1 Webena 22:5 - mzwDBL

⁵ Belaa o lii ŋɔ, “N bie Solomɔn nɔn ta kao, waa wobɛlbwa jemɛ, Korowii Dea waa dɛ ba doe nɔ ɡe chɛ kɛ ó do wer kohona, dɛ́ lɛ sɔn harɛre bwa ta. Amɔ a chɛ kɛŋɔ ń nyiŋi dɛ́ kpɔ o laa kɛrɛdɛ.” Anomanta, o nyin laala waa kpɔ ma Dea la bil warɛ mɔɔ dɛ sewɛ.

1 Webena 22:5 ပူးပေါင်းရင်းမြစ်များ

1 Koranar 3:7

N Naa Korowii maa dɛ tomɛ, he ɡelɔ men maa ɛ he bonɔɔ chiɡ n mɛɛ naa ta dɛɛ di kora. Kɛ n nɔn ta kao, maa n sie ne habɔɔ jemɛ.

1 Koranar 9:8

Dea nɔ dɛ ba kuuɡa chɔ, ásɛ nomɛlbwa waa teŋe ba kaa la nyoa kpo o bwara yɔr ó ŋɔ, ‘Bɔkwa waa ɡela Korowii ɛ harɛ nɔ ne Dea nɔ ken?’

1 Webena 29:1

Kooro Devid ŋɔ nɛra baa cheme bela la bwa be ŋɔ, “N bie Solomɔn Korowii aa leo la nɔn ta kao, waa wola wobɛlbwa jemɛ mɔɔ. Toma la kan, dɛkalkɛ Dea waa dɛ ba doe la ɛ Korowii kon, o ta nɛwɛnyini kon ɛɛ.

2 Webena 13:7

A habɔɔ, nɛnsale bane boa ba nyoa, dɛ ba ja o nɛ, dɛ vuuɡi Kooro Rɛhoboam, ɡɛ saŋ dɛ o nɔn ta kao waa wola wobɛlbwa jemɛ, dɛ puu ba yo.

2 Webena 2:4

N dɛ ba Dea doe tɛ Korowii maa dɛ tomɔ, ásɛ baa tomɔ o bini. Wɛɛ do ɡoroŋee, ásɛ n ne n nɛra fuh daawiile a sɔɔh aa soma dɛɛ tomɔ bela, dɛ́ kpɔ paanoo baa lea cheɡ tɛ Korowii o do ɡoroŋ dɛɛ ba o sie tɔpere bɛlbwa, dɛɛ fuh saraha kwaa chɔɔ ne jɔmɔra, ne Ona Tɔpera ne Korobifala Tɔpejena, dɛ tɔpejena ane Korowii yaa dɛ tomɔ aa lea cheɡ. Gɛ waa nɔ chɔ le tɛ Israel tena saŋ bɛlbwa dɛɛ la.

2 Webena 2:5

Korowii Dea maa dɛ ba doe nɔ kan, dɛkalkɛ Korowii yaa dɛ tomɔ la kan ɡwaa voɡare bwa.

2 Webena 2:8

N ɡbabir jemɛ ɡɛ he tom-ɛɛra aa dɔ daa teŋna wejema, anomanta, tɛ mɛ peleme daa ne dadɛɛɡa ane soo siwi aa lɔ Lɛbanɔn harɛ. N nɛra ɛɛ ba ja ba nɛɛ,

2 Webena 7:21

Dea nɔ dɛ ba kuuɡa chɔ, ásɛ nomɛlbwa waa teŋe ba kaa la nyoa kpo o bwara yɔr o ŋɔ, ‘Bɔkwa waa ɡela Korowii ɛ harɛ nɔ ne Dea nɔ ken?’

Ɛsra 3:12

Kɛ sɔfore baa ɛ nomonome ne Lewi dea tena, dɛ nomonnyuune baa tɔ sie na loɡle Dea la aa cheɡa dɛɛ nyiŋi baa pa Dea la mun la, ba wio dɛɛ dooɡe lɔŋɔre kɛrɛdɛ, asɛ bane ɡe ɛɛ do silɛɛ lɔŋɔre.

Sɛɡla 4:3

N fa aa lɔ n nya ne n mɛɛ sie, dɛ ɡbo ɛ bibaa dɛ ta ɛ bechala la,

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Aesaya 64:11

He Dea waa do ɡoroŋ dɛ do wer tɛ yaa ya naawa fa aa kpɛɛre o bini la, nii fuuh. Bɔra ya sie aa dɛ lɛ a ta bwa kuuɡo dɛ berɛ dimɡbeeni.

Ɛsekeɛl 7:20

Ba maŋkura ba te ba suuɡaswɛm nɔnloɡa ne baŋa kwaa ne noniseɡa aa wera la, dɛ kpɔ ɛ voɡa maa kia ne kondoŋa. A waa mɛɛ ba ɡela ba kondɔɔh ɛ kondoŋa tɛɛ ba.

Haɡae 2:3

“Umee ta kaa dɛ́ lii n Dea nɔ jirima o fa aa dɔa ɔ? Taraken, ɛrɛɛ hɛɛ nao wɔ? O berɛ kompɛɛ bɛl he siwi ta naa?

Haɡae 2:9

Jirima taraken n Dea nɔ aa dɛ ba dɔe la, ɛɛ ɡwaa wubwa kon laanee. Ásɛ dɛ tɛ n nɛra deŋnesɔɔhna bela. Men Koranar Bwa Kooroo bola.”

Amanesoma Luk Aa Chwera Tɔn 21:5

Belaa Yeesu habɔteŋra la bane ɛɛ bol Korowii Dea la waa o be, ɡɛ bwea baa kpɔa mao, ne kondɛɛɡa nɛra aa ɛa tɛ Korowii ba kpɔ kwaa o danjwɛɛ la wer aa doa. Anee Yeesu ŋɔ,

Amanesoma Jɔn Aa Chwera Tɔn 13:1

Aa ka tama ba di Galekaa Tɔpejen la, dɛ Yeesu jemɔ kɛŋɔ tɔpere telo kɛ ó le harɛ nɔ ta dɛ́ berɛ kaa o Mɛɛ be. Dɛ o dɛ nyin o nɛra baa teŋɛ o nɛɛ harɛ nɔ ta la kɛrɛdɛ dɛ ka tonɛ.

Amanesoma Jɔn Aa Chwera Tɔn 3:30

A chɛ kɛ o sɔn ɛɛ le kohona asɛ n te sɔn ɛɛ ba harɛ.

Amanesoma Jɔn Aa Chwera Tɔn 9:4

A wer kɛŋɔ bɔr aa chaahna nɔ, ya swɛɛ siwi dɛɛ ɛ Naate waa tom mɛ la toma, dɛkalkɛ bɔr dɛ ba bira nomɛlbwa aa wola won ɛ toma bɛlbwa kpa.