1 Webena 24:6 - mzwDBL

⁶ Nɛtanɛl bibaa Sɛmaya waa ɛ Lewi dea te, onee chwerɛ ba sɔna Kooro Devid ne o nomonome bwa sie. Sadɔk waa ɛ sɔfo ne Abiata bibaa Ahemɛlɛk, ne sɔfore dea ne Lewi dea nomonnyuune ɡe jao, ba chwerɛ sɔna la. Ba le dea beŋkpoŋ le Eliasa naanar bini, dɛ le bɛl le Itama naanar ɡe bini.

1 Webena 24:6 ပူးပေါင်းရင်းမြစ်များ

1 Koranar 4:3

Sisa bibaala Elihoref ne Ahija ɛ karakere dɛɛ chwerɛ, Ahilud bibaa Jehosafat ɛɛ cheɡ webena baa chwera bil.

1 Webena 18:16

asɛ Ahitub bibaa Sadɔk, ne Abiata bibaa Ahemɛlɛk ɡe ɛ sɔfore, asɛ Seraya ɡe ɛ ba karake waa chwerɛ waa dɛɛ do tɔne bini,

1 Webena 23:24

Dɛ ɡɛ nɛra nɔɔ le Lewi dea dɛ ɛ ba nomonnyuune, ba kur ba beŋkpoŋa beŋkpoŋa dɛ chwerɛ ba sɔna la. Ba bini tom-ɛɛra baa di bene fifraanɛ kɛɛ dɛ ɡwaa dɛɛ ɛ toma Korowii Dea la.

1 Webena 24:31

Ba ɡe bil daa kɛŋɔ ba dɔɔranar Arɔn naanar aa ɛa la, Kooro Devid ne Sadɔk ne Ahemɛlɛk dɛ sɔfore nomonnyuune ne Lewi dea nomonnyuune la bwa sie. Ba nyiŋi dea bɛlbwa binomoa, dɛ nyiŋi bechale bwa kɛrɛdɛ, bɛl ta bɛl ɡwaalɛ.

1 Webena 24:7

Loɡle kon lawɛ Jehoiarib, nɛɛte ɛ Jedaya,

2 Webena 34:13

Dɛ Lewi dea tena bane ɡe chɔ tom-ɛɛra nyoa, dɛɛ nyiŋi tom-ɛɛra bwa soo siwi nɛ, ba tomare ta. Ba bini bane chwerɛ waa dɛɛ do tɔne bini, bane ɡe chwerɛ webena aa chiɡa dɛɛ bil, bane ɡe ɛɛ daah Korowii Dea doonyoone.

Ɛsra 7:6

A ɡɛ Ɛsra nɔ ɛ sɔfo dɛ le Babelɔn ba. Dɛ o ɛ chicha ɡe, dɛ jemɛ mmarare Korowii Israel tena aa dɛ tomɔ aa kpɔa tɛ Mosis la kɛrɛdɛ, dɛɛ baɡla. Komɛlbwa waa bɔɔ le koojen be la, o dɛ tɛo, dɛkalkɛ Korowii waa dɛ tomɔ la nɔn dawɛ o nɛ.

Nehemia 8:1

Korobinuanɛ te ta la, dɛ Israel tena bwa kaa so ba bwɛɛre ta. Asɛ o tɔpeloɡle ta ba bwa ba cheme Nee Doonyoa la sie Jerusalam kɛŋɔ nɛmbeŋkpoŋ bii. Asɛ ba ŋɔ sɔfo Ɛsra ne tɔnjereme la be ŋɔ, ó kpɔ Korowii Mmara Tɔn o fa aa cheɡɛ Mosis nɛɛ kpɔ tɛ Israel tena la ba.

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”

Matiu 8:19

Tɔnjereme bɛl balɔ dɛ ba ŋɔ o be ŋɔ, “Nomoa, bobɛlbwa haa dɛ la la, mɛɛ teŋɛ he nɛɛ kaa.”

Amanesoma Mak Aa Chwera Tɔn 2:26

O la Korowii Dea dɛ ka di paanoo aa ɛ Korowii kwa, nomɛlbwa fe aa wola ŋwɛnɛ dɔe kɛ ó di la atane kɛ sɔfore la ɡbo, asɛ o di dɛ tɛ o nɛra baa ja o nɛɛ la ɡe ba di.”