1 Webena 28:4 - mzwDBL

⁴ Kɛ ane a bwa, Korowii Israel tena aa dɛ tomɔ le n ne n naanar kɛ, yá ɛ Israel harɛ koranar saŋ bɛlbwa dɛɛ la. O le nomoa le Juda dea tena bini, dɛ le nomoa le n mɛɛ wa luɡe waa le Juda. N mɛɛ bibaala bwa bini ɡe menee o bambile lawɛ, dɛ cheɡ mɛ kora Israel harɛ bwa.

1 Webena 28:4 ပူးပေါင်းရင်းမြစ်များ

2 Samoɛl 5:3

Anomanta, Israel nomonome la bwa ba Kooro Devid be Hɛbrɔn, o ne ba fɔwɛ fɔo Korowii sie bela, asɛ ba fuɡe noo do Devid nyu ta dɛ cheɡo kora ta Israel harɛ.

1 Webena 17:23

N Naa Korowii, ɡel he nyobaɡa haa baɡɛ he bonɔɔ, ne o naanar la do le saŋ bɛlbwa dɛɛ la. Ɛ ɡɛ haa ŋɔa la,

1 Webena 17:27

N dɛ soŋe kɛ he swee n naanar andɛɛɡa, ásɛ baa di he laworomɛ saŋ bɛlbwa. Hen N Naa Korowiirii sweera tɛ n naanar a do le saŋ bɛlbwa dɛɛ la.”

1 Webena 5:2

Dɛ Juda dea tena dɔ kpeɡri ɡwaa deene la bwa. Kooro le bela dɛ tɛ deene la bwa, a lole kɛŋɔ dɛ Josef dea fe dɔ kpeɡri kɛ biloɡle.

2 Webena 6:6

Kɛ taraken te, n ŋɔ baa tom mɛ Jerusalam, ásɛ hen Kooro Devid ɡe ɛ ba nomoa dɛɛ nyiŋi ba nɛ.’ ”

Yela 108:8

Gelead harɛ ne Manasɛ dea harɛ bwa ɛ n kwa, Efrem harɛ do kɛŋɔ n laa ɡbɛrɛ, asɛ Juda harɛ ɡe do kɛŋɔ n koodaŋɡbala.

Yela 18:19

He cha mɛ dɛ le n ne wekpeɡa ta, he lɛɛ mɛ, dɛkalkɛ he sie lɛ n nɛ.

Yela 60:7

Gelead harɛ ne Manasɛ dea harɛ bwa ɛ n kwa. Efrem harɛ do kɛŋɔ n laa ɡbɛrɛ, asɛ Juda harɛ ɡe do kɛŋɔ n koodaŋɡbala.

Yela 89:4

‘He naanaree mɛɛ ba ɡela bá di kora saŋ bɛlbwa, dɛ́ ɡel he kora che kiŋkiŋ, ka tel he naanar baa ka ba bwa nɛ.’ ”

Hibru 7:14

Nomɛlbwa jemɔ kɛŋɔ Juda deaa o le. Mosis ɡe fa ta bolɛ ŋɔ Juda dea tena dɛ di sɔfore bwa.

1 Samoɛl 16:1

Awola bɛl, Korowii ŋɔ Samoɛl be ŋɔ, “Saŋ besoo hɛɛ nyin he wi Sɔɔl ka tel, dɛ́ le vɛɛh maa vɛoh kɛ Israel kooro nɔɔ? Do noo pebal nyeɡle ta, ásɛ dɛ chiɡ ŋwɛnɛ ta ń tomɛ Jese be Bɛtlɛham. N le o bibaala la bini bɛl dɛ cheɡo kooro tɛ Israel tena.”

1 Samoɛl 26:1

Baala bane le bwɛjen Sif ta, dɛ la Kooro Sɔɔl be Gebea ka ŋɔ Devid sɔh Hakila Bwejen o sie aa chaɡɛ Juda pua hɛŋle ɡbo harɛ ta la nyoa.