1 Webena 24:1 - mzwDBL

¹ Kenii Arɔn bibaala ne o naanar waa do. O bibaalaa, Nadab ne Abihu ne Eliasa dɛ Itama.

1 Webena 24:1 ပူးပေါင်းရင်းမြစ်များ

1 Webena 23:6

Kooro Devid bɔne Lewi dea tena denaa ta. Gɛsɔn ne Kohat dɛ Merari luɡri nɛra.

1 Webena 28:13

O baɡ ba ɡɛ baa le sɔfore ne Lewi dea tena baa ba ɛ toma Dea la bini bwa, dɛɛ nyiŋi loɡa baa kpɔ dɛɛ ɛ toma o bini bwa ɡe ta.

1 Webena 6:3

Amram ɡe dɔ bibaala banɛ, Arɔn ne Mosis, asɛ o bihaah beŋkpoŋ sɔne Miriam. Arɔn ɡe bibaalaa, Nadab ne Abihu ne Eliasa dɛ Itama.

1 Webena 6:34

Ɛlkana bibaa Samoɛl, Jɛroham bibaa Ɛlkana, ne Eliel bibaa Jɛroham, dɛ Toa bibaa Eliel,

2 Webena 23:8

Lewi dea tena ne Juda baala la ɛ ɡɛ sɔfo Jehoiada aa do ba la bwa. Ba bini bɛlbwa ta nɛra baa dɛ ba toma ta Ona Tɔpere ta, ne banɔ la baa wola toma ta ba Ona Tɔpere ta la ŋwɛnɛ tɛɛ ba kaa ba deremi.

2 Webena 31:2

Kooro Hɛsɛkea bɔne sɔfore ne Lewi dea tena la bini, ɡɛ aa chɛ kɛŋɔ bɛlbwa ɛɛ ɛ o toma. Asɛ ba fuh kwaa dɛɛ ɛ sarahare ne deŋnesɔɔhna sarahare, dɛɛ tomɛ Korowii dɛ ɡo yela dɛɛ kpɛɛro o Dea doonyoo la ta.

2 Webena 5:11

Ate, sɔfore la le Boɡoroŋ bela. Sɔfore baa lɔ bela la sɔ ba doŋa bɛlbwa ta Korowii be pera, peɡra toole o dɔŋ ne o dɔŋ baah.

2 Webena 8:14

O teŋɛ waa o mɛɛ Kooro Devid aa ɛa la ta. O bɔne toma aa lɔ Korowii Dea bela tɛ sɔfore la ne Lewi dea tena la, asɛ Lewi dea tena la ɛɛ cha sɔfore la baa ɡo yela, dɛɛ ɛ ba toma ɡe. O le nɛra baa dɛ daah doonyoo la, dɛ bɔne ba bini baa nyiŋi doonyoo la ta, dɛkalkɛ dɛ ɡɛɛ Korowii nɛn Kooro Devid do ba.

Ɛsra 6:18

Ba bɔne sɔfore ne Lewi dea tena la bini ɡɛ bɛlbwa toma aa doa Korowii Dea waa lɔ Jerusalam la bini, ɡɛ baa chwera do Mosis Tɔn bini la.

Ɛsra 7:5

Abisua lolɛ Buki, Fenehas lolɛ Abisua, Eliasa lolɛ Fenehas, asɛ Arɔn waa ɛ Sɔfonomoa la lolɛ Eliasa.

Kaala 28:1

Korowii berɔ ŋɔ Mosis be ŋɔ, “Gel bá kpɔ he dɔɔ Arɔn ne o bibaala Nadab ne Abihu ne Eliasa dɛ Itama le Israel tena bini, ásɛ ba ɛ sɔfore dɛɛ tom mɛ.

Kaala 6:23

Arɔn ɡe mo haah. O sɔne Eliseba. Dɛ Aminadab bihaahnee o ɛ Naasɔn nimambie. Bibaala baa lola laanee Nadab ne Abihu ne Eliasa dɛ Itama.

Nɛra Kura 26:60

Arɔn lolɛ bibaala banaarɛ, banee Nadab ne Abihu, ne Eliasa dɛ Itama.

Nɛra Kura 3:2

Arɔn dɔ bibaala banaarɛ. Banee Nadab waa ɛ binomoa, ne Abihu ne Eliasa dɛ Itama.

Nɛra Kura 3:4

Kɛ Nadab ne Abihu kpɔ ba ɡbaɡba ŋwɛnɛ ta dɛ buh nii aa wola chɛɛ kɛŋɔ bá kpɔ fuh ɛ saraha tɛ Korowii, Sinai Bwejen pua hɛŋle ɡbo harɛ ta, asɛ o kpoo ba. Ba ta bii dɔe, anomanta, dɛ Eliasa ne Itama ɡboo ja ba mɛɛ Arɔn nɛɛ dɛɛ ɛ sɔfore toma.