1 Webena 23:13 - mzwDBL

¹³ Amram ɡe bibaalaa, Arɔn ne Mosis. Ba le Arɔn cheɡ, asɛ o ne o naanar ɛɛ nyiŋi kwaa baa lea cheɡ tɛ Korowii a do ɡoroŋ kohona ta. Asɛ ba kpɔ saraha kwaa dɛɛ la Korowii sie, dɛɛ ɛ toma o sie dɛ che o sɔn ta swee andɛɛɡa tɛ nɛra saŋ bɛlbwa dɛɛ la.

1 Webena 23:13 ပူးပေါင်းရင်းမြစ်များ

1 Webena 23:12

Kohat bibaalaa, Amram ne Isiha ne Hɛbrɔn dɛ Usiel. Ba lɔ bibaala banaarɛ.

1 Webena 6:3

Amram ɡe dɔ bibaala banɛ, Arɔn ne Mosis, asɛ o bihaah beŋkpoŋ sɔne Miriam. Arɔn ɡe bibaalaa, Nadab ne Abihu ne Eliasa dɛ Itama.

1 Webena 6:34

Ɛlkana bibaa Samoɛl, Jɛroham bibaa Ɛlkana, ne Eliel bibaa Jɛroham, dɛ Toa bibaa Eliel,

Yela 106:16

Ba sie beɡre Mosis ne he bonɔɔ Arɔn haa lee ba cheɡ, ba do ɡoroŋ tɛɛ la nɛɛ pua hɛŋle ɡbo harɛ ta bela.

Yela 99:6

Dɛ Mosis ne Arɔn fa ɛ o sɔfore, asɛ Samoɛl che o sɔn ta dɛɛ soŋo. Ba soŋe Korowii, asɛ o no ba be.

Kaala 28:36

Kpɔ suuɡaswɛm tenten kwaa kon waa do kpɛlɛntɛŋ dɛ́ ɛ dawɛ o ta ŋɔ, kon baa lea cheg tɛ korowii o do goroŋ.

Kaala 29:44

Gɛɛ mɛɛ ba ɛɛ n Dea Cheremibɔr la ne saraha kon la do ɡoroŋ, dɛ́ ɛ Arɔn ne o bibaala ɡe ba do ɡoroŋ dɛ́ ɛ sɔfore dɛ́ɛ tom mɛ.

Kaala 6:20

Amram kpɔ o mɛɛ nimambie Jɔkɛbɛd mo, asɛ dɛ lolɛ Arɔn ne Mosis. O di bene lafa fifraatoro dɛ anuanɛ mɔɔ dɛ sewɛ.

Lewi Dea Tena 10:10

A chɛ kɛŋɔ hé pere kwaa aa do ɡoroŋ le anɔ la aa wola ɡoroŋ doe ta, ne kwaa doŋa bɛlbwa aa wola toole o ta le anɔ la doŋa aa lɔ o ta,

Nɛra Kura 18:1

Korowii ŋɔ Arɔn be ŋɔ, “He ne he bibaala ne Kohat dea tena baa le Lewi dea nɔn taa n Tɛnte Dea la wobɛlbwa do. Dɛ sɔfore toma ane ta aŋwɛnɛ ta kpɔe yaa, he ne he bibaala ɡbo deŋnee mɛɛ ba tɛra.

Nɛra Kura 26:59

Amram haah sɔne Jɔkɛbɛd, Lewi naa. Ijipt harɛ taa ba lolɔ. Amram ne Jɔkɛbɛd lolɛ bibaala banɛ, banee Arɔn ne Mosis, ba nimambiee Miriam.

Nɛra Kura 3:27

Kohat dea biirii Amram ne Isiha ne Hɛbrɔn dɛ Usiel.

Amanesoma Luk Aa Chwera Tɔn 1:9

Gɛ sɔfore yon dɛɛ ɛ la, ba ta chacha mɔɔ dɛ leo ŋɔ ó jo Korowii Dea dɛ́ ka fuh daawiile a sɔɔh aa soma.

We-ɛɛla 13:2

Awola bɛl, a ɡɛ nɛra nɔ aa vɔwɛ nyoa dɛɛ tomɛ Korowii la, Korowii Domadɛɛɡe baa ŋɔ ba be ŋɔ, “Hé le Banabas ne Sɔɔl tɛ mɛ, ásɛ ba ɛ toma maa lee ba ŋɔ bá ba ɛ la.”

Tɔn Pɔɔl Aa Chwerɛ Rom Tena 1:1

Men Pɔɔl maa ɛ Yeesu Kristo bonɔɔ la, men chwerɛ tɔn nɔ. Korowiirii lee mɛ dɛ ɡel n ɛ Yeesu torome, dɛ kpɔ o Amanesoma tɛ mɛ ŋɔ mɛ́ɛ bol nɛra be.

Galaasia 1:15

Kɛ Korowii te lee mɛ kwaraa mɔɔ ba lol mɛ, asɛ dɛ sune n nɛɛ dɛ cha mɛ, dɛ kpɔ mɛ do toma nɔ ta.

Mmarare 10:8

Gɛ saŋee Korowii le Lewi dea tena ŋɔ baa nyiŋi O Ne Nɛwɛnyina Fɔo Daka la ta, dɛ́ berɛ ɛ sɔfore dɛ́ che o sɔn ta dɛɛ swee andɛɛɡa dɛɛ tɛ nɛra. A ta chɔ ɡɛ ba le fini.

Mmarare 21:5

Lewi dea tena baa ɛ sɔfore la tɔ sie, dɛkalkɛŋɔ Korowii haa dɛ tomɔ nɔɔ lee ba ŋɔ baa ɛ o toma dɛ́ soŋe andɛɛɡa dɛɛ tɛ nɛra o sɔn ta. Ba nyoa wobol taa bá che dɛ́ bol wobɛlbwa aa lɔ nɛra baah ta, ne dɔŋa lɔɔra waa bɛlbwa ta.

Hibru 5:4

Sɔfonomoa ɛɛ nɔ ɛ wejena. Nomɛlbwa toole dɛ ɡbaɡba won le o te dɛ ɛ a ɡɛ toma nɔ, nemenɛ Korowii aa leo kɛŋɔ waa le Arɔn o ɛ bɛl la.

Wepila 8:3

Nyundua torome bɛl balɔ dɛ kpoŋe suuɡaswɛm kon baa kpɔa dɛɛ fuh daawiile a sɔɔh aa soma, dɛ ka che bela baa fuh kwaa ɛ saraha dɛɛ tɛ Korowii la. Ba kpɔ konsɔɔhsoma la kohona tɛo o kpɔ ja Korowii nɛra ba wa aa toɡra wesoŋa la ta, dɛ fuah konsɔɔhsoma la fuih bɔr baa kpɔ suuɡaswɛm ɛo o che kookara la sie la.

1 Samoɛl 2:28

Israel deene fi dɛ anɛ bwa binii n le he naa Arɔn ne o bibaala cheɡ ŋɔ, bá ɛ n sɔfore, dɛ́ɛ la bela baa ɛ saraha dɛɛ tɛ men Korowii, dɛ́ ka fuh daawiile a sɔɔh aa soma dɛ́ɛ tom mɛ, dɛ́ do sɔfo batakaarebora efɔd ba n sie. N berɔ tɛ he naawa dea tena ŋwɛnɛ Israel tena kwaa baa kpɔa ba ɛ saraha dɛ fuh dɛɛ tɛ mɛ la, baa kpɔ a bini ane.