1 Webena 26:26 - mzwDBL

²⁶ Dɛ Sɛlomet ne o lolanaree chɔ deene baa dɛ cheɡ laala a yoɡ aa kpeɡa, Kooro Devid aa kpɔa baa tɛ Korowii nyoa, ne nomonnyuune baa chɔ laa tena kaɡboŋa ne lafare nyoo, dɛ laa tena nomonome bane baa kaa la nyoa.

1 Webena 26:26 ပူးပေါင်းရင်းမြစ်များ

2 Samoɛl 8:11

Kooro Devid kpɔ a ɡɛ kwaa nɔ dɛ lea cheɡ tɛ Korowii toma, ɡɛ o fa aa ɛ suuɡapoŋa ne suuɡaswɛm waa paa le harɛre waa kaa yo dɛ pɔ a nɛra nɛɛ la.

1 Webena 18:11

Kooro Devid kpɔ a ɡɛ kwaa nɔ dɛ lea cheɡ tɛ Korowii toma, ɡɛ o fa aa ɛ suuɡapoŋa ne suuɡaswɛm waa paa le harɛre waa kaa yo, dɛ pɔ a nɛra nɛɛ la. A ɡɛ harɛre laanee, Edom ne Moab, ne Amɔn ne Filisti, dɛ Amalɛk.

1 Webena 22:14

N takapɔ dɛ kpɔ suuɡaswɛm a tɔɡre aa ɛ kilore kaɡboŋ bele kaɡboŋa atoro, dɛ kaɡboŋa lafraanaarɛ, ne suuɡapoŋa a ɡe tɔɡre aa ɛ kilore kaɡboŋ bele kaɡboŋa fifraatoro dɛ anaarɛ, ne ayaawa dɛ bune aa wara ne daa ne bwea bwa ba, ásɛ he nyin ane ja do dea la.

1 Webena 26:25

A cheɡɛ o lole Eliesa nɛ o ne Sɛlomet ɛɛ di lola. Eliesaa lolɛ Rehabia, o ɡe lolɛ Jesaya, Jesaya ɡe lolɛ Joram, Joram lolɛ Sikri, asɛ Sikri lolɛ Sɛlomet.

1 Webena 26:27

Ba kpɔ laala baa paa laa ta la ane ba tɛ, ba kpɔ ɛ Korowii Dea la toma.

1 Webena 28:21

Sɔfore ne Lewi dea tena la baa kpɔ tomare do ba nɔɔra ta dɛ kpa, dɛ́ ɛ toma Korowii Dea bela. Nomɛlbwa ɡe aa le o bambile ta o dɔ wejema bwa soo siwi toma ɛɛ ta la ɛɛ bao, dɛ́ ba chae toma la ta. Nomonome la ne nɛra la bwa ɛɛ no wobɛlbwa haa bol ba be laanee.”

1 Webena 9:14

Lewi dea tena ɡee, Hasub bibaa Sɛmaya, ne Asrikam bibaa Hasub dɛ Hasabia bibaa Asrikam, o ɛ Merari te,

2 Webena 23:8

Lewi dea tena ne Juda baala la ɛ ɡɛ sɔfo Jehoiada aa do ba la bwa. Ba bini bɛlbwa ta nɛra baa dɛ ba toma ta Ona Tɔpere ta, ne banɔ la baa wola toma ta ba Ona Tɔpere ta la ŋwɛnɛ tɛɛ ba kaa ba deremi.

2 Webena 31:2

Kooro Hɛsɛkea bɔne sɔfore ne Lewi dea tena la bini, ɡɛ aa chɛ kɛŋɔ bɛlbwa ɛɛ ɛ o toma. Asɛ ba fuh kwaa dɛɛ ɛ sarahare ne deŋnesɔɔhna sarahare, dɛɛ tomɛ Korowii dɛ ɡo yela dɛɛ kpɛɛro o Dea doonyoo la ta.

Ɛsra 2:42

Nɛra baa dɛ daah Korowii Dea doonyoo ɡee nɔ. Salum ne Ata ne Talmɔn ne Akub ne Hatita dɛ Sobai naanar lɔ nɛra lafa fifraatoro dɛ banuanaarɛ.

Nehemia 12:45

Ba ɛ we-ɛɛla dɛ laa doŋa bɛlbwa kpɔ ba nɛɛ Korowii baa dɛ tomɔ be pera, ɡɛ Korowii aa do ba la. Gɛɛ yelɡoola ne nɛra baa dɛ daah Korowii Dea doonyoo ɡe ɛ, ɡɛ Kooro Devid ne o bibaa Solomɔn aa do ba la.