1 Webena 21:8 - mzwDBL

⁸ Belaa Kooro Devid ŋɔ Korowii be ŋɔ, “Waa maa ɛa nɔ ɡelɔ n ɛ wechɔɡa kohona. N dɛ soŋe, laa bolchɔɡe men maa ɛ he bonɔɔ aa dia nɔ kpɔ n nɛ. N ɛ ɡɛnewa tenten.”

1 Webena 21:8 ပူးပေါင်းရင်းမြစ်များ

Mumpar 34:7

dɛ Jekɔb bii la ɡe denɔ le kpɔɡ bini ba. Baa baa no waa la la, a we ba nɛ, asɛ ba baah di kohona kɛŋɔ Sɛkem aa ɛ wedoŋa dɛ nyiŋi Israel tena nyubaah kɛŋɔ waa ɡuɡri ba nimambie o ne o chɔ la.

2 Samoɛl 12:13

Ate, Kooro Devid ŋɔ Netan be ŋɔ, “N ɛ wechɔɡa dɛ jo Korowii nɛ.” Asɛ Netan ɡe chaŋo ŋɔ, “Korowii kpɔ he wechɔɡa kɛɛ, haa sewɛ.

2 Samoɛl 13:13

Dɛ a ba ɡɛ naa, ɛrɛɛ mɛɛ ba wona ɡɔɔ nyu nɛra bini nɔ? He ɡe kwaraa la, sihiih ɛɛ kpoe Israel harɛ nɔ ta bwa. N poori, ka bol kooro be mɔɔ, waa sɛh ŋɔ n bɛ hen yalɛ.”

2 Samoɛl 24:10

Kooro Devid aa kure laa tena la tonɛ la, o liire ɛo anebɛlbwa asɛ o ŋɔ Korowii be ŋɔ, “Waa maa ɛa nɔ ɡelɔ n ɛ wechɔɡa kohona. N dɛ soŋe, laa bolchɔɡe men maa ɛ he bonɔɔ aa dia nɔ kpɔ n nɛ. N ɛ ɡɛnewa tenten.”

1 Webena 21:7

Dɛ Korowii ɡe sie ta waa la ta lɛɛ, anomanta, o kpɔ deŋnetɛra ba ta Israel tena nɛ.

2 Webena 10:9

Kooro Rɛhoboam kpɔɔ bil ba sie ŋɔ, “Ɛrɛɛ hɛɛ lii kɛŋɔ n chaŋe nɛra nɔ baa ŋɔ n be ŋɔ, ń ɡel ba toma do korokoro nɔ waɔ?”

Yela 25:11

N Naa Korowii, a lole kɛŋɔ n wechɔɡa kan te, koh he sɔnjen la wa dɛ́ kpɔ kɛ mɛ.

Yela 32:5

Asɛ n bol n wechɔɡa baɡle, n ta kpɔe sɔeh. N liiro kɛ mɛɛ boloo baɡle, ásɛ he kpɔ a bwa kɛ mɛ.

Jeremia 3:13

He ɡbabir lɛ he wechɔɡa do, he ɛ men Korowii haa dɛ tom mɛ la deŋnekpeɡ, he kpɔ he te tɛ voɡare dajena lɔɡre bwa, he ta n waa ta teŋɛ.’ Men Korowiirii bola.

Hosia 14:2

Hé ɡel ɡɛ waa nɔ ɛ he wesoŋa, dɛ́ berɛ ba Korowii be. Hé soŋo ŋɔ, “Kpɔ ya wechɔɡa bwa kɛ yaa, dɛ́ sune ya nɛɛ dɛ́ lɛ yaa, ásɛ ya kpɛɛre, ɡɛ yaa baɡɛ nyoa la.

Amanesoma Jɔn Aa Chwera Tɔn 1:29

Tɔ aa pera la, Jɔn na Yeesu kɛŋɔ waa dɛ ba o be. Belaa Jɔn ŋɔ nɛra o ne baa cheɡa la be ŋɔ, “Hé na Korowii Pebie waa dɛ ba nɛra bwa wechɔɡa laa dɛ́ kpɔ ba nɛɛ la!

1 Jɔn 1:9

Dɛ ya bol ya wechɔɡa baɡle Korowii aa, o ɛ nɛndɛɛɡe dɛ ɛ kasinteŋ te dɛɛ teŋɛ o nyobaɡa ta. Wɛɛ kpɔɔ kɛ yaa, dɛ́ laa doŋa bwa kpɔ ya nɛ.

1 Samoɛl 13:13

Samoɛl ŋɔ o be ŋɔ, “He ɛ ɡɛnewa. He ta Korowii haa dɛ tomɔ doe waa doe la kpɔe ɛ toma ɡɛ aa chɛa. He fe teŋɛ ɡɛ waa doe la ta naa, o fe ɛɛ ɡeloo he ne he naanar di kora Israel harɛ saŋ bɛlbwa dɛɛ la.

1 Samoɛl 26:21

Anee Kooro Sɔɔl ŋɔ, “N bie Devid, n ɛ wechɔɡa, berɛ ba n be. Maa hen kpo kpa, dɛkalkɛ he dɔɔ mɛ he ta men kpoe jwaana nɔ ne. N ɛ ɡɛnewaa kohona ne waa aa wola were.”