1 Webena 22:16 - mzwDBL

¹⁶ kɛŋɔ suuɡaswɛm ne suuɡapoŋa ta, ne ayaawa ne bune. Nɛra baa jemɛ kwaa bwa soo siwi sɛɛh baa wola nyoa dɔe. Name, pa toma la mun, Kórowii ja he nɛ.”

1 Webena 22:16 ပူးပေါင်းရင်းမြစ်များ

1 Koranar 2:2

“Saŋ telo kɛŋɔ n sewɛ name, anomanta, lawɛ he te dɛ che kiŋkiŋ

1 Koranar 7:47

Kooro Solomɔn ta kwaa waa kpɔ ayaawa ɛa nɔ tɔɡre maɡɛ, dɛkalkɛ dɛ a warɔ kohona. Gɛɛ a do baa wola a tɔɡre ɡe jemɛ.

1 Webena 22:11

N bidɛɛɡe, Korowii haa dɛ tomɔ ja he nɛɛ dɛ́ tɛɛ hɛɛra he won do Dea tɛo ɡɛ waa bola la.

1 Webena 22:14

N takapɔ dɛ kpɔ suuɡaswɛm a tɔɡre aa ɛ kilore kaɡboŋ bele kaɡboŋa atoro, dɛ kaɡboŋa lafraanaarɛ, ne suuɡapoŋa a ɡe tɔɡre aa ɛ kilore kaɡboŋ bele kaɡboŋa fifraatoro dɛ anaarɛ, ne ayaawa dɛ bune aa wara ne daa ne bwea bwa ba, ásɛ he nyin ane ja do dea la.

1 Webena 22:15

Nɛra baa ɛ toma la warɔ, banɔ la baa peɡri bwea ne mamaala ne kapenta tena, dɛ baala baa dɔ toma bwa soo siwi wejema,

1 Webena 22:3

O nyin bune a warɛ ba kpɔ kwaa dadowɛre ne njinasoɔre baa kpɔ do ɡbeni ta, dɛ ayaawa aa wara baa wola won maɡa.

1 Webena 28:10

Jemɛ kɛŋɔ henee Korowii le ŋɔ he do o Dea tɛo. Gel he siwi beɡre dɛ́ ɛ ɡɛ waa doe la bwa.”

1 Webena 29:2

N takapɔ nyin laala baa kpɔ do Korowii maa dɛ tomɔ Dea la. N dɔ suuɡaswɛm ne suuɡapoŋa ne ayaawa ne bune ne daa, ne bwedɛɛɡa ane a yoɡ aa kpeɡa baa yera onis ne tɛɛkoes, dɛ bwea bwa soo siwi, a warɔ kɛrɛdɛ.

2 Webena 1:1

Kooro Devid bibaa Solomɔn soɡo kiŋkiŋ o kora ta Israel harɛ ta bwa, asɛ Korowii waa dɛ tomɔ che o mun ta, dɛ ɛo nɛnjen kohona.

2 Webena 20:17

He laa dɛɛ ba laa nɔ yoi. Hé te ka che he chebɔra dɛɛ kpa. Hé che kiŋkiŋ, ásɛ dɛ na ɡɛ Korowii aa yo tɛ heya, dɛ́ ɡel he pɔ ba nɛ. Juda ne Jerusalam tena, he bɛ ɔmɛ, he bɛ ɡel he bwara yɔr, hé te le ka puu ba kere, dɛ́ na ɡɛ Korowii aa ja he nɛ.’ ”

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

Josua 1:2

“Josua, n bonɔɔ Mosis sewɔ, anomanta, he ne Israel tena kpɔ he te dɛ́ ir ɡale kaa Jɔɔdan Moo baŋ harɛ maa kpɔa dɛɛ ba heyaa tɛɛ la ta.

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Josua 7:10

Anee Korowii ŋɔ Josua be ŋɔ, “Ir che! Ɛrɛɛ he kpɔ sie pi harɛ ɡɛ nɔɔ?

Sitɔɔla 4:14

Dɛbora ŋɔ Barak be ŋɔ, “Kaa! Fini tɔpere nɔɔ Korowii kpɔ Sisera do he nɔn ta hé pɔ o nɛ. Korowii te tɔ he sie kaa.” Anomanta, Barak ne o laa tena kaɡboŋa fi la tuo le Tabɔ Bwejen doa ba harɛ.

1 Samoɛl 17:37

Korowii waa lɛɛ mɛ le nyujente ne sisire nɔn ta la, wɛɛ lɛɛ mɛ le Filisti te nɔ nɔn ta.” Ate, Kooro Sɔɔl ŋɔ Devid be ŋɔ, “Kaa, Korowii ja he nɛ.”

1 Samoɛl 20:13

Dɛ n mɛɛ dɛ nyini dɛ́ kpoe naa, n ŋwɛɛrɔ kɛ dɛ n ta he be bolɛ dɛ ɡel he dɔ bɔr chwa aa, Kórowii tɛr n deŋne kohona. Korowiirii dɛ́ ja he nɛɛ ɡɛ waa ja he mɛɛ nɛɛ la.