1 Webena 28:9 - mzwDBL

⁹ Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

1 Webena 28:9 ပူးပေါင်းရင်းမြစ်များ

Mumpar 28:13

Dɛ Korowii cheɡɛ o jwɛh dɛ ŋɔ, “Menee Korowii, menee he mɛɛ Abraham ne Aesek tomɛ la. Harɛ haa chɔ o ta nɔ, he ne he naanaree mɛɛ ba kpɔe tɛ.

Mumpar 6:5

Korowii aa baa na ɡɛ nɛwɛnyina nyubinikpeɡ aa kana kohona harɛ nɔ ta dɛ dɔ liichɔɡa ɡbosoroo tɔpere bɛlbwa la,

Mumpar 8:21

Ola baa fuah la sɔɔh do Korowii som kohona asɛ o ŋɔ, “Nɛwɛnyini le o wechɔɡa ne o bechale saŋ, anomanta, maa nɛwɛnyina ne komɛlbwa maa taa chɔɡ ɡɛ maa tɔ sie chɔɡ bane la kpa.”

1 Koranar 3:6

Kooro Solomɔn chaŋe ŋɔ, “He nyin n mɛɛ Kooro Devid waa ɛ he bonɔɔ kohona, dɛkalkɛŋɔ o waa dɔ kasinteŋ, o waa toɡrɔ o tea ɡe to. He teŋɛ he nyina aa wola jaɡa dɔe ta, dɛ tɛo bibaa o chiɡ o naa ta, dɛɛ di kora fini nɔ.

1 Koranar 8:39

noa nyundua bela haa soɡa la, dɛ́ kpɔ kɛ ba. He ɡboo jemɛ nɛn bambile bini wa, che waa bɛlbwa aa ɛa ta dɛ́ tɛr o deŋne.

1 Koranar 8:43

noa nyundua bela haa soɡa la, ásɛ dɛ ɛ wobɛlbwa baa bɔɔra dɛɛ le he be la, ásɛ harɛ nɔ ta nɛra jemɛ dɛ́ kpɔ duure dɛɛ tɛɛ, ɡɛ Israel tena yaa ɛ he nɛra aa dɛ ɛ la. Ásɛ ba jemɛ kɛŋɔ Dea maa doa tɛɛ nɔ ɛ bela nɛra aa dɛɛ tomɛ.”

1 Koranar 8:61

N dɛ soŋe kɛ he nɛra haa dɛ tomɛ Korowii ɛɛ di kasinteŋ dɛɛ valɛ o Mmarare ne waa waa do heyaa la ta ɡɛ aa doa fini nɔ.”

2 Koranar 20:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

2 Koranar 21:22

O berɛ habɔɔ kpo Korowii o naawa aa toma la, dɛ vɛh Korowii waa ta teŋa.

2 Koranar 22:2

O ɛ waa aa too Korowii tea, o teŋɛ waa o nabaa Kooro Devid aa ɛa ta. O teŋɛ Korowii waa ta kɛrɛdɛ.

1 Webena 22:19

Name, le fini kpɔ he bambile ne liire bwa ne dɛɛ tomɛ Korowii. Pa mun ma Korowii Dea la, ásɛ dɛ won kpɔ Korowii Ne Nɛwɛnyina Fɔo Daka la ne laala aa do ɡoroŋ ba kpɔ dɛɛ tomɔ la bwa ba cheɡ o bini.”

1 Webena 28:8

Anomanta, n dɛ ŋɔ he be Korowii yaa dɛ tomɔ ne o nɛra Israel tena bwa siwi ta kɛŋɔ, hé nyiŋi kɛrɛdɛ dɛɛ teŋɛ Korowii yaa dɛ tomɛ nɔ mmarare ne waa maa kpɔa tɛ heyaa bwa ta, ásɛ dɛ won dɔ harɛdɛɛɡe nɔ, hale he naanar bwa ɡe bá dɔ ɛ ba kon saŋ bɛlbwa dɛɛ la.”

1 Webena 29:9

Nɛra la bwa sie lɛ ɡɛ ba nomonome la aa le ba bambile ta dɛ tɛ kwaa la, Kooro Devid ɡe sie lɛo kɛrɛdɛ.

2 Webena 12:5

Ate, Korowii keame Sɛmaya ba Kooro Rɛhoboam ne Juda nomonome baa kaa cheme Jerusalam la be, Kooro Sisak ɔma wa. Asɛ Korowii keame Sɛmaya ka ŋɔ ba be ŋɔ, “Waa Korowii aa dɛ bol laanee nɔ, ‘He vɛɛh mɛ, anomanta, taraken n ɡe vɛh heyaa tɛ Kooro Sisak.’ ”

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

2 Webena 6:30

noa nyundua bela haa soɡa la, dɛ́ kpɔ kɛ ba. He ɡboo jemɛ nɛn bambile bini wa, che waa bɛlbwa aa ɛa ta dɛ́ tɛr o deŋne.

