1 Webena 21:26 - mzwDBL

²⁶ Kooro Devid ma kon waa ɛ saraha o ta tɛ Korowii bela, dɛ kpoo kwaa ɛ sarahare baa fuah ne deŋnesɔɔhna sarahare tɛo. O soŋe Korowii asɛ o ɡel nii le nyundua, dɛ ba fuh saraha kwaa la bwa.

1 Webena 21:26 ပူးပေါင်းရင်းမြစ်များ

1 Koranar 18:24

Ásɛ Baal voɡ tena la soŋe ba voɡ, ásɛ n ɡe soŋe Korowii maa dɛ tomɔ. Bɛl la o kon aa do nii o kwaa ta la, onee chɛ kɛŋɔ yaa tomɔ.” Ate, nɛra la bwa sɛh, dɛ ŋɔ, “Gɛ wer.”

1 Koranar 18:38

Ate, Korowii ɡel nii ba le saraha kwaa la ta, dɛ fuh a ne daa la ne bwea dɛ harɛ la bwa, nee aa lɔ bɔɔ la bini ɡe hweeh.

1 Webena 21:27

Ate, Korowii bol waa nyundua torome la be, asɛ o berɛ kere la su o tɔɔ ta.

2 Webena 3:1

Kooro Solomɔn pa mun dɛ ma Korowii Dea la Jerusalam, Moria Bwejen ta. Dɛ Korowii fa kpɔ o te baɡle o mɛɛ Kooro Devid bela ka, Jebus te Arauna mea lɔ bɔr bela Kooro Devid fa aa yawa la.

2 Webena 7:1

Kooro Solomɔn aa soŋe Korowii tonɛ la, nii le nyundua dɛ ba fuh kwaa baa kpoora ne kwaa bwa soo siwi baa kpɔa dɛɛ ɛ sarahare la, asɛ Korowii jirima su o Dea la bini bwa.

Yela 51:15

N Naa Korowii, cha mɛ ń won waa bola, ásɛ n won kpɛɛre.

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Yela 99:9

Hé kpɛɛ Korowii yaa dɛ tomɔ, dɛɛ tomɔ o bwejen waa do ɡoroŋ ta. Korowii yaa dɛ tomɔ la do ɡoroŋ.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Aesaya 65:24

Ba ne ŋɔ ba soŋ mɛ tonɛ la, dɛ n noɔ dɛ́ chaŋe. Ba taa dɛ bol kwaraa la, dɛ n te jemɔ.

Jeremia 33:3

Yer mɛ, ásɛ n chaŋe, ásɛ dɛ baɡle wejena ne waa aa sɔah haa wola an jemɛ.

Lewi Dea Tena 9:24

Belaa Korowii ɡel nii le dɛ ba fuh saraha kwaa la ne a noorare la bwa nyaam ken saraha kon la ta. Nɛra la bwa aa naa la, ba kpɔ silɛɛ dooɡe lɔŋɔre dɛ ɡuŋi dɛ kpɔ sie piiɡi harɛ.

Nɛra Kura 16:50

Weechɔɡa la nyoa aa sɔɔhna la, Arɔn berɛ kaa Mosis be Korowii Dea Cheremibɔr la doonyoa bela.

Sitɔɔla 13:20

Ninlao le kon baa dɛ ɛ saraha o ta la ta, dɛ hɔ dɛɛ kaa nyundua, asɛ Korowii nyundua torome la kpɔ ninlao la bini kaa nyundua. Manoa ne o haah aa na ɡɛ waa nɔ la, ba cholo dɛ kpɔ sie pi harɛ.

Sitɔɔla 6:21

Dɛ Korowii nyundua torome la kpoŋe daŋɡbala bɛl. O kpɔ daŋɡbala la nyoa leɡe ola la ne paanoo la, asɛ nii le bwe la ta dɛ fuh ola la ne paanoo la bwa. Asɛ Korowii nyundua torome la den nyoɡre le o sie kaa.