1 Webena 28:11 - mzwDBL

¹¹ Ate, Kooro Devid kpɔ ɡɛ baa ma dea la pato ne o bini deene, ne deene baa cheɡ laala a yoɡ aa kpeɡa bini, ne nyundua deene ne o bini deene, dɛ bela baa kpɔ nɛra wechɔɡa la Korowii be kaa soŋe, ó kpɔ kɛ ba tɛo.

1 Webena 28:11 ပူးပေါင်းရင်းမြစ်များ

1 Koranar 6:10

O do deene sarawe Korowii Dea la bar, dea la bɛlbwa jaŋne dɛ́ kaa nyundua lɔ naɡale anuanɛ ne tama, asɛ peleme daa doli le Korowii Dea la ta dɛ lawa kpoŋe.

1 Koranar 6:3

Pato lɔ Dea la sie, o paɡri lɔ naɡale fi dɛ anue, asɛ o jaŋne dɛ le Dea la ta kaa sie ɡe ɛ naɡale fi dɛ anue, o ne Dea la sie bwa paɡri kɛrɛdɛ.

1 Webena 28:12

O kpɔ ɡɛ dea la mar aa dɛ ba doe tɛo ɡɛ Korowii Doma la aa kpɔa do o liire bini. O dembaahna ne deene aa baro baa kpɔ laala a yoɡ aa kpeɡa, ne koŋkɛɛla baa kpɔa baa tɛ Korowii dɛɛ cheɡ a bini bwa.

1 Webena 28:19

Kooro Devid ŋɔ, “Anɔ bwa, Korowiirii tɛ mɛ ɡɛ o Dea la mar aa doa wejema, n won no a mun, dɛ chwera bil.”

2 Webena 5:7

Asɛ sɔfore la kpɔ Korowii Ne Nɛwɛnyina Fɔo Daka la ka cheɡ o Dea la bini, Boɡoroŋ Tenten bela, Kerobim la kena lɔɡre.

Nehemia 13:5

Asɛ Eliasib kpɔ dejen ba fa aa dɛ cheɡ mea baa kpɔa ba ɛ saraha ne daawiile, ne laala bwa soo siwi aa lɔ Korowii Dea, ne mea baa bɔne a bini bɔre fi bini bɔrbeŋkpoŋa, ne senfala dɛ ɔleve noo aa chɛ kɛ ba kpɔ tɛ Lewi dea tena, ne Korowii Dea yelɡoola dɛ nɛra baa dɛ nyiŋi doonyoo ta, dɛ anɔ la baa kpɔ tɛ sɔfore bwa, do Tobia nɔn ta.

Kaala 25:40

Nyiŋi kɛrɛdɛ dɛ́ ɛa ɡɛ tenten maa baɡle bwejen la doa la.”

Kaala 25:9

Gɛ maa baɡle heyaa hé ɛ Tɛnte Dea ne o dor ne o bini kwaara la, ɡɛ tentenee chɛ kɛŋɔ he ɛo.

Kaala 26:30

Gɛ maa chaɡle bwejen la doa laanee chɛ kɛŋɔ he baŋre n Tɛnte Dea la.

Jeremia 35:2

“Ir la Rekab dea luɡe nɛra be ka bol waa ba be. Ásɛ dɛ laɡ ba ba deene aa lɔ Korowii Dea keŋkeŋ la bɛl bini, ásɛ dɛ tɛɛ ba sen bá nyɔ.”

Ɛsekeɛl 40:15

Le doonyoa waa lɔ Dea la habɔɔ, dɛ kaa doonyoa waa lɔ nyoa ta dea la ta ɡe lɔ naɡale fifraanuanɛ dɛ anue.

Amanesoma Luk Aa Chwera Tɔn 21:1

Yeesu aa lɔ Korowii Dea la, o nao kɛŋɔ dɔɔhna ta ba suuɡare dɛɛ do daka baa ta suuɡa dɛɛ do o bini.

Hibru 8:5

Ba sɔfore toma baa dɛ ɛ la, chaaraa baa chaa ɡɛ baa dɛ ɛa Korowii doa la. A tenten laa. A waa Mosis fa aa dɛ ba Korowii Tɛnte Dea baa dɛ tomɔ o bini la ɛɛ la, Korowii ŋɔ o be ŋɔ, “Nyiŋi dɛ ɛ komɛlbwa kɛrɛdɛ kɛŋɔ maa baɡle bwe la doa la.”