1 Webena 25:1 - mzwDBL

¹ Kooro Devid ne o laa nomonome le Asaf bibaala Heman ne Jedutun baa bol Korowii wa, dɛɛ lɔ janjela ne kwaa anɛ ane baa kpɔ ayaawa ɛa dɛɛ hɛlɛ dɛɛ ɡo yela. Nɛra baa jaa dɛɛ ɛ a ɡɛ toma nɔ laanee teŋa nɔ.

1 Webena 25:1 ပူးပေါင်းရင်းမြစ်များ

1 Koranar 10:12

Kooro Solomɔn kpɔ dadɛɛɡa la ɛ bela waa kpɔa teeh dɛɛ kaa Korowii Dea la ta ne koodem bela, dɛ kpɔ ane ɛ janjelare ne kwaa bwa soo siwi baa dɛ ɛ ane yela. Ba ta ɡɛ daa la dɔŋa ne Israel harɛ ta balɛ kpa bwa, hale ba le fini.

2 Koranar 3:15

Dɛ ŋɔ, “Nyin nɛn waa jemɛ janjela lɔe ba tɛ mɛ.” Janjela te la aa dɛ lɔ la, Korowii kpeɡri ba Elaesa nɛ,

1 Webena 12:28

ne Sadɔk waa ɛ banyoo waa kpeɡa kohona, nomonome fifraanɛ dɛ banɛ le o dem dɛ ja o nɛ,

1 Webena 13:8

Dɛ Kooro Devid ne Israel tena la bwa dɛ lɛ ba sie. Ba ɡo yela silɛɛ ne kohona, dɛɛ lɔ janjela ne kalipere, ne kwaa anɛ ane baa kpɔ ayaawa ɛa dɛɛ hɛlɛ, dɛɛ yiiɡi loŋa ɡe Korowii sie.

1 Webena 15:28

Gɛɛ Israel tena bwa kpɔ silɛɛ lɔŋɔre teŋɛ Korowii Ne Nɛwɛnyina Fɔo Daka la nɛɛ ba Jerusalam. Dɛɛ hoh pebal nyeɡle bɛle, ne bɛle tenten ne kwaa anɛ ane baa kpɔ ayaawa ɛa dɛɛ hɛlɛ, dɛ janjelare dɛɛ lɔ yela.

1 Webena 23:2

O yerɛ Israel nomonome bwa, ne Lewi dea tena dɛ sɔfore bwa cheme.

1 Webena 25:2

Asaf bibaala, Sakur ne Josef ne Nɛtanea dɛ Asarɛla. Dɛ Asaf bibaala lɔ Asaf lɔɡa wɛɛ nyiŋi ba nɛ. Onee dɛ Kooro dɛ nyin waane bini dɛ jemaa, o yon ɡel o bol Korowii waa.

1 Webena 25:3

Jedutun bibaala lɔ nɛra banumɛl, banee teŋa nɔ, Gedalia ne Sɛre ne Jesaya ne Simee ne Hasabia dɛ Matitia. Dɛ ba mɛɛ Jedutun dɛ nyiŋi ba nɛ dɛɛ bol Korowii wa, dɛ lɔ janjela ja dɛɛ kpɛɛ dɛɛ jam Korowii.

1 Webena 25:9

Loɡle kon waa ɛ Asaf kon la luɡe ta la lawɛ Josef, o ne o bibaala dɛ o lolanar, nɛɛte lawɛ Gedalia, o ɡe ne o bibaala dɛ o lolanar,

1 Webena 6:16

Lewi bibaalaa, Gɛsɔn ne Kohat dɛ Merari.

1 Webena 6:33

Baala ba ne ba bibaala aa pea ɛ toma laanee nɔ. Nɛra baa le Kohat tena bini laanee, Joel bibaa Heman waa ɛ yelɡoɡoo, Samoɛl bibaa Joel,

1 Webena 6:39

ne Heman dɔŋ Asaf waa chao dɛɛ tomɛ, ne Barakia bibaa Asaf, dɛ Simia bibaa Bɛrekea,

1 Webena 6:44

ne Merari tena baa jaa dɛ che o ɡal, ne Kisi bibaa Etan, ne Abdi bibaa Kese, dɛ Maluk bibaa Abdi,

1 Webena 9:33

Banɔ la baa ɛ yelɡoola ne Lewi nomonnyuune la soɡe deene la bini, ba ta ɡelɛ baa ɛ toma bɛlbwa, dɛkalkɛ ba nɔn taa ba kpɔ bela toma ɛɛ do chɔɔ ne jwaana.

