1 Webena 28:2 - mzwDBL

² Ate, Kooro Devid ir che dɛ ŋɔ, “Hé no n be, bwɛɛla. N liiro ŋɔ a chɛ kɛ ń do dea dɛ́ kpɔ Korowii Ne Nɛwɛnyina Fɔo Daka la ba cheɡ o bini, ó ɛ Korowii natiɡribɔr. Asɛ dɛ baɡle ɡɛ baa mao.

1 Webena 28:2 ပူးပေါင်းရင်းမြစ်များ

Aesaya 66:1

Korowii ŋɔ, “Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?

Yela 99:5

Hé kpɛɛ Korowii yaa dɛ tomɔ la, hé ɡuŋi o kookara sie dɛ́ tomɔ, onee do ɡoroŋ kohona!

Wiile 2:1

Na ɡɛ Korowii aa kpɔ o bandia ba bɔle bwɛjen Saayɔn ta kɛŋɔ bam, dɛ tɛr o nɛra deŋne. O le nyundua taɡɛ Israel wer ta harɛ. O ta o natiɡribɔr waa ɛ o Dea la ɡba waa dawɛ o bandia tɔpere la ta.

We-ɛɛla 7:49

‘Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?

Yela 132:14

O ŋɔ, “Bonɔɔ mɛɛ ba soɡa saŋ bɛlbwa dɛɛ la, bonɔɔ mɛɛ nyin ń so dɛ́ di kora.

Yela 22:22

Mɛɛ bol he waa haa ɛa n nɛra bee, mɛɛ kpɛɛree ba chema binii.

1 Webena 22:14

N takapɔ dɛ kpɔ suuɡaswɛm a tɔɡre aa ɛ kilore kaɡboŋ bele kaɡboŋa atoro, dɛ kaɡboŋa lafraanaarɛ, ne suuɡapoŋa a ɡe tɔɡre aa ɛ kilore kaɡboŋ bele kaɡboŋa fifraatoro dɛ anaarɛ, ne ayaawa dɛ bune aa wara ne daa ne bwea bwa ba, ásɛ he nyin ane ja do dea la.

1 Webena 6:31

Baa kpɔ Korowii Ne Nɛwɛnyina Fɔo Daka ba Jerusalam bela baa dɛ tomɛ Korowii la, baala Kooro Devid aa lee ba ba chɔ yela nyoa laanee nɔ.

1 Koranar 1:47

Anɔ la aa jaa ɡee kɛŋɔ, Kooro Devid nomonome ɡe la o be dɛ kaa jaamo ŋɔ, ‘Korowii haa dɛ tomɔ la ɡel Solomɔn sɔn le ɡwaale, ásɛ o kora ɡe do kan ɡwaa he kon!’ Asɛ Kooro Devid ir so o chɔɔbɔr dɛ soŋe ŋɔ,

Mmarare 17:20

Gɛɛ dɛ́ ɡel ó jemɛ kɛŋɔ o ta o bala Israel tena ɡwaalɛ. O bɛ tɔn la waa la ane laa kpɔ, dɛ bɛ ane ɡe kpɔ ja, ásɛ a ɡel o ne o naanar di kora dɛɛ biɡri Israel harɛ ta.”

Mmarare 17:15

hé nyiŋi kɛrɛdɛ, dɛ́ na onɔ la Korowii aa leo. A chɛ kɛŋɔ ó ɛ he bini bɛl. He bɛ hɔɔh kpɔ, hé kpɔ Israel te.

Mumpar 48:2

Jekɔb aa noa kɛŋɔ o bie Josef balɔ dɛ́ ba nao la, o takapɔ dɛ ir so mpa ta.

1 Koranar 5:3

“He na ɡɛ n mɛɛ fe aa dɛ nyin kɛŋɔ o fee do Korowii Dea, kɛ dɔma baa baro cheme kpɔ yoi puu o ta wone do ka tel kɛŋɔ Korowii aa ɡela o pɔ ba bwa nɛɛ mɔɔ.

1 Webena 17:4

“He laa dɛ do dea tɛ mɛ ń ba so o bini.

2 Webena 6:7

Anee Kooro Solomɔn berɛ ŋɔ, “N mɛɛ Kooro Devid lii o nyu bini dɛ fee ŋɔ wɛɛ do Dea Korowii sɔn taa, ásɛ ya Israel tena ɛɛ tomɛ Korowii yaa dɛ tomɔ la bela.

Aesaya 60:13

Baa che Lɛbanɔn kɔr dadɛɛɡa ne ba dajaŋa bwa soo siwii dɛ́ ba kwaa n Dea maa lɔ o bini nɔ ne n bwɛjen la á do wer.

1 Webena 22:6

Kooro yerɛ o bibaa Solomɔn dɛ doo ŋɔ onee chɛ kɛ ó do Dea tɛ Korowii Israel tena aa dɛ tomɔ la.

1 Webena 22:7

O ŋɔ Solomɔn be ŋɔ, “N bie, dɛ n bambile fe lawɔ kɛŋɔ ń do Dea tɛ Korowii maa dɛ tomɔ la.

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

Yela 132:2

O ŋwɛɛ ntam baɡle hen Korowii, Nemenɛ Korowii Jekɔb aa tomɛ la ŋɔ,

Ɛsekeɛl 43:7

O ŋɔ, “Nɛwɛnyini bie, n kookara chebɔree bonɔ. Bonɔɔ mɛɛ ba soɡa saŋ bɛlbwa dɛɛ la, dɛɛ nyiŋi n nɛra Israel tena nɛ. Israel tena aa ba koranar baa serewaa ɛ kɛŋɔ voɡa aa wola mkpa dɔe, dɛɛ toma dɛɛ ɛ jwamanwa bonɔ, dɛ́ kpɔ doŋa kah n sɔn waa do ɡoroŋ la kpa.

Matiu 25:16

A ta biɡre bɛlbwa onɔ la waa dɔ bɔre anue la den kpɔ o kwaa ka ɛ toma dɛ berɛ dɔ a dɔŋa ja a ta.