1 Webena 29:15 - mzwDBL

¹⁵ Ya ɛ hɔɔhra he sie kɛŋɔ ya naawa bwa fa aa ɛa la. Ya tɔpera yaa di harɛ nɔ ta do kɛŋɔ lileo, tamaa ken dɛ o kaalɔ la ken. Ya ta hwɛɡa bɛlbwa dɔe.

1 Webena 29:15 ပူးပေါင်းရင်းမြစ်များ

Mumpar 21:34

Abraham soɡe Filisti tena harɛ ta bela biɡri.

Mumpar 23:4

“N ɛ hɔɔh dɛ ba pu heyaa so, bonɔ laa n le. Anomanta, hé tɛ mɛ harɛ asɛ n yawɛ dɛ huɡe n haah.”

Mumpar 28:4

Onee dɛ́ che he ne he naanar mun ta, ɡɛ waa cheɡɛ Abraham mun ta la, ásɛ harɛ nɔ yaa ɛ hɔɔhra o ta Korowii kpɔ tɛ Abraham nɔ ɛ he kon.”

Mumpar 36:7

Dɛkalkɛ dɛ harɛ o ne Jekɔb aa soɡe o ta la aa kanɛ tɛɛ ba. Ba dɔ kondɛɛra asɛ a ya, anomanta, dɛ a chɛ kɛ bɛlbwa nyin bofale dɛ́ ka so o kwaa ne.

Mumpar 47:9

Anee Jekɔb chaŋe ŋɔ, “Bene maa kpɔa dɛɛ ɡaaɡe la lɔ lafa fifraatoro, a kwaraa la dɛ a kpeɡri tɛ mɛ. A ta n naawa bene baa dia ba ɡaaɡa bini dɛ so biɡri la tele.”

1 Webena 29:14

Menee ume, n ne n nɛra nɔ bwa, kɛŋɔ ya ɡe won dɔ kwaa nɔ bwa dɔŋa ŋɔ ya kpɔɔ dɛɛ kɛɛ nɔ? Anɔ bwa yaa dɔa le he be laanee ya berɛ kpɔ baa tɛɛ la.

1 Webena 29:16

N Naa Korowii yaa dɛ tomɛ, he sɔn waa do ɡoroŋ la waa ya kpɔ kondamanta nɔ bwa tɛ ŋɔ bá kpɔ do he Dea, he bee a bwa le, henee dɔ a bwa.

Job Tɔn 14:10

Kɛ dɛ nɛn te sewaa, dɛ a tonɔ, o sewaa, dɛ lee o dɔɔ jaɔ?

Job Tɔn 14:2

O dɛ kpeɡ warane kɛ kpɔɡa ken, dɛɛ hol warane, tamaa ken dɛ o nyoɡrɔ kɛŋɔ lileo ken.

Job Tɔn 8:9

Ya te aa biɡri, yaa wobɛlbwa jemɛ, ya soɡa bini do kɛŋɔ lileo ken harɛ nɔ ta.

Yela 102:11

N tɔpera dɛ ba warane kɛŋɔ wee yon le harɛ, bɔr ɛɛ bir la, n holɔ kɛŋɔ kpɔɡa ken.

Yela 119:19

N ɛ hɔɔh harɛ nɔ ta, bɛ he waa haa do mɛ a ta la kpɔ sɔɔh mɛ.

Yela 144:4

Ba do kɛ nyoa peu, ba tɔpera do kɛ lileo ken, tama dɛ ba nyoɡrɔ.

Yela 39:12

N Naa Korowii, no n wesoŋa, no n wii dɛ́ cha mɛ, bɛ he deŋna laa kpɔ n be. N do kɛŋɔ hɔɔh harɛ nɔ ta he sie, kɛŋɔ ya naawa bwa fa aa ɛa la.

Yela 39:13

Laa sie kpɔ n nɛ, ásɛ n sie berɛ lɛ ja, mɔɔ n sewɛ le harɛ nɔ ta.”

Yela 90:9

He bandia ɡelɔ ya tɔpera do bori, a dɛ kaa warawara kɛŋɔ hweera ken.

Wejereme 6:12

Dɛkalkɛ umee dɛ́ won jemɛ waa aa wera tɛ nɛn, ya tɔpera tama aa wola tɔnɔ dɔe dɛ teŋe baa kaa kɛ lileo nɔ ta nɔ? Umee dɛ́ won baɡle waa aa chiɡ harɛ nɔ ta o seo habɔɔ?

Lewi Dea Tena 25:23

Hɛ́ɛ berɛ harɛ yoɡa tɛ nɛn o den ɛ o kon kwara, dɛkalkɛ he ɡbabir kon laa. Men Korowii konee. He do kɛŋɔ hɔɔhra dɛɛ nyiŋi o ta.

Jems 4:14

kɛ dɛ he ɡe aa jemɛ ɡɛ tɔɔ aa dɛ ba he pera la! Gɛ kɔɔla yon ta, kɛ aa biɡri dɛ yon kaa la, ɡɛɛ he mkpa do.

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.