1 Webena 22:19 - mzwDBL

¹⁹ Name, le fini kpɔ he bambile ne liire bwa ne dɛɛ tomɛ Korowii. Pa mun ma Korowii Dea la, ásɛ dɛ won kpɔ Korowii Ne Nɛwɛnyina Fɔo Daka la ne laala aa do ɡoroŋ ba kpɔ dɛɛ tomɔ la bwa ba cheɡ o bini.”

1 Webena 22:19 ပူးပေါင်းရင်းမြစ်များ

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

Mmarare 4:29

A tel belaa, hɛɛ dɛɛ ɡaaɡe Korowii bɔree dɛ́ nao, dɛ he dɛ nyin o bɔr he bambile bwa ne he hweera bwa ne naa, hɛɛ nao.

1 Webena 16:11

Hɛ́ɛ soŋe Korowii dɛ́ na o kpeɡri, dɛ́ɛ tomɔ saŋ bɛlbwa.

Yela 27:4

N Naa Korowii, kombeŋkpoŋii n soŋe dɛɛ le he be, ɡɛ maa dɛ nyin laanee kɛŋɔ, ń so he Dea n soɡa bini bwa, dɛ́ nyiŋi ɡɛ he wa aa wera dɛ́ kooɡa, dɛ́ soŋe, he nyiŋi n nɛ.

1 Webena 22:7

O ŋɔ Solomɔn be ŋɔ, “N bie, dɛ n bambile fe lawɔ kɛŋɔ ń do Dea tɛ Korowii maa dɛ tomɔ la.

2 Webena 5:7

Asɛ sɔfore la kpɔ Korowii Ne Nɛwɛnyina Fɔo Daka la ka cheɡ o Dea la bini, Boɡoroŋ Tenten bela, Kerobim la kena lɔɡre.

1 Koranar 8:6

Asɛ sɔfore la kpɔ Korowii Ne Nɛwɛnyina Fɔo Daka la ka cheɡ Korowii Dea la bini, Boɡoroŋ Tenten bela Kerobim la kena lɔɡre.

1 Koranar 8:21

Korowii ne ya naawa fɔo baa fɔwa ɡɛ saŋ waa le ba ne Ijipt harɛ ta la nomanta, n kwaa bɔr Dea la bini tɛ Korowii Ne Nɛwɛnyina Fɔo Daka bwepɛle anɛ aa teɡli o bini la o ba che o bini.”

We-ɛɛla 22:16

Anomanta, bɛ berɛ so kpa. Gel ba sɔe Korowii ne, ásɛ he yerɛ Yeesu sɔn dɛ́ soŋo ó kpɔ he wechɔɡa kɛɛ.’

2 Webena 6:11

Belaa n kpɔ Korowii Ne Nɛwɛnyina Fɔo Daka bwepɛle aa teɡli o bini dɛɛ baɡle Korowii ne o nɛra Israel tena fɔo baa fɔwa la ba cheɡ.”

2 Webena 20:3

Kooro Jehosafat ɔmɔ, dɛ bɔɔ le Korowii be ŋɔ ó baɡlo ɡɛ waa ɛ, asɛ dɛ ŋɔ Juda te bɛlbwa vɔwɛ nyoa, á baɡle kɛ ba dɛ di suna.

1 Koranar 5:3

“He na ɡɛ n mɛɛ fe aa dɛ nyin kɛŋɔ o fee do Korowii Dea, kɛ dɔma baa baro cheme kpɔ yoi puu o ta wone do ka tel kɛŋɔ Korowii aa ɡela o pɔ ba bwa nɛɛ mɔɔ.

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

Haɡae 1:5

Kenii Koranar Bwa Kooro ŋɔ, “Hé nyiŋi he waa bini kɛrɛdɛ.

Daneɛl 9:3

Asɛ n kpɔ lweyal tɔ dɛ so tɔɔ ta, a baɡle kɛ n dɛ di suna, dɛ vɔwɛ nyoa dɛɛ soŋe Korowii.

Aesaya 60:1

Jerusalam, ir dɛ́ chaah kɛŋɔ wee! Korowii jirima dɛ chaah he nɛ!

1 Webena 22:16

kɛŋɔ suuɡaswɛm ne suuɡapoŋa ta, ne ayaawa ne bune. Nɛra baa jemɛ kwaa bwa soo siwi sɛɛh baa wola nyoa dɔe. Name, pa toma la mun, Kórowii ja he nɛ.”

Yela 14:2

Korowii lɔ nyundua, dɛ ba sie ne harɛ, dɛɛ nyiŋi nɛwɛnyina kɛŋɔ bɛl dɔ wejema dɛɛ nyin o Korowii bɔr dɛ́ tomɔ.

Jeremia 29:13

Hɛɛ dɛɛ ɡaaɡe n bɔree dɛ́ na mɛ, dɛ he dɛ́ nyin n bɔr he bambile bwa ne naa, hɛɛ na mɛɛ.

Kaala 25:8

Gel ba ɛ Tɛnte Dea waa do ɡoroŋ tɛ mɛ, ásɛ n ba so ba bini.

1 Webena 16:10

Hé ɡel he sie lɛ o sɔn waa do ɡoroŋ la ta, nɛra haa dɛ tomɔ, hé ɡel he sie lɛ.

Yela 119:2

Nɛra baa dɛ nyin o waa dɛɛ teŋɛ a ta bambile bwa ne la, ba na som.

Haɡae 1:8

Hé teeh bwejena, dɛ́ la ka teŋni dadɛɛɡa ba kwaa do n Dea, ásɛ a do n som baa tom mɛ o bini ń dɔ jirima.