1 Webena 28:12 - mzwDBL

¹² O kpɔ ɡɛ dea la mar aa dɛ ba doe tɛo ɡɛ Korowii Doma la aa kpɔa do o liire bini. O dembaahna ne deene aa baro baa kpɔ laala a yoɡ aa kpeɡa, ne koŋkɛɛla baa kpɔa baa tɛ Korowii dɛɛ cheɡ a bini bwa.

1 Webena 28:12 ပူးပေါင်းရင်းမြစ်များ

1 Koranar 14:26

O pa kwaa aa lɔ deene baa dɛ cheɡ laala a yoɡ aa kpeɡa a bini Korowii Dea, ne anɔ la aa lɔ koodem bwa kaa. Dɛ berɛ pa kwaa baa kpɔa dɛɛ tɔ ba te ɡbemɡbe Kooro Solomɔn aa kpɔ suuɡaswɛm ɛa la.

1 Koranar 15:15

O kpɔ suuɡapoŋ ne suuɡaswɛm ne kwaa bwa o ne o mɛɛ aa dɔa dɛ kpɔ do Korowii nɔn ta la ba Korowii Dea.

1 Koranar 15:18

Kooro Asa kpɔ suuɡapoŋa ne suuɡaswɛm bwa aa kaa, dɛ do deene baa kpɔ kwaa a yoɡ aa kpeɡa dɛɛ cheɡ koodem bela, dɛ Korowii Dea la tomɛ nomonome ba kpɔ ka tɛ Kooro Bɛn Hadad. Dɛ Kooro Hadad mɛɛ sɔne Tabrimɔn, o nabaa ɡe ɛ Aram Kooro Heseɔn dɛɛ di kora Damaskɔs.

1 Koranar 7:51

Kooro Solomɔn aa ɛ Korowii Dea la toma bɛlbwa tonɛ la, o kpɔ suuɡapoŋa ne suuɡaswɛm ne laala bwa o mɛɛ Kooro Devid aa kpɔa tɛ Korowii la ka cheɡ dea baa dɛ cheɡ laala o bini Korowii Dea la bini.

2 Koranar 16:8

Anee Juda Kooro Ahas kpɔ suuɡapoŋa ne suuɡaswɛm aa lɔ Korowii Dea, ne deene baa dɛ cheɡ laala a yoɡ aa kpeɡa a bini koodem la, dɛ tomɛ ba kpɔ ka kɛ Asiiria koojen la.

2 Koranar 18:15

Asɛ Kooro Hɛsɛkea kpɔ suuɡapoŋa aa lɔ Korowii Dea, ne anɔ la aa lɔ dejeɡre baa dɛ cheɡ laala a yoɡ aa kpeɡa a bini koodem bwa ka tɛo.

1 Webena 26:20

Ba bala Lewi dea tenaa chɔ laala aa lɔ Korowii Dea bela ne deene baa dɛ cheɡ laala a yoɡ aa kpeɡa a bini, ne anɔ la baa kpɔa baa tɛ Korowii la bwa nyoa.

1 Webena 28:11

Ate, Kooro Devid kpɔ ɡɛ baa ma dea la pato ne o bini deene, ne deene baa cheɡ laala a yoɡ aa kpeɡa bini, ne nyundua deene ne o bini deene, dɛ bela baa kpɔ nɛra wechɔɡa la Korowii be kaa soŋe, ó kpɔ kɛ ba tɛo.

1 Webena 28:19

Kooro Devid ŋɔ, “Anɔ bwa, Korowiirii tɛ mɛ ɡɛ o Dea la mar aa doa wejema, n won no a mun, dɛ chwera bil.”

Kaala 25:40

Nyiŋi kɛrɛdɛ dɛ́ ɛa ɡɛ tenten maa baɡle bwejen la doa la.”

Kaala 31:2

“N le Uri bibaa Besalɛl waa ɛ Hur naa dɛ le Juda dea tena bini,

Jeremia 35:2

“Ir la Rekab dea luɡe nɛra be ka bol waa ba be. Ásɛ dɛ laɡ ba ba deene aa lɔ Korowii Dea keŋkeŋ la bɛl bini, ásɛ dɛ tɛɛ ba sen bá nyɔ.”

Ɛsekeɛl 40:2

Korowii kpɔ mɛ kaa Israel harɛ ta ka chɔŋɛ bwejen bɛl waa kaa nyundua kohona doa chaahna ta. Bwejen la weekaŋle harɛbɔr, n na deene ane bela kɛŋɔ bwɛjen bɛl ken.

Ɛsekeɛl 40:38

Dea bɛl pɛl bela baa cheɡa dɛɛ jo, doonyoo aa lɔ dem waa lɔ bini la bɛlbwa, belaa baa yaɡle saraha kwaa baa dɛ fuah la.

Hibru 8:5

Ba sɔfore toma baa dɛ ɛ la, chaaraa baa chaa ɡɛ baa dɛ ɛa Korowii doa la. A tenten laa. A waa Mosis fa aa dɛ ba Korowii Tɛnte Dea baa dɛ tomɔ o bini la ɛɛ la, Korowii ŋɔ o be ŋɔ, “Nyiŋi dɛ ɛ komɛlbwa kɛrɛdɛ kɛŋɔ maa baɡle bwe la doa la.”