Ɛsra 8:22

Dɛ sihiih dɛ kpo mɛ kɛ n soŋe laa tena ne nɛra baa soɡe jaɡre ta le koojen be ŋɔ, bá tɔ yaa ɡbemɡbe le ya dɔma baa lɔ ŋwɛnɛ ta la be, dɛkalkɛŋɔ ya ŋɔ koojen la be ŋɔ Korowii dɛ sune nomɛlbwa waa kpɔ o te dɛɛ tɛo nɛ, kɛ nɛra baa vɛoh la te, o baah ɛɛ diu kohona ó tɛr ba deŋne.

Yela 101:2

Mɛɛ dɛɛ nyiŋi n we-ɛɛla bini kɛrɛdɛɛ. Saŋ besoo he ba cha mɛ nɔ? Mɛɛ kpɔ bambidɛɛɡee so n dem,

Yela 139:2

He jemɛ n harɛ soɡa ne n ira dɛ che bwa bini, n ne he baah jaŋne kwaraa naa, he jemɛ n nyu bini liire bwa.

Yela 17:3

He jemɛ n bambile bini wa, he ba n be jwaana, dɛ nyiŋi n waa bini, dɛ pese mɛ kɛrɛdɛ, he ta wechɔɡa nae n nɛ, n ɛ n liire kɛ, wechɔɡa aa n nyoa le.

Yela 18:2

N Naa Korowii, he do kɛŋɔ Bwetal, maa chwaa kaa marɛ, ne danjwɛkpeɡ hɛɛ lɛɛ mɛ. Korowii maa dɛ tomɛ, he do kɛŋɔ Bwetal, maa chwaa kaa marɛ. Henee dɛɛ tɔ mɛ ɡbemɡbe, dɛ ɛ n kpeɡnɛn.

Yela 7:10

Nemenɛ Korowiirii dɛɛ tɔ mɛ ɡbemɡbe, on dɛɛ lɛ nɛra baa dɛ teŋɛ o waa ta.

Yela 7:9

N Naa Korowii, he waa toɡrɔ, he jemɛ nɛwɛnyini bambile bini, ne o liire bwa wa. Gel nyubinikpeɡ tena naɡrenyin waa bwa ba a jaɡa, dɛ́ ɡel nɛra ba wa aa toɡra do le.

Yela 89:26

Devid ɛɛ yer mɛɛ ŋɔ, ‘Henee n Mɛɛ ne Korowii maa dɛ tomɛ, he do kɛ Bwetal maa chwaa baa marɛ hɛɛ lɛɛ mɛ.’

Yela 89:38

He baah di kooro haa leo cheɡ tɛ he te la nɛ, he berɛ habɔɔ kpoo dɛ vɛoh.

Yela 9:10

N Naa Korowii, nɛra baa jemɛ kɛrɛdɛ bwa ɛɛ yaradae, haa banɔ la baa dɛ nyin he bɔr la vɛh.

Kaala 15:2

Korowiirii n bokpeɡa, o sɔn ber mɛ yel mɛɛ ɡo, onee n Lɛɛ, onee mɛɛ tomɛ dɛɛ kpɛɛro, Korowii n naa wa aa tomɔ laanee on, o sɔnee mɛɛ ba yera dɛɛ tomɔ.

Kaala 3:16

La ka cheme Israel nomonome dɛ́ ŋɔ ba be ŋɔ, ‘Korowii he naawa Abraham ne Aesek ne Jekɔb aa tomɔ la ba n be dɛ ba ŋɔ, o nyiŋo, dɛ na ɡɛ baa dɛ ɛ heyaa hɔhɔrɔwa Ijipt harɛ.

Sɛɡla 17:3

Niinii ba kpɔ dɛɛ jemɛ suuɡapoŋ ne suuɡaswɛm kɛŋɔ a wer, ɡɛɛ Korowii ɡe ɛɛ nyiŋi bambile bini.

Sɛɡla 3:6

Wobɛlbwa haa dɛ ɛ la, lii Korowii wa, ásɛ o baɡle ŋwɛnɛdɛɛɡe hé kpɔ o ta.

Sɛɡla 4:4

n mɛɛ fa yon bol waa dɛɛ baɡ mɛ dɛ ŋɔ, “Gel waa nɔ ɛɛ liire dɛ bɛ soh. Dɛɛ teŋɛ a ta ásɛ dɛ biɡri.

Aesaya 1:28

Nɛra baa kpaŋe o nɛ, ne wechɔɡ-ɛɛra la, wɛɛ pɛo chɔɡ ba bwa. Asɛ nɛra ba ɡe aa vɛoh la, ó kpoo ba ɡe.

