1 Webena 23:5 - mzwDBL

⁵ Ba bini kaɡboŋa banaarɛ ɛɛ daah doonyoo la, ásɛ kaɡboŋa banaarɛ ɡe kpɔ kwaa baa dɛ hɛlɛ ane ɡo yela dɛɛ kpɛɛ Korowii. N nyin a bwa, bá kpɔ ɛ toma nɔ.”

1 Webena 23:5 ပူးပေါင်းရင်းမြစ်များ

1 Koranar 10:12

Kooro Solomɔn kpɔ dadɛɛɡa la ɛ bela waa kpɔa teeh dɛɛ kaa Korowii Dea la ta ne koodem bela, dɛ kpɔ ane ɛ janjelare ne kwaa bwa soo siwi baa dɛ ɛ ane yela. Ba ta ɡɛ daa la dɔŋa ne Israel harɛ ta balɛ kpa bwa, hale ba le fini.

2 Koranar 7:10

Asɛ ba la dɛ ka yerɛ nɛra baa dɛ daah bwɛjen la doonyoone ta, dɛ bol ba be ŋɔ, “Ya la bela Siiria laa tena aa baa so la, ba kaalɔ dɛ ɡel ba tɛnte deene a che pɛɛpɛɛ. Ba jaɡre ne keeɡore ta vɔrɔwɔ che, ya ta nɛn nae, ya ta nɛn ɡbɔɡa ɡe noɛ.”

1 Webena 16:38

O ɡelɔ Ɔbɛd Edom ne o bala fifraanumɛl dɛ banuatoro, ba ja ba nɛɛ baa ɛ toma bela. Dɛ Jedutun bibaa Ɔbɛd Edom ne Hosa ɡee dɛɛ daah doonyoa bela.

1 Webena 16:4

O berɔ le Lewi dea tena la bane ba baa ɛ toma Korowii Ne Nɛwɛnyina Fɔo Daka la sie, dɛ baa soŋe dɛɛ jam, dɛɛ kpɛɛ Korowii Israel tena aa dɛ tomɔ la.

1 Webena 23:30

Toma ane ɡee kɛŋɔ chɔɔ ne jɔmɔra bɛlbwa, bá ir dɛɛ jam dɛɛ kpɛɛ Korowii,

1 Webena 9:33

Banɔ la baa ɛ yelɡoola ne Lewi nomonnyuune la soɡe deene la bini, ba ta ɡelɛ baa ɛ toma bɛlbwa, dɛkalkɛ ba nɔn taa ba kpɔ bela toma ɛɛ do chɔɔ ne jwaana.

2 Webena 20:28

Baa tel Jerusalam la, ba lɔ janjelare dɛ hoh bɛle ka jo Korowii Dea.

2 Webena 34:13

Dɛ Lewi dea tena bane ɡe chɔ tom-ɛɛra nyoa, dɛɛ nyiŋi tom-ɛɛra bwa soo siwi nɛ, ba tomare ta. Ba bini bane chwerɛ waa dɛɛ do tɔne bini, bane ɡe chwerɛ webena aa chiɡa dɛɛ bil, bane ɡe ɛɛ daah Korowii Dea doonyoone.

2 Webena 35:15

Asaf naanar bane baa ɛ yelɡoola, yon ka che ba chebɔra, ɡɛ Kooro Devid ne Asaf ne Heman, dɛ kooro keame Jedutun aa do ba la. Nɛra baa dɛ daah doonyoo la ta chɛ kɛ bɛlbwa le kɛrɛ, dɛkalkɛ ba bala Lewi dea tena la daa Galekaa Tɔpejen kondikwaa la ane baa tɛɛ ba.

2 Webena 8:14

O teŋɛ waa o mɛɛ Kooro Devid aa ɛa la ta. O bɔne toma aa lɔ Korowii Dea bela tɛ sɔfore la ne Lewi dea tena la, asɛ Lewi dea tena la ɛɛ cha sɔfore la baa ɡo yela, dɛɛ ɛ ba toma ɡe. O le nɛra baa dɛ daah doonyoo la, dɛ bɔne ba bini baa nyiŋi doonyoo la ta, dɛkalkɛ dɛ ɡɛɛ Korowii nɛn Kooro Devid do ba.

Ɛsra 7:7

Israel tena la bane ne sɔfore ne Lewi dea tena ne yelɡoola, ne nɛra baa dɛ daah Korowii Dea doonyoo, dɛ bonɔɔna baa dɛ ɛ toma Korowii Dea ɡe ba Jerusalam, ɡɛ saŋ Kooro Atasɛksɛs aa di kora bene anuanɛ ta.

Nehemia 7:73

Sɔfore ne Lewi dea tena ne nɛra baa dɛ daah Korowii Dea doonyoo, ne yelɡoola ne bonɔɔna baa dɛ ɛ toma Korowii Dea, ne nɛra la bane, dɛ Israel tena baa kaa la bwa kaa so ba bwɛɛre ta.

Yela 87:7

Baa ɡo yelaa dɛɛ sa ŋɔ, “Bwɛjen Jerusalam taa ya wedɛɛɡa bwa ɛɛ le.”

Aesaya 64:10

He bwɛjena la berɛ pua hɛŋle ɡbo harɛ, Jerusalam berɛ dimɡbia.

Emɔs 6:5

Hé dɛ nyin yela kɛŋɔ Kooro Devid ken, dɛɛ lɔa he janjelare ne.