1 Webena 23:28 - mzwDBL

²⁸ Dɛ Lewi dea tena la tomaa kɛŋɔ baa cha Arɔn naanar Korowii Dea bini toma ta, dɛɛ nyiŋi dembaahna la ne dejeɡre aa lɔ o ta, dɛ laa doŋa dɛɛ kpɔ kwaa aa do ɡoroŋ bɛlbwa aa lɔ bela ta.

1 Webena 23:28 ပူးပေါင်းရင်းမြစ်များ

1 Koranar 6:5

Ba ma deene sawɛ Korowii Dea la, ne danjwɛɛ waa lɔ o bini tenten la dɛ bar o bwa dɛ ma dejeɡre sarawa.

1 Webena 18:17

Jehoiada bibaa Bɛnaya ɡe ɛ Kɛrɛt ne Pɛlet tena baa dɛ daah kooro la nomoa, asɛ Kooro Devid bibaala ɛɛ ja kooro o waa ta.

1 Webena 23:27

A cheɡɛ waa Kooro Devid aa bola ta, ba kure Lewi dea tena la le banɔ la baa di bene fifraanɛ kɛɛ dɛ ɡwaa la.

1 Webena 23:29

Ba tomaa kɛŋɔ ba nyiŋi dɛ kpɔ paanoo ba dawɛ teebur ta, ne men aa kpera kɛrɛdɛ ba kpɔ ɛ mea saraha, ne biskeeti baa wola iisi a ta do, a charama ne ɡɛ baa maɡa bwa.

1 Webena 23:4

Belaa Kooro Devid ŋɔ, “Gɛ baala nɔ, ba bini kaɡboŋa fifraanɛ dɛ banaarɛ chɛ kɛŋɔ baa nyiŋi toma aa lɔ Korowii Dea bonɔ ta, ásɛ ba bini kaɡboŋa banumɛl ɡe ɛ karakere, dɛ bɛl ne o dɔŋ dɔ wa aa, ba bini bane nyiŋi dɛɛ bola.

1 Webena 28:13

O baɡ ba ɡɛ baa le sɔfore ne Lewi dea tena baa ba ɛ toma Dea la bini bwa, dɛɛ nyiŋi loɡa baa kpɔ dɛɛ ɛ toma o bini bwa ɡe ta.

2 Webena 23:4

Gɛ maa dɛ nyin kɛ he sɔfore ne Lewi dea tena ɛ laanee kɛŋɔ, he balɔ dɛɛ ba ba daah Korowii Dea Ona Tɔpere aa, he bini bele batoro ba daah doonyoone la,

2 Webena 23:6

Nomɛlbwa bɛ Korowii Dea la bini jo, atane sɔfore ne Lewi dea tena baa lɔ bela dɛɛ ɛ toma. Ba te ɛɛ won jo bela, dɛkalkɛ ba sɔ ba doŋa ta ba do ɡoroŋ. Kɛ banɔ la baa kaa la te chɛ kɛ bá teŋɛ waa Korowii aa bola la ta, dɛ́ so dahara.

2 Webena 29:15

Baa yerɛ ba bala Lewi dea tena cheme, dɛ laa doŋa bɛlbwa aa lɔ ba nɛɛ kpɔ dɛ do ɡoroŋ la, ba kaa jo Korowii Dea la ɡe bini, dɛ laa doŋa bɛlbwa kpɔ o ta o do ɡoroŋ, ɡɛ kooro la aa do ba ɡɛ Korowii wa aa dɛ baɡle la.

2 Webena 29:5

dɛ ŋɔ, “Hé Lewi dea tena hé no! Hé tɔ sie le he te cheɡ tɛ Korowii, dɛ́ laa doŋa bɛlbwa kpɔ he nɛɛ dɛ́ do ɡoroŋ, dɛ́ laa doŋa bɛlbwa kpɔ Korowii ya naawa aa tomɔ Dea nɔ ta. Hé laa komɛlbwa aa ɡela o kah doŋa kpɔ o bini.