2 Webena 23:1

Bene anuanɛ ta la, sɔfo Jehoiada baɡle o kpeɡri. O ne laa sitɔɔla baa chɔ laa tena lafare nyoo, ne Jɛroham bibaa Asaria, ne Jehohanan bibaa Ismael, ne Ɔbɛd bibaa Asaria, ne Adaya bibaa Maaseya, dɛ Sikri bibaa Elisafat fɔwɛ fɔo.

2 Webena 23:13

O baa na kɛŋɔ kooro la cheɡɛ Korowii Dea la sie pila bɛl jwɛh ɡɛ ba nawee wa aa doa. Asɛ laa sitɔɔla ne bɛlhoohla che kooro jwɛh. Asɛ harɛ la ta nomɛlbwa sie lɛ, baa hoh bɛle, dɛɛ lɔ kwaa bwa soo siwi baa kpɔa dɛɛ hɛlɛ, asɛ yelɡoola ɡo yela tɔ ba sie. Belaa haŋkooro Atalia laa o batakaare kɛɛ, a baɡle kɛ o baah diu kohona, dɛ ŋɔ, “He bwa lee mɛ tɛ! He ɛɛ mɛ dɔm!”

2 Webena 23:18

Ate, Sɔfo Jehoiada kpɔ Korowii Dea bela toma do sɔfore ne Lewi dea tena nɔn ta. Banee Kooro Devid kpɔ do ba nɔn ta ŋɔ, báa fuh saraha kwaa baa kpɔa baa tɛ Korowii la, ɡɛ aa lɔ Mosis Mmara Tɔn bini. Dɛ banee chɔ yela ɡoe ne wobɛlbwa aa dɛ ba silɛɛ ne nyoa.

2 Webena 23:9

Sɔfo Jehoiada kpɔ lampeare ne kwaa baa kpɔa dɛɛ tɔ ɡbemɡbe laa ta, a ɛ Kooro Devid kwaa ba kpɔ cheɡ Korowii Dea la tɛ laa sitɔɔla la.

2 Webena 29:13

Le Elisafan naanar bini, Simri ne Jeyɛl. Le Asaf naanar bini, Sekaria ne Matania.

2 Webena 29:14

Le Heman naanar ɡe bini, Jehiel ne Simee. Le Jedutun naanar bini, Sɛmaya ne Usiel.

2 Webena 31:2

Kooro Hɛsɛkea bɔne sɔfore ne Lewi dea tena la bini, ɡɛ aa chɛ kɛŋɔ bɛlbwa ɛɛ ɛ o toma. Asɛ ba fuh kwaa dɛɛ ɛ sarahare ne deŋnesɔɔhna sarahare, dɛɛ tomɛ Korowii dɛ ɡo yela dɛɛ kpɛɛro o Dea doonyoo la ta.

2 Webena 34:12

Tom-ɛɛra la ɛ toma kasinteŋ ne. Baala baa lee ba baa nyiŋi ba nɛɛ laanee, Lewi dea tena Jahat ne Obadia dɛ le Merari dea, ne Sekaria dɛ Mɛsolam ba ɡe aa ɛ Lewi dea tena dɛ le Kohat dea. Dɛ ba bwa dɔ kwaa baa kpɔa dɛ hɛlɛ wejema, dɛ kpɔ dɛɛ hɛlɛ kɛrɛdɛ.

2 Webena 35:15

Asaf naanar bane baa ɛ yelɡoola, yon ka che ba chebɔra, ɡɛ Kooro Devid ne Asaf ne Heman, dɛ kooro keame Jedutun aa do ba la. Nɛra baa dɛ daah doonyoo la ta chɛ kɛ bɛlbwa le kɛrɛ, dɛkalkɛ ba bala Lewi dea tena la daa Galekaa Tɔpejen kondikwaa la ane baa tɛɛ ba.