Aesaya 38:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

Aesaya 45:19

N ta wobɛlbwa bolɛ sɔh, kɛɛ dɛ che biro ta bol waa harɛ nɔ ta bobɛlbwa. N ta Israel tena be ŋɔe ŋɔ, ‘Hé nyin n bɔr pɛɛpɛɛ.’ Menee Korowii, Kasinteŋ ɡboo n bwa, waa aa wera dɛ toɡre ɡboo mɛɛ bol.”

Jeremia 11:20

Ate, Jeremia soŋe ŋɔ, “Koranar Bwa Kooro haa dɛ pa bole aŋwɛnɛ ta dɛɛ nyiŋi ɡɛ nɛn liire ne o bambile aa doa, tɛr ba deŋne, dɛ́ bɔ ba kem, dɛkalkɛ he nɔn taa n kpɔ n waa do.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Jeremia 20:12

Koranar Bwa Kooro, henee dɛɛ nyiŋi nɛn o wa aa toɡra bini, dɛ jemɛ waa aa lɔ o bambile ne o liire bini. Anomanta, ɡel n na kembɔr haa kpɔ tɛ n dɔma, dɛkalkɛ he nɔn taa n kpɔ n waa do.

Jeremia 22:16

O bol nyaara ne nɛŋɡwɛɡra waa tɛɛ ba, anomanta, o wobɛlbwa wer tɛo. Gɛ laa dɛɛ baɡle kɛ nɛn jemɛ men Korowii aa?

Jeremia 24:7

Mɛɛ ɡeloo ba dɔ nyina bambile, á ɡel ba jemɛ kɛŋɔ menee Korowii baa dɛ tom mɛ. Mɛɛ ɛ Korowii baa dɛ tom mɛɛ, ásɛ ba ɡe ɛ n nɛra, dɛkalkɛ baa kpɔ ba bambile bwaa tɛ mɛ, dɛ́ berɛ ba n be.

Jeremia 29:13

Hɛɛ dɛɛ ɡaaɡe n bɔree dɛ́ na mɛ, dɛ he dɛ́ nyin n bɔr he bambile bwa ne naa, hɛɛ na mɛɛ.

Jeremia 29:14

Kasinteŋ, hɛɛ na mɛɛ, ásɛ n lawɛ heyaa le Babelɔn harɛ haa kaa so o ta la ta, dɛ́ berɛ ba he ne he buɡ ta Jerusalam. Mɛɛ boa he nyoa le harɛre maa lɔ heyaa peɡre a ta la ta, dɛ́ berɛ ba he ne harɛ maa le he ne o ta kaa harɛfala ta la ta. Men Korowiirii bola.”

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”

Jeremia 9:24

Nomɛlbwa waa dɛ nyin o te maŋkurae la, wɛɛ maŋkura o te kɛŋɔ o jemɛ men Korowii dɛɛ no n waa mun, dɛkalkɛ n nyina lole saŋ bɛlbwa dɛɛ la. N waa wer dɛ toɡre ɡe, dɛkalkɛ a ɡɛ waa nɔɔ dɛɛ lɛ n sie. Men Korowiirii bola.

Ɛsekeɛl 11:5

Korowii Doma la baa so n nɛ, asɛ dɛ ŋɔ ń bol Israel tena be ŋɔ, “N jemɛ waa haa dɛ bol, ne anɔ la haa dɛ vɔrɔwe bwa ɡe.

Ɛsekeɛl 38:10

Waa men Nemenɛ Korowii aa dɛ bol nomonjen Gɔɡ be laanee nɔ, ‘Awola tɔpere la, liichɔɡa ɛɛ pa munii ba he nyu bini, ásɛ hɛɛ nyin a ŋwɛnɛre.

Hosia 4:1

Korowii ŋɔ o ne Israel tena dɔɔ, dɛ ŋɔ bá no waa waa dɛ bol. O ŋɔ, “He waa ta kasinteŋ dɔe, he ta nyina ɡe dɔe, haa men jemɛ harɛ nɔ ta.

Hosia 4:6

N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.

Amanesoma Jɔn Aa Chwera Tɔn 1:47

Yeesu aa na Nataaneɛl wɛɛ ba o be la, o ŋɔ, “Israel te tentenee nɔ. O waa dɔ kasinteŋ kɛrɛdɛ!”

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Amanesoma Jɔn Aa Chwera Tɔn 2:25

A ta hiaih kɛ nɛn baɡlo ɡɛ nɛwɛnyini aa doa, dɛkalkɛŋɔ o ɡbaɡba jemɛ waa aa lɔ nɛn bambile bini.

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

Amanesoma Jɔn Aa Chwera Tɔn 4:24

Korowii ɛ lileo. Anomanta, dɛ ya dɛ tomɔ waa, yá che o Domadɛɛɡe kpeɡri ta dɛ́ kpɔ kasinteŋ dɛɛ tomɔ bambile bini.”

