1 Webena 3:16 - mzwDBL

¹⁶ Jehoiakim ɡe lolɛ bibaala banɛ, banee Jehoiachin ne Sedekia.

1 Webena 3:16 ပူးပေါင်းရင်းမြစ်များ

2 Koranar 24:17

Babelɔn Kooro Nebukadnesa cheɡ Kooro Jehoiachin mɛɛ nime baa dɛ yerɔ Matania kooro, o so Kooro Jehoiachin buɡ ta, dɛ ɛ Juda harɛ kooro. Dɛ beɡre Matania sɔn Sedekia.

2 Koranar 24:6

Kooro Jehoiakim sewɔ ka pu o naawa, asɛ o bibaa Jehoiachin ba chiɡ o naa ta, dɛ di kora.

2 Koranar 24:8

Kooro Jehoiachin di bene fi dɛ anuatoro mɔɔ dɛ di kora. O soɡe Jerusalam di kora korobie atoro. O nya sɔne Nehusta, o mɛɛ ɡe sɔne Ɛl Netan, o le Jerusalam.

2 Koranar 25:27

Baa lawɛ Juda Kooro Jehoiachin laa ta kaa Babelɔn harɛ bene fifraatoro dɛ anuanɛ la, ɡɛ saŋee Babelɔn Kooro Evil Mɛrɔdak di kora. O tɛ ŋwɛnɛ dɛ ɡel ba le Kooro Jehoiachin dea korobie fi dɛ anɛ, tɔpera fifraanɛ dɛ anuanɛ ta.

1 Webena 3:15

Josia dɔ bibaala banaarɛ, banee, Johanan ne Jehoiakim ne Sedekia dɛ Salum.

1 Webena 3:17

Kooro Jehoiachin baa lawɔ laa ta kaa Babelɔn harɛ ta naanar waa nɔ. Dɛ o dɔ bibaala banuanɛ, banee teŋa nɔ. Sealteɛl,

2 Webena 36:15

Korowii ba naawa aa tomɔ la cheɡɛ o keamere nɛɛ bol waa baɡ ba keraŋwɛnɛ bwa, dɛkalkɛ o dɔ tedoma tɛ o nɛra ne o Dea la.

2 Webena 36:9

Kooro Jehoiachin di bene fi dɛ anuatoro mɔɔ dɛ di kora. O soɡe Jerusalam di kora korobie atoro dɛ tɔpera fi. Kooro Jehoiachin ɡe ɛ wechɔɡa dɛ jo Korowii nɛ.

Jeremia 22:24

Korowii ŋɔ Kooro Jehoiakim bibaa Kooro Jehoiachin be ŋɔ, “Men Korowii taa lole nɔ, hale dɛ he do kɛŋɔ noniseɡ waa dɛ baɡle kpeɡri nɛn aa dɔa, dɛ do n nɔndiɡ ta kwaraa naa, mɛɛ foori ta.

Jeremia 22:28

Ate, men Jeremia ŋɔ, “Amɔ Kooro Jehoiachin nɔ do kɛŋɔ loŋ waa paɡra, ba kpɔ ta nomɛlbwa aa wola nyin kpa kɛɛ? A waa ba lawɛ o ne o bii laa ta kaa bojaŋ harɛfale, baa wola o ta jemɛ nɔ naa?

Jeremia 37:1

Babelɔn Kooro Nebukadnesa lawɛ Josia bibaa Sedekia so kora ta Juda harɛ ta chiɡ Jehoiakim bibaa Jehoiachin naa ta.

Matiu 1:11

asɛ Josia lolɛ Jekonia ne o nimanar. A ɡɛ saŋee Babelɔn tena pɔ Israel tena nɛɛ dɛ laɡ ba kaa ba harɛ la.