2 Webena 5:12

Dɛ Lewi dea yelɡoola baa ɛ Asaf ne Heman ne Jedutun nɛra, ne ba bibaala dɛ lolanar cheɡɛ saraha kon la wee leebɔr pera. Dɛ do laala baa kpɔ yapondɛɛɡa nyara, dɛɛ lɔ kwaa anɛ ane baa kpɔ ayaawa ɛa dɛɛ hɛlɛ ne janjelare, asɛ sɔfore lafa fifraanɛ ja ba nɛɛ dɛɛ hoh bɛle.

2 Webena 8:14

O teŋɛ waa o mɛɛ Kooro Devid aa ɛa la ta. O bɔne toma aa lɔ Korowii Dea bela tɛ sɔfore la ne Lewi dea tena la, asɛ Lewi dea tena la ɛɛ cha sɔfore la baa ɡo yela, dɛɛ ɛ ba toma ɡe. O le nɛra baa dɛ daah doonyoo la, dɛ bɔne ba bini baa nyiŋi doonyoo la ta, dɛkalkɛ dɛ ɡɛɛ Korowii nɛn Kooro Devid do ba.

Ɛsra 2:41

Yelɡoola baa jaa ɡee nɔ. Asaf naanar lɔ lafa fifraanɛ dɛ banuatoro.

Ɛsra 6:18

Ba bɔne sɔfore ne Lewi dea tena la bini ɡɛ bɛlbwa toma aa doa Korowii Dea waa lɔ Jerusalam la bini, ɡɛ baa chwera do Mosis Tɔn bini la.

Nehemia 11:17

Mika bibaa Matania, o nabaa sɔne Sabdi, o ɛ Asaf naa. Dɛ Asaf nɔɔ dɛɛ tɔ yelɡoola sie Korowii Dea baa ɡo jam yela dɛɛ kpɛɛ Korowii, ne Bakbukia, onee ja Matania nɛɛ dɛɛ chao, ne Samoa bibaa Abda, o nabaa aa ɛ Galal o ɛ Jedutun naa.

Nehemia 12:24

Dɛ Lewi dea tena nomonome laanee, Hasabia ne Sɛrebea dɛ Kadmiel bibaa Jesua, dɛ ba bala baa ja ba nɛ. Ba bɔne ba bini kuore anɛ, beŋkpoŋ dɛ ɡo yela asɛ beŋkpoŋ ɡe ɛɛ sɛh ba nyoa. Ba bwa pɛo dɛ ɡo yela dɛɛ kpɛɛ dɛɛ jam Korowii, ɡɛ Korowii nɛn Kooro Devid aa baɡla la.

Nehemia 12:27

Baa dɛ ba bwɛjen Jerusalam danjwɛɛ baa maa baro kpɔe dɛ́ do Korowii nɔn ta la, ba yerɛ Lewi dea tena le bobɛlbwa baa soɡa ba. Asɛ ba ba ja, dɛ ɡo jam yela, dɛ kpɔ kwaa bwa soo siwi baa kpɔa dɛɛ hɛlɛ lɔ yela lɛ ba sie.

Yela 81:2

Hé pa mun ɡo yela, dɛ́ yiiɡi loŋa, hé kpɔ janjela lɔ yelsoma.

Yela 81:3

Hé hoh pebal nyeɡle bɛla Korobifale Tɔpejen ta, korobie baa kpeɡ ɡe aa, hé berɛ hoh.

Ɛsekeɛl 40:44

Baa la berɔ kpɔ mɛ ba bini dembaah la ta. Deene anɛ lɔ bela. Bɛl lɔ weekaŋle nyunduabɔr doonyoa la jwɛh, o sie chaɡɛ weekaŋle harɛbɔr, onɔ la ɡe do weekaŋle harɛbɔr, o sie chaɡɛ weekaŋle nyunduabɔr.

1 Samoɛl 10:5

A habɔɔ, hɛɛ ka tel Korowii deŋɡare waa lɔ Gebea la taa, belaa Filisti tena baŋre ba tɛnte deene dɛ so. Haa dɛɛ jo bwɛɛ la doonyojen bini la, hɛɛ cheme Korowii keamere baa le saraha bɔr deŋɡare la ta dɛ teŋɛ dɔŋa nɛɛ dɛɛ ba, dɛɛ lɔ janjela ne ɡboŋri, dɛɛ hoh kalipere. Baa bol Korowii waa.