Amanesoma Jɔn Aa Chwera Tɔn 8:55

Haa on jemɛ, kɛ n te jemɔ. Dɛ n ŋɔ maa on jemaa, dɛ n ɛ nyosonteŋni kɛ heya. N jemɔ asɛ dɛɛ no o deŋna wa.

We-ɛɛla 1:24

dɛ soŋe Korowii ŋɔ, “Ya Dɔɔ, hen jemɛ nomɛlbwa nyu bini. Anomanta, baɡle yaa nɛra banɛ nɔ bini onɔ la haa dɛ nyin

We-ɛɛla 17:23

dɛkalkɛŋɔ maa dɛ ɡaaɡe he bwɛɛ nɔ ta dɛ na bɔra haa dɛ tomɛ la, n na kon haa dɛ ɛ saraha o ta, dɛ na kɛŋɔ baa chwerɛ bobɛl ŋɔ, ‘Ya dɛ tomɔ, kɛ yaa on jemɛ.’ Kon haa wola on jemɛ dɛ ɡee tomɔ la, o waa mɛɛ bol he be la. O sɔne Korowii.

We-ɛɛla 17:30

Saŋ la nɛwɛnyini fa aa wola Korowii ŋwɛnɛ jemɛ kɛrɛdɛ la, o laa sie kpɔ ba wechɔɡa ta. Kɛ taraken te, o ŋɔ hárɛ ta bobɛlbwa nɛra charɛ ba liire, dɛ́ le ba wechɔɡa ta,

1 Kɔrent 15:34

Anomanta, hé ir dɛ́ ɡel he sie chɔ harɛ hɛɛ ɛ kɛrɛdɛ, dɛ bɛ wechɔɡa dɛɛ ɛ. He bini bane aa Korowii waa jemɛ kɛrɛdɛ. A ta sihiih ɛɛ tɛ heya aa?

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

2 Kɔrent 8:12

Dɛ he bambile lawɔ kɛ hɛɛ tɛ suuɡaa yaa, ɡɛ bwa haa dɔa dɛ tɛ la, aa su Korowii siwii. Waa ŋɔ hé tɛ ɡwaa ɡɛ haa dɔa.

2 Kɔrent 9:7

Anomanta, bɛ́lbwa tɛ ɡɛ aa maɡra o bambile ta. Bɛlbwa nao kɛŋɔ o tɛo aa we o nɛɛ yaa, ó ɡel tɛɛ. Bɛl dɛ lii kɛ doe ba doo ŋɔ o tɛ aa, ó ɡel, dɛkalkɛŋɔ nomɛlbwa waa dɛ tɛ kwaa bambile bwa ne la, Korowii sie dɛ lɛ o nɛ.

Mmarare 10:12

Mosis berɔ ŋɔ, “Israel tena, waa Korowii aa dɛ nyin dɛ le he be taraken laanee kɛŋɔ, hɛ́ɛ ɔmɔ dɛ́ɛ teŋɛ o waa bwa ta, dɛ́ nyinu dɛ́ɛ tomɔ he bambile ne he hweera bwa ne,

Mmarare 31:21

Ásɛ wekpeɡa ba ba nɛɛ taeh, kɛ ba taa teŋɔɔ dɛ́ ɡo yel la, ásɛ a ɛ waa dɛ́ chɔ tɛɛ ba. Taraken kwara, n jemɛ liire baa dɛ lii mɔɔ mɛɛ ba ba ne harɛ maa baɡ ba nyoa la ta kaala.”

Mmarare 4:35

Korowii cheɡɛ anɔ ta dɛɛ baɡle heya ásɛ he jemɛ kɛŋɔ nomɛlbwa toole dɛ do kɛ on.

Hibru 12:28

Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

1 Pita 5:2

hɛ́ɛ nyiŋi Korowii nɛra baa ɛ o peera waa kpɔ ba tɛ heyaa ŋɔ hɛ́ɛ nyiŋi ba nɛɛ la kɛrɛdɛ. He bɛ ɡel ba do heyaa mɔɔ hɛɛ nyiŋ ba kɛrɛdɛ, hé ɡel a ɛ he ɡbaɡba tetoowa. He bɛ suuɡa sibeɡra waa koh dɛɛ ɛ ɡɛ toma nɔ, hé nyiŋi nyina haa dɛ nyin kɛ toma la kaa kɛrɛdɛ la dɛɛ ɛa.

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

1 Samoɛl 12:20

Samoɛl ŋɔ, “A lole kɛŋɔ he ɛ wechɔɡa nɔ bwa te, kɛ hɛɛ berɛ ɔma, he bɛ habɔɔ berɛ kpo Korowii, hɛ́ɛ tomɔ bambile bwa ne.

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”