1 Webena 23:4 - mzwDBL

⁴ Belaa Kooro Devid ŋɔ, “Gɛ baala nɔ, ba bini kaɡboŋa fifraanɛ dɛ banaarɛ chɛ kɛŋɔ baa nyiŋi toma aa lɔ Korowii Dea bonɔ ta, ásɛ ba bini kaɡboŋa banumɛl ɡe ɛ karakere, dɛ bɛl ne o dɔŋ dɔ wa aa, ba bini bane nyiŋi dɛɛ bola.

1 Webena 23:4 ပူးပေါင်းရင်းမြစ်များ

1 Webena 6:48

Ba bala Lewi dea tena la nɔn taa ba kpɔ Korowii Tɛnte Dea bela baa dɛ tomɛ la toma aa kaa la do.

2 Webena 19:8

Jerusalam ɡe la, Kooro Jehosafat le Lewi dea tena ne sɔfore, dɛ Israel nomonnyuune baa chɔ ba lolanar nyoo ŋɔ, baa nyiŋi nomɛlbwa waa koni Korowii Mmara la, dɛ́ bol nɛn ne o dɔŋ baah wa, dɛɛ pa bole Jerusalam.

2 Webena 23:18

Ate, Sɔfo Jehoiada kpɔ Korowii Dea bela toma do sɔfore ne Lewi dea tena nɔn ta. Banee Kooro Devid kpɔ do ba nɔn ta ŋɔ, báa fuh saraha kwaa baa kpɔa baa tɛ Korowii la, ɡɛ aa lɔ Mosis Mmara Tɔn bini. Dɛ banee chɔ yela ɡoe ne wobɛlbwa aa dɛ ba silɛɛ ne nyoa.

2 Webena 34:13

Dɛ Lewi dea tena bane ɡe chɔ tom-ɛɛra nyoa, dɛɛ nyiŋi tom-ɛɛra bwa soo siwi nɛ, ba tomare ta. Ba bini bane chwerɛ waa dɛɛ do tɔne bini, bane ɡe chwerɛ webena aa chiɡa dɛɛ bil, bane ɡe ɛɛ daah Korowii Dea doonyoone.

Nehemia 11:22

Nomoa waa dɛ nyiŋi Lewi dea tena baa soɡe Jerusalam nɛɛ sɔne Usi. O mɛɛ sɔne Bani, o nabaalee Hasabia. O nabaala bane ɡee Matania ne Mika. Dɛ Usi ɛ Asaf naanar baa chɔ yela ɡoe nyoa Korowii Dea la bini bɛl.

Nehemia 11:9

Dɛ Sikri bibaa Joel ɛ ba sitɔɔ, asɛ Hasenua bibaa Juda ɛ nomoa waa teŋa nɛɛ dɛ ja o nɛ bwɛjen la ta.

Ɛsekeɛl 44:24

Nomɛl ne o dɔŋ dɔ waane aa, sɔfore laanee dɛ́ nyiŋi a ta, dɛ́ bola, ɡɛ aa lɔ me Mmarare ta la. A chɛ kɛ baa teŋɛ me Mmarare ne n waa maa kpɔa tɛɛ ba bwa ta, n tɔpejena maa lea cheɡ bwa, ásɛ dɛɛ di n Ona Tɔpera la, dɛ́ ɡel a do ɡoroŋ.

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

Mmarare 16:18

Anee Mosis berɛ ŋɔ, “Bwɛɛ bɛlbwa Korowii aa ka kpɔ heyaa so o ta la, hé le nomonome ne nɛra báa nyiŋi he waa ta dɛ́ɛ bola kasinteŋ ne.