1 Webena 29:12 - mzwDBL

¹² Kondɔɔh ne jirima bwa le he be, dɛɛ di kpeɡri komɛlbwa nɛ. He bee kpeɡri ne bokpeɡa le, he ɡɔɔ nɛra dɛɛ tɛɛ ba kpeɡri.

1 Webena 29:12 ပူးပေါင်းရင်းမြစ်များ

1 Webena 29:13

N Naa Korowii yaa dɛ tomɛ, ya dɛ jaame, dɛɛ kpɛɛ he sɔnjen la.

2 Webena 1:12

mɛɛ tɛɛ wejema ne waa mun noe. Mɛɛ berɔ tɛɛ kondɔɔh ne kondɛɛɡa dɛ jirima kohona, he dɔŋ aa wola lee do koranar bwa baa tɔ sie ba di kora, ne banɔ la baa ba di kora he habɔɔ.”

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

2 Webena 20:6

dɛ ŋɔ, “N Naa Korowii ya naawa aa tomɛ, henee dɛɛ di kora nyundua ne harɛre nɛra bwa nɛ. Henee dɔ bokpeɡa ne kpeɡri kohona, nomɛlbwa toole dɛ́ won che he sie.

2 Webena 32:29

A habɔɔ la, Korowii ɡelɔ o dɔ suuɡa kɛrɛdɛ, dɛ dɔ nae ne peera taeh, asɛ dɛ vɔrɔwe bwɛɛre ɡe.

Job Tɔn 42:10

Ate, Job aa soŋa tɛ o daamanar batoro la tonɛ la, Korowii ɡelɔ o ɛ kondɔɔh ja. O dɔ anɔ la o fa aa dɔa la bele anɛ ja.

Job Tɔn 9:19

Dɛ kpeɡri waa yaa, onee kpeɡa dɛ ɡwaa mɛ! Dɛ kɔɔto ɡee yaa, umee dɛ́ won la o ne nɔ?

Yela 103:19

Korowii kpɔ o kookara cheɡ nyundua, dɛɛ di kora harɛ nɔ nɛra bwa nɛ.

Yela 28:8

Korowii kpɔ nɔn dɛɛ tɔ o nɛra nɛ, dɛɛ tɛɛ ba bokpeɡa, o do kɛ danjwɛkpeɡ, dɛɛ lɛ kooro waa leo cheɡ.

Yela 29:1

Nyundua toroma, hé kpɛɛ Korowii, hé kpɛɛ o jirima ne kpeɡri waa dɔa wa.

Yela 29:11

Korowiirii dɛɛ tɛ o nɛra bokpeɡa, dɛɛ swee ba andɛɛɡa, dɛɛ tɛɛ ba deŋnesɔɔhna.

Yela 62:11

N noɔ Korowii aa bola keraŋwɛnɛ bwa kɛŋɔ onee dɔ kpeɡri,

Yela 62:12

o nyina aa wola jaɡa dɔe ɡe do le saŋ bɛlbwa dɛɛ la. Kasinteŋ, o dɛ bɔ nɛra kem ɡɛ ba we-ɛɛla aa doa.

Sɛɡla 10:22

Korowii swee andɛɛɡa tɛɛ naa, a dɛ ba kondɔɔh ne, wenaale bɛlbwa aa a ta ja.

Sɛɡla 8:18

Menee dɔ kondɔɔh ne jirima dɛ kpɔ dɛɛ tɛ, dɛ soɡa bini wer doe dɛ ka tonɛ.

Wejereme 5:19

Kɛ ane a bwa, dɛ Korowii tɛ nomɛl kondɔɔh dɛ ɡel o sie ɛɛ lɛ a ta, asɛ o jemɛ kɛŋɔ anee chɔ le tɛo waa, anee Korowii kpɔ kɛo.

Aesaya 40:29

O won banɔ la baa ɡwɛɡra bokpeɡa tɛɛ, dɛ won banɔ la baa wola kpeɡri dɔe ɡe kpeɡri jae.

Aesaya 43:13

Kpelaa, n ɡboo Korowii saŋ bɛlbwa. Nomɛlbwa aa won lɛ o te n nɔn ta. Anɔ la maa ɛ la, nomɛlbwa aa won bera.”

Aesaya 45:24

Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

Daneɛl 2:20

O ŋɔ, “Hé kpɛɛ Korowii sɔn saŋ bɛlbwa dɛɛ la, onee dɔ wejema ne kpeɡri.

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Amanesoma Jɔn Aa Chwera Tɔn 19:11

Asɛ Yeesu ŋɔ, “Korowiirii sɛah dɛ ɡel he dɔ kpeɡri n nɛ. O fe ta sɛɛh yaa, he fe ta kpeɡri dɔe n nɛ. Nɛn waa lee mɛ tɛ dɛ ɡel he dɔɔ mɛ la wechɔɡa ɡwaa he kwa.”

Ɛfesos 3:16

N dɛ soŋo kɛ, chae waa dɛ cha yaa kohona a dɔ jirima nɔ nomanta, ó ɡel o Domadɛɛɡe tɛ heyaa kpeɡri, ásɛ he won lawɛ o waa bini kiŋkiŋ he bambile bwa ne,

Ɛfesos 3:20

Hɛ́ɛ tɛ Korowii sɔn! Onee cheɡɛ o kpeɡri waa kpɔa dɛɛ ɛ toma ya bini la ta dɛ won ɛ waa aa ɡwaa ɡɛ ya fe aa liira dɛɛ soŋo la.

Mmarare 8:18

Hé lii Korowii haa dɛ tomɔ la wa, dɛkalkɛŋɔ onee tɛ heyaa wejema he kondɔɔh dɔe ta. Anee ɡela o nyoa waa baɡɛ he naawa la chɔ le ba le fini la.

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

Kolosi 1:11

dɛ́ won dɔ kpeɡri kɛrɛdɛ dɛ́ le o ɡbaɡba kpeɡri waa do kan dɛ dɔ jirima kɛrɛdɛ la ta. N dɛ soŋe Korowii ó cha heyaa ɡɛ hé won lawɛ bambile wobɛlbwa ta,

Josua 4:24

Korowii ɛ ɡɛ waa nɔ ásɛ harɛ nɔ ta nɛra bwa jemɛ kɛŋɔ o kpeɡri kan, ásɛ hɛɛ duu Korowii haa dɛ tomɔ saŋ bɛlbwa.’ ”

Wepila 11:17

dɛɛ ŋɔ, “Korowii Haa Ɛ Koranar Bwa Kooro dɛ do le dɛ le saŋ la bwa ba le fini, ya dɛ jaame kɛŋɔ haa kpɔ he kpeɡri dɛɛ di kora komɛlbwa nɛɛ nɔ.