɛ, dɛ́ le n habɔɔ.”

Hosia 9:1

Hosia ŋɔ Israel tena be ŋɔ, “He bɛ ɡel he sie lɛ kɛŋɔ harɛre ane nɛra. Dɛkalkɛ he le Korowii haa dɛ tomɔ la habɔɔ. Mea pɛla bɛlbwa haa cheme o ta la, he sie dɛ lɛ jwamansuuɡa ta.

Wepila 17:5

Ba chwerɛ sɔn bɛl pɛl haah la tile ta. O ɛ sɔn o mun aa sɔah. Sɔn laanee babelɔnjen, jwamane tena ne harɛ nɔ ta wedoŋa bwa nya.

Sitɔɔla 2:12

Ba vɛh Korowii ba naawa aa tomɔ o lɛɛ ba le Ijipt harɛ ta la toma, dɛɛ tomɛ nɛra baa soɡa bar ba la voɡa, a ɡel Korowii baah di ba nɛ

Sitɔɔla 2:17

Kɛ ba vɛh sitɔɔla la be noe, dɛ kpɔ ba te tɛ voɡa dɛɛ toma. Ba ta doe kɛŋɔ ba naawa ba fa aa dɛ no Korowii wa dɛɛ teŋɛ waa waa do ba a ta la ta. Ba vɛh o ŋwɛnɛ ta teŋa buɡ ta.

Sitɔɔla 8:33

Gedeɔn aa sewa la, Israel tena berɔ vɛh Korowii dɛ kaa tomɛ voɡ Baal ja. Ba cheɡ Baal Bɛret dɛɛ tomɔ,