1 Webena 22:2 - mzwDBL

² Anomanta, Kooro Devid ɡelɔ ba boa hɔɔhra baa lɔ Israel harɛ nyoa, asɛ o le ba bini bane baa dɛɛ peɡri bwea baa kpɔ ma Korowii Dea la.

1 Webena 22:2 ပူးပေါင်းရင်းမြစ်များ

2 Samoɛl 5:11

Bwɛjen Taaya Kooro Hiram tomɛ nɛra Kooro Devid be ba kpɔ peleme daa ne kapenta tena, dɛ nɛra baa dɔ bwea kpɔe dɛ́ ma dea wejema, bá ma koodem tɛ Kooro Devid.

1 Koranar 6:7

Ba pɛɡre bwea baa kpɔ ma Korowii Dea la dɛ kwaara bela baa dɛ kwia mɔɔ dɛ́ kpɔ ba, ɡɛ aa ɛ ba bɛ hambare ne kpanfɛre kɛɛ buni bɛlbwa ɡbɔɡa no Korowii Dea la bela.

2 Koranar 12:12

ne nɛra baa dɛ peɡri bwea, ne anɔ la baa kpɔ yawɛ daa, ne bwea baa sɛah dɛ́ kpɔ kwaa Korowii Dea la, dɛ ane bɛlbwa ɡe aa jaa.

2 Koranar 22:6

Kapenta tena ne mamaala ne nɛra baa dɛ sɛh bwea, dɛ́ ɡel ba kpɔ suuɡa la ane yawɛ daa ne bwea baa sɛah, dɛ́ kpɔ kwaa Korowii Dea la.

1 Webena 14:1

Bwɛjen Taaya Kooro Hiram tomɛ nɛra Kooro Devid be ba kpɔ peleme daa ne kapenta tena, dɛ nɛra baa dɔ bwea kpɔe dɛ́ ma dea wejema, bá ma koodem tɛ Kooro Devid.

1 Webena 29:1

Kooro Devid ŋɔ nɛra baa cheme bela la bwa be ŋɔ, “N bie Solomɔn Korowii aa leo la nɔn ta kao, waa wola wobɛlbwa jemɛ mɔɔ. Toma la kan, dɛkalkɛ Dea waa dɛ ba doe la ɛ Korowii kon, o ta nɛwɛnyini kon ɛɛ.

2 Webena 2:16

Ásɛ ya teŋe daa haa dɛ nyin la bwa le Lɛbanɔn dɛ́ vɔrɔwa, ásɛ dɛ taɡa kpɔ mpo sie ba tɛɛ Jopa waa lɔ mpo nyoa, he ba kpɔ kaa Jerusalam.”

2 Webena 2:17

Ate, Kooro Solomɔn ɡel ba kure hɔɔhra baa soɡe Israel harɛ ta bwa, ɡɛ tenten o mɛɛ Kooro Devid fa aa kure nɛra la. Ba lɔ nɛra kaɡboŋa lafa fifraanue dɛ batoro lafraanumɛl.

Ɛsra 3:7

Ate, nɛra la tɛ suuɡa baa kpɔ bɔ tom-ɛɛra baa dɛ peɡri bwea ne kapenta tena, dɛ berɛ kpɔ kondikwaa ne sen dɛ ɔleve noo ŋɔ, bá kpɔ ka tɛ bwɛjena Sidon ne Taaya tena, ásɛ ba kpɔ ka charɛ peleme daa le Lɛbanɔn, ásɛ dɛ taɡa kpɔ mpo sie ba Jopa, ɡɛ Pɛɛsea Koojen Saeros aa bola la.

Ɛfesos 2:12

He fa aa Kristo Korowii aa baɡɛ nyoa ŋɔ wɛɛ tomɔɔ ó ba lɛ yaa la waa jemɛ. He fa ta Juu tena Korowii aa lee ba dɛ ɡel ba ɛ o nɛra la nɛɛ jae. He fa aa nyoo Korowii aa baɡa dɛ kwaa o ne o nɛra fɔo dɔe la waa jemɛ. He fa ta hwɛɡa bɛlbwa dɔe. He fa aa Korowii jemɛ ó won cha heya.