1 Webena 5:1 - mzwDBL

¹ Jekɔb binomoa sɔne Rubin, dɛ onee biloɡle, kɛ waa lawɛ o mɛɛ haah chɔ la nomanta, ba laa o nomonome lɛ o be tɛ o nime Josef. A ɡɛ nomanta, o sɔn toole ɡɛ baa lol ba teŋɛ dɔŋa nɛɛ la ta.

1 Webena 5:1 ပူးပေါင်းရင်းမြစ်များ

Mumpar 25:23

Anee Korowii ŋɔ o be ŋɔ, “Harɛre nɛra banɛ nomonomaa lɔ he tea bini. Ba baah dɛ́ ba doe kɛŋɔ kolmaala ken. Beŋkpoŋ ɛɛ dɔ kpeɡrii ɡwaa o dɔŋ, ásɛ nomoa la ɛɛ tomɛ bechala la.”

Mumpar 25:31

Anee Jekɔb ŋɔ o be ŋɔ, “Hɛɛ kpɔ he nomonomee charɛ tenaa, mɛɛ tɛɛ.”

Mumpar 29:32

Lea kpoŋe tea dɛ lolɛ bibaa dɛ pa o sɔn Rubin. O munii kɛŋɔ Korowii na wahala maa lɔ a bini. “Name te n jaa ɛɛ dɛɛ nyin mɛɛ.”

Mumpar 35:22

Waa kaa so harɛ la ta la, Rubin kaa lawɛ tolo baa dɛ yerɔ Bilha baa lawa tɛ o mɛɛ o ɛ o sɛno la chɔ, asɛ Jekɔb no. Bii fi dɛ banɛɛ Jekɔb lolɛ.

Mumpar 46:8

Jekɔb bibaala baa ja o nɛɛ dɛ la Ijipt harɛ ta laanee nɔ, Rubinii ɛ o binomoa.

Mumpar 48:5

Jekɔb berɔ ŋɔ o be ŋɔ, “He bibaala banɛ, Manasɛ ne Efrem haa lol ba Ijipt mɔɔ n ba la bwa ɛ n kwa, kɛŋɔ n bibaala Rubin ne Simeon.

1 Webena 2:1

Bibaala Jekɔb aa lol ba laanee nɔ. Rubin ne Simeon ne Lewi ne Juda ne Isaaka dɛ Sebulon,

1 Webena 26:10

Hosa waa ɛ Merari te bibaalaa, Simri, onee o mɛɛ leo binomoa, kɛ dɛ o laa fe,

Kaala 6:14

Rubin waa ɛ Jekɔb bibanloɡle la bibaalaa Hanɔk ne Palu ne Hɛsrɔn dɛ Kaami. Ba sɔna nɔ cheɡɔ tɛ Rubin dea sɔna.

Lewi Dea Tena 18:8

Bɛ he mɛɛ haah lawɛ chɔ. A ba ɡɛ naa, dɛ duure bɛlbwa toole he ne he mɛɛ baah ta.

Lewi Dea Tena 20:11

Nomɛlbwa waa lawɛ o mɛɛ haah o ne o chɔ la lawɛ o mɛɛ sie teɡɛ harɛ. Baa la ne haah la bwa chɛ kpoe. Ba sewɔ ɡe aa, ba wechɔɡa ɡure ba nyu ta.

Nɛra Kura 1:5

Baala baa chɛ kɛŋɔ bá cha heyaa laanee nɔ. Rubin dea, Sɛdor bibaa Elisur,

Nɛra Kura 16:1

Awola bɛl, Isiha bibaa Kora, ne Kora naa Kohat. Kora nɔ nabaalee Lewi. Kora ne Eliab bibaala Datan ne Abiram, dɛ Pɛlet bibaa Ɔn, ba bwa aa le Rubin dea la ɛ deŋnekpeɡ

Nɛra Kura 26:5

Rubin waa ɛ Jekɔb bibanomoa la dea nɛraa teŋa nɔ. Hanɔk ne o dea nɛra, ne Palu ne o dea nɛra,

1 Kɔrent 5:1

N dɛ no kɛ he bini bane dɛ bɔ jwamane aa wola were, hale nɛra baa wola Korowii tomɛ kwara aa wola ɡɛɛ ɛ. Ba ŋɔ he bini bɛl lawɛ o mɛɛ haah kwaraa dɛɛ chɔ.

Mmarare 21:17

A chɛ kɛŋɔ hé tɛ bie waa ɛ nomoa la bele anɛ, hale dɛ he chanche la bie laa kwaraa noo. A ɡɛ bie laanee o mɛɛ bonɔmbie, anomanta, biloɡle dibɔr chɛo.

Mmarare 27:20

Bá berɛ ŋɔ, ‘Nomɛlbwa waa lawɛ o mɛɛ haah chɔ la, Kórowii taahno, dɛkalkɛŋɔ a do kɛŋɔ waa wur o mɛɛ ken.’ Ásɛ Israel tena la bwa chaŋe ŋɔ, ‘Aamen!’

Mmarare 33:17

O kpeɡri kɛŋɔ nabal ken, o nyeɡlare do kɛŋɔ kpɔɡ bini nao. O nyeɡlare laanee Manasɛ dea nɛra kaɡboŋ bokpeɡa, Efrem dea nɛra ɡe kaɡboŋa fi bokpeɡa. A nee wɛɛ chuɡe harɛre nɛra, dɛ taɡ ba kaa tel harɛ jaɡa.’

Kolosi 1:15

Yaa won Korowii na. Gɛ Korowii aa doa la, ɡɛɛ o Bie ɡe do. O Bie la lole mɔɔ o ta komɛlbwa.

Josua 14:6

Awola bɛl, Juda dea tena bane ne Kaleb, baa dɛ yerɛ o mɛɛ Jefune o ɛ Kenis te iro, dɛ la Josua be Gelɡal, asɛ Kaleb ŋɔ o be ŋɔ, “Lii ɡɛ saŋ yaa lɔ Kades Baanea asɛ Korowii bol n ne he waa baɡle Mosis waa ɛ Korowii bonɔɔ waa ya be la.