1 Webena 29:22 - mzwDBL

²² Ba di saraha kwaa la, dɛ nyɔ sen lɛ ba sie kohona Korowii sie awola. Belaa ba lɛ Solomɔn waa ɛ Kooro Devid bibaa do nɛɛtena kɛŋɔ kooro, dɛ fuɡe noo do o nyu ta Korowii sie, dɛ cheɡo kora ta, dɛ fuɡe noo do Sadɔk nyu ta o ɡe ɛ sɔfo.

1 Webena 29:22 ပူးပေါင်းရင်းမြစ်များ

1 Koranar 1:31

Asɛ Batsiiba ba ɡuŋi Kooro Devid sie dɛ ŋɔ, “Kórowii tɛ Kooro Devid mkpajaŋ!”

1 Koranar 1:33

o ŋɔ ba be ŋɔ, “Hé kpɔ n koodem nomonome, dɛ n bie Solomɔn so n keeɡo la ta ja kaa Gehɔn bule ta.

1 Koranar 2:35

Kooro kpɔ Bɛnaya chiɡ Joab naa ta kɛŋɔ laa sitɔɔ, dɛ kpɔ Sadɔk chiɡ sɔfo Abiata ɡe naa ta.

1 Webena 12:40

Deene ane kɛŋɔ Isaaka ne Sebulon, dɛ Naftale deene tena ɡe le bojaŋa, dɛ kpɔ nyoɡmare ne keeɡore ne nabala aa cheɡɛ kondikwa ne men aa kpera kɛrɛdɛ, ne fiɡ daa nɔna aa hola nɔn del, ne daa nɔna ane ɡe aa hola nɔn del, ne sen dɛ ɔleve no. Ba kpɔ nae ne peera aa wara ba ba kpo di, dɛkalkɛ silɛɛ tentenee ba Israel harɛ ta bwa.

1 Webena 23:1

Kooro Devid aa baa hwɛɛh kohona la, o kpɔ o bibaa Solomɔn cheɡ Israel kora ta.

2 Webena 7:10

Tɔ aa pera la, korobie anuanɛ la tɔpera fifraanɛ dɛ atoro wee la, Kooro Solomɔn tɛ bɛlbwa ŋwɛnɛ o kaa o bwɛ. Ba sie lɛ andɛɛɡa Korowii aa sweera tɛ o nɛra Israel tena, ne Kooro Devid dɛ Solomɔn la wa.

Nehemia 8:12

Ate, nɛra la bwa la ka di kwaa la dɛ nyɔ sen silɛɛ kohona ne, dɛ kpɔ ane kɛ banɔ la baa wola dɔe, dɛkalkɛ ba no waa baa bola baɡ ba la mun kɛrɛdɛ.

Kaala 18:12

Ate, Jetro kpɔ kon waa fuh ɛ saraha ne saraha kwaa ane ɡe ba tɛ Korowii. Asɛ Arɔn ne Israel nomonome bwa le ba, asɛ ba ne o di kwa Korowii sie.

Kaala 24:11

Kɛ Korowii ta Israel nomonome la wobɛlbwa ɛɛ. Ba na Korowii dɛ ta so le dɛ di kwaa dɛ nyɔ sen.

Wejereme 2:24

Waa aa wera tɛ nɛwɛnyini bwaa kɛŋɔ, o di kondikwa dɛ́ nyɔ sen lɛ o sie, ásɛ o bwara sɔɔhno o toma waa ɛa ta. Anɔ ɡe kwaraa la, Korowii bee aa le,

Wejereme 8:15

Anomanta, n liiree kɛŋɔ a wer kɛ nɛwɛnyini di kondikwaa dɛ́ nyɔ sen lɛ o sie harɛ nɔ ta. Gɛɛ dɛ́ ɡel o dɔ silɛɛ o toma ne o tɔpera Korowii aa kpɔa tɛo o so harɛ nɔ ta bwa.

Wejereme 9:7

Kaa ka di kondikwaa dɛ́ nyɔ sen silɛɛ ne, kɛ taraken Korowii sie dɛ lɛ waa haa dɛ ɛ ta.

Ɛsekeɛl 46:10

Kooro la chɛ kɛ ó ja ba nɛɛ jo, ba dɛ le ɡe aa, bá bwa pɛ le.

Mmarare 12:7

Korowii sie belaa he ne he dem tena ɛɛ ba kwaa dii, dɛ́ɛ lɛ sie toma haa dɛ tomɔ nɔ wa.