2 Webena 31:11

Ate, Kooro Hɛsɛkea ɡel ba kwaa deene baa dɛɛ cheɡ laala a bini Korowii Dea bɔr bela.

2 Webena 31:2

Kooro Hɛsɛkea bɔne sɔfore ne Lewi dea tena la bini, ɡɛ aa chɛ kɛŋɔ bɛlbwa ɛɛ ɛ o toma. Asɛ ba fuh kwaa dɛɛ ɛ sarahare ne deŋnesɔɔhna sarahare, dɛɛ tomɛ Korowii dɛ ɡo yela dɛɛ kpɛɛro o Dea doonyoo la ta.

Ɛsra 8:29

Hé daahna kɛrɛdɛ ka tel kɛŋɔ haa jo Korowii Dea bini Jerusalam, ásɛ dɛ kari a tɔɡre sɔfo nomonome ne Lewi dea tena dɛ Israel nomonnyuune la sie.”

Nehemia 11:24

Mɛsesabel bibaa Pɛtahea waa ɛ Sɛra naanar la bini bɛl dɛ le Juda dea, chiɡ Israel tena naa ta Pɛɛsea koodem.

Nehemia 13:9

Ate, n ɡel ba ɛ we-ɛɛla a ɡel deene la do ɡoroŋ, asɛ n berɛ kpɔ Korowii Dea laala la bwa ne mea sarahare, dɛ daawiile a sɔɔh aa soma la ka cheɡ o bini.

Jeremia 35:4

dɛ ba ba ne Korowii Dea bela. N laɡ ba jo Iɡdalia bibaa Hanan waa ɛ Korowii keame, ne o habɔteŋra dea. Gɛ dea nɔ lɔ Salum bibaa Maaseya dea nyunduabɔr, dɛ Salum dɛ daah Korowii Dea doonyoa, asɛ nomonome la bini bane ɡe baa jaa kwaa teŋɛ.

Ɛsekeɛl 40:17

Baa la kpɔ mɛ jo habɔɔ dembaah la bini. Bela la, n na deene fifraatoro baa maa pɛl danjwɛɛ la, ne ŋwɛnɛ bɛl baa mao bwea ne o ir nyundua, dɛ bar dembaah la cheme.

Ɛsekeɛl 41:26

Bela baa cheɡa dɛɛ jo danjwɛɛre la baŋ bɛlbwa ta la, ba do tokorojeɡre, dɛ ɛ bambie daa dawɛ danjwɛɛre la baŋ bɛlbwa ta. Deene aa lɔ Korowii Dea la keŋkeŋni ɡe ta, ba saɡɛ daa a ta.

Ɛsekeɛl 42:13

Baa la ŋɔ men Ɛsekeɛl be ŋɔ, “Deene aa lɔ weekaŋle nyunduabɔr, ne anɔ la aa lɔ weekaŋle harɛbɔr a sie chaɡɛ Korowii Dea dembaah bela la, ɛ sɔfore deene. Belaa sɔfore baa dɛ ba men Korowii sie la ɛɛ ba saraha kwaa aa do ɡoroŋ kohona la dɛɛ dii. Deene la aa do ɡoroŋ kohona nomanta, a binii baa ba saraha kwaa aa do ɡoroŋ kohona kɛŋɔ mea sarahare, ne wechɔɡa kpɔe dɛ kɛ sarahare, dɛ bolchɔɡe dii saraha kwaa kpɔe dɛɛ cheɡ.

Ɛsekeɛl 42:3

Ŋwɛnɛ waa chɔ bini dembaah, ne onɔ la waa lɔ habɔɔ Korowii Dea la bɔr baah lɔ naɡale fifraatoro. Ba ma deene atoro chɔŋre dɔŋa nɛɛ kaa nyundua ŋwɛnɛ la baŋ bɛlbwa ta, a sie chaɡɛ dɔŋa, asɛ bɔr do a sie nɛn won che bela.

Ɛsekeɛl 44:14

Kɛ ane a bwa, mɛɛ kpɔ tomkpeɡa aa chɛ kɛ baa ɛ n Dea bela la bwaa do ba nɔn ta.