1 Webena 25:6 - mzwDBL

⁶ Dɛ ba bwa lɔ ba mɛɛ sie dɛɛ lɔ kwaa anɛ ane baa kpɔ ayaawa ɛa dɛɛ hɛlɛ, ne janjela dɛɛ kpɛɛ Korowii o Dea. Asɛ Asaf ne Jedutun ne Heman ɡe do kooro lɔɡa wɛɛ nyiŋi ba nɛ.

1 Webena 25:6 ပူးပေါင်းရင်းမြစ်များ

2 Samoɛl 6:5

Dɛ Kooro Devid ne Israel tena la bwa dɛ lɛ ba sie. Ba ɡo yela silɛɛ ne kohona, dɛɛ lɔ janjela dɛɛ hoh kalipere, dɛɛ lɔ kwaa anɛ ane baa kpɔ ayaawa ɛa, dɛɛ yiiɡi loŋa ɡe Korowii sie.

1 Koranar 10:12

Kooro Solomɔn kpɔ dadɛɛɡa la ɛ bela waa kpɔa teeh dɛɛ kaa Korowii Dea la ta ne koodem bela, dɛ kpɔ ane ɛ janjelare ne kwaa bwa soo siwi baa dɛ ɛ ane yela. Ba ta ɡɛ daa la dɔŋa ne Israel harɛ ta balɛ kpa bwa, hale ba le fini.

1 Webena 15:16

Kooro Devid ŋɔ Lewi dea nomonome la be ŋɔ, bá le ba bini bane, bá ɡo silɛɛ yela dɛɛ lɔ janjelare, ne kwaa anɛ ane baa kpɔ ayaawa ɛa dɛɛ hɛlɛ.

1 Webena 15:19

Yelɡoola ɡee, Heman ne Asaf dɛ Etan, banee dɛɛ lɔ kwaa anɛ ane baa kpɔ ayaawa ɛa,

1 Webena 15:22

Kenania waa ɛ Lewi dea nomonnyu la, dɛ o dɔ yela ɡoe wejema anomanta, ba leo o chɔ yelɡoola nyoa.

1 Webena 23:5

Ba bini kaɡboŋa banaarɛ ɛɛ daah doonyoo la, ásɛ kaɡboŋa banaarɛ ɡe kpɔ kwaa baa dɛ hɛlɛ ane ɡo yela dɛɛ kpɛɛ Korowii. N nyin a bwa, bá kpɔ ɛ toma nɔ.”

2 Webena 20:28

Baa tel Jerusalam la, ba lɔ janjelare dɛ hoh bɛle ka jo Korowii Dea.

2 Webena 23:13

O baa na kɛŋɔ kooro la cheɡɛ Korowii Dea la sie pila bɛl jwɛh ɡɛ ba nawee wa aa doa. Asɛ laa sitɔɔla ne bɛlhoohla che kooro jwɛh. Asɛ harɛ la ta nomɛlbwa sie lɛ, baa hoh bɛle, dɛɛ lɔ kwaa bwa soo siwi baa kpɔa dɛɛ hɛlɛ, asɛ yelɡoola ɡo yela tɔ ba sie. Belaa haŋkooro Atalia laa o batakaare kɛɛ, a baɡle kɛ o baah diu kohona, dɛ ŋɔ, “He bwa lee mɛ tɛ! He ɛɛ mɛ dɔm!”

2 Webena 29:13

Le Elisafan naanar bini, Simri ne Jeyɛl. Le Asaf naanar bini, Sekaria ne Matania.

2 Webena 29:25

Kooro Hɛsɛkea ɡelɔ Lewi dea tena la do Korowii Dea bela, dɛ kpoŋe kwaa bwa soo siwi baa kpɔa dɛɛ hɛlɛ, ɡɛ Kooro Devid ne Gad waa dɛ na chaahna, dɛ Korowii keame Netan aa baɡla la. Korowiirii cheɡɛ o keamere nɛɛ dɛ do ba.

Nehemia 11:17

Mika bibaa Matania, o nabaa sɔne Sabdi, o ɛ Asaf naa. Dɛ Asaf nɔɔ dɛɛ tɔ yelɡoola sie Korowii Dea baa ɡo jam yela dɛɛ kpɛɛ Korowii, ne Bakbukia, onee ja Matania nɛɛ dɛɛ chao, ne Samoa bibaa Abda, o nabaa aa ɛ Galal o ɛ Jedutun naa.

Nehemia 12:24

Dɛ Lewi dea tena nomonome laanee, Hasabia ne Sɛrebea dɛ Kadmiel bibaa Jesua, dɛ ba bala baa ja ba nɛ. Ba bɔne ba bini kuore anɛ, beŋkpoŋ dɛ ɡo yela asɛ beŋkpoŋ ɡe ɛɛ sɛh ba nyoa. Ba bwa pɛo dɛ ɡo yela dɛɛ kpɛɛ dɛɛ jam Korowii, ɡɛ Korowii nɛn Kooro Devid aa baɡla la.

Nehemia 12:46

Le Kooro Devid ne Asaf bere saŋ, dɛ nɛra tɔ yelɡoola sie baa kpɛɛ dɛɛ jam Korowii yela ne.

Yela 68:25

Yelɡoola tɔ sie, nɛra baa dɛ lɔ yela teŋɛ, asɛ bitoli baa dɛ yiiɡi loŋa do ba baah ta.

Ɛfesos 5:19

ásɛ dɛ ɡel o wobol ne o yela do he bambile bini he bola dɛ́ɛ tɛ dɔŋa, dɛ́ɛ ɡo yela aa dɛ baɡle o waa la ne anɔ la aa dɛ kpɛɛro. Hé kpɔ silɛɛ dɛ́ɛ kpɛɛ he Dɔɔ he bambile bwa ne,

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.