1 Webena 26:20 - mzwDBL

²⁰ Ba bala Lewi dea tenaa chɔ laala aa lɔ Korowii Dea bela ne deene baa dɛ cheɡ laala a yoɡ aa kpeɡa a bini, ne anɔ la baa kpɔa baa tɛ Korowii la bwa nyoa.

1 Webena 26:20 ပူးပေါင်းရင်းမြစ်များ

1 Koranar 14:26

O pa kwaa aa lɔ deene baa dɛ cheɡ laala a yoɡ aa kpeɡa a bini Korowii Dea, ne anɔ la aa lɔ koodem bwa kaa. Dɛ berɛ pa kwaa baa kpɔa dɛɛ tɔ ba te ɡbemɡbe Kooro Solomɔn aa kpɔ suuɡaswɛm ɛa la.

1 Koranar 15:18

Kooro Asa kpɔ suuɡapoŋa ne suuɡaswɛm bwa aa kaa, dɛ do deene baa kpɔ kwaa a yoɡ aa kpeɡa dɛɛ cheɡ koodem bela, dɛ Korowii Dea la tomɛ nomonome ba kpɔ ka tɛ Kooro Bɛn Hadad. Dɛ Kooro Hadad mɛɛ sɔne Tabrimɔn, o nabaa ɡe ɛ Aram Kooro Heseɔn dɛɛ di kora Damaskɔs.

1 Koranar 7:51

Kooro Solomɔn aa ɛ Korowii Dea la toma bɛlbwa tonɛ la, o kpɔ suuɡapoŋa ne suuɡaswɛm ne laala bwa o mɛɛ Kooro Devid aa kpɔa tɛ Korowii la ka cheɡ dea baa dɛ cheɡ laala o bini Korowii Dea la bini.

1 Webena 18:11

Kooro Devid kpɔ a ɡɛ kwaa nɔ dɛ lea cheɡ tɛ Korowii toma, ɡɛ o fa aa ɛ suuɡapoŋa ne suuɡaswɛm waa paa le harɛre waa kaa yo, dɛ pɔ a nɛra nɛɛ la. A ɡɛ harɛre laanee, Edom ne Moab, ne Amɔn ne Filisti, dɛ Amalɛk.

1 Webena 26:19

Gɛɛ ba bɔne Kora ne Merari naanar bini, dɛ kpɔ do ba nɔn ta ŋɔ baa daah doonyoa bela.

1 Webena 26:21

Ladan ɛ Gɛsɔn tena la bini bɛl, o naanar warɔ taeh. O bibaa Jehieli bibaala ne naanar ɡe jao.

1 Webena 26:22

Ladan bibaala banɛ Sɛtam ne Joel, dɛ ba ɡee chɔ laala aa lɔ Korowii Dea, ne deene baa dɛ cheɡ laala a yoɡ aa kpeɡa a bini la nyoa.

1 Webena 26:24

Subael waa ɛ Mosis bibaa Gɛɛsɔm naa laanee chɔ nɛra baa dɛ daah laala la nyoa.

2 Webena 8:15

Ba ta waa kooro aa do ba a ta ŋɔ, ba ne sɔfore la ne Lewi dea tena ta leɛ, hale deene baa dɛ cheɡ laala a yoɡ aa kpeɡa a bini waa bwa.

Ɛsra 2:69

Gɛ bɛlbwa aa wona laanee o tɛ ba kpɔ ɛ toma la. Suuɡaswɛm a tɔɡre aa ɛ kilore lafraanue, ne suuɡapoŋa a tɔɡre aa ɛ kilore kaɡboŋa anɛ lafraanuatoro, dɛ sɔfore batakaani lafa.

Ɛsra 8:28

N ŋɔ ba be ŋɔ, “He fa le he ne laala nɔ bwa cheɡ tɛ Korowii dɛ do ɡoroŋ wubwa. Suuɡapoŋa ne suuɡaswɛm la ɛ saraha kwaa aa le nɛra bambile bini ba kpɔ ba tɛ Korowii he naawa aa tomɔ la.

Nehemia 12:44

Gɛ saŋ la, ba le baala bane baa nyiŋi deene baa lɛ kwaa dɛ kpɔ baa cheɡ a bini Korowii Dea la ta. Kondikonloɡla ne kwaa baa bɔne a bini bɔre fi, dɛ kpɔ a bini bɔrbeŋkpoŋa dɛɛ ba ne. Ba lɛa le kooni aa bar bwɛɛre ta ba cheɡ deene la bini, ɡɛ Mmara aa chaɡla kɛŋɔ, anee chɛ sɔfore ne Lewi dea tena la. Dɛkalkɛ, dɛ Juda tena bwa sie lɛ ba ne Lewi dea tena la nɛ.

Malakae 3:10

Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

Nɛra Kura 8:26

A ɡe habɔɔ la, wɛɛ cha o bala n Dea Cheremibɔr bela, kɛ o bɛ toma la lɛ dawɛ o nɛ. Gɛɛ hɛɛ ba ɛɛ dɛ́ kpɔ Lewi dea tena toma baa dɛ ba ɛɛ do ba nɔn ta.”