1 Webena 21:17 - mzwDBL

¹⁷ Kooro Devid soŋe Korowii ŋɔ, “N Naa Korowii, menee ɡela ba kure nɛra la, anomanta, menee ɛ wechɔɡa dɛ di a bolchɔɡe. Nɛra nɔ baa do kɛŋɔ peera nɔ laa ɛ waane. Kpɔ deŋnetɛra bɛlbwa ba ta n ne n haahna ne n bii nɛ, dɛ́ ɡel he nɛra Israel tena.”

1 Webena 21:17 ပူးပေါင်းရင်းမြစ်များ

Mumpar 44:33

Anomanta, nomoa, n dɛ́ soŋe, mɛɛ chiɡ bie nɔ naa taa, dɛ́ so dɛ́ ɛ he yom, ásɛ o pu o dɔɔranar kaa.

2 Samoɛl 12:10

Haa wola n waa ta teŋɛ dɛ ka kpɔ Uria haah mo nomanta, he naanar baa ka ba bwa la ɛɛ sewɛ laa taa, haa deŋnesɔɔhnaa dɔ he dem ɡe bwa.

2 Samoɛl 24:1

A habɔɔ la, Korowii baah di Israel tena baa lɔ weekaŋle nyundua la nɛɛ ja, dɛ ɡel Kooro Devid dɔ liire kɛŋɔ a chɛ kɛ ó la ka kure ba ne Juda tena baa lɔ weekaŋle harɛbɔr bwa ɡe.

2 Samoɛl 24:17

Kooro Devid aa na ɡɛ nyundua torome la aa dɛ kpoo nɛra la, o soŋe Korowii ŋɔ, “N Naa Korowii, menee ɛ wechɔɡa dɛ di bolchɔɡe. Nɛra nɔ baa do kɛŋɔ peera nɔ laa ɛ waane. Kpɔ deŋnetɛra bɛlbwa ba ta n ne n haahna ne bii nɛ, dɛ́ ɡel he nɛra Israel tena.”

2 Samoɛl 7:8

N bonɔɔ Devid, peeraa he teɡɛ dɛɛ la ane dibɔr n ka lawɛ dɛ ba cheɡe kora ta n nɛra Israel tena nɛ.

1 Koranar 22:17

Mikaya ŋɔ, “N na Israel laa tena baa perɛ deŋɡarere ta kɛŋɔ peera aa wola teɡre dɔe ken. Asɛ Korowii ŋɔ, ‘Ba ta sitɔɔ dɔe, ɡel bá berɛ kaa dem deŋnesɔɔhna ne.’ ”

1 Webena 21:8

Belaa Kooro Devid ŋɔ Korowii be ŋɔ, “Waa maa ɛa nɔ ɡelɔ n ɛ wechɔɡa kohona. N dɛ soŋe, laa bolchɔɡe men maa ɛ he bonɔɔ aa dia nɔ kpɔ n nɛ. N ɛ ɡɛnewa tenten.”

Yela 44:11

He ɡelɔ ba kpoo yaa kɛŋɔ peera ken, dɛ lɔ yaa peɡre harɛre ta.

Yela 51:14

N Naa Korowii, dɛ n kpo nɛn dɛ di a bolchɔɡe aa, lɛɛ mɛ. Ásɛ n ɡo yela silɛɛ ne, dɛ́ baɡle ɡɛ he wa aa toɡra.

Yela 51:4

He ɡbosoroo n ɛ wechɔɡa, dɛ ɛ anɔ la aa wola were he sie. Anomanta, he waa dɔ kasinteŋ, he won bol n waa dɛ́ pa bole aŋwɛnɛ ta, dɛ́ tɛr n deŋne.

Yela 74:1

N Naa Korowii, ɛrɛɛ he den vɛh yaa kwaraa ɡɛ nɔɔ? Saŋ besoo hɛɛ nyin he baah di he ɡbabir nɛra nɛɛ ka tel ɔ?

Kaala 20:5

He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Jona 1:12

Belaa o ŋɔ, “Hé ɡɔɔ mɛ ta nee ta, o nyoa ɛɛ sɔɔhnoo. N ɡbabir nao kɛŋɔ n nɛɛ a che ɡɛ peukpeɡ nɔ ɛɛ ta nɔ.”

Tɔn Pɔɔl Aa Chwerɛ Rom Tena 9:3

N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ.

Josua 22:18

He laa sie dɛɛ kpɔ Korowii nɛɛ taraken ja aa? He vɛoh fini naa, kere o baah ɛɛ di Israel tena bwa nɛɛ.

1 Jɔn 3:16

Gɛ Yeesu Kristo aa koh ya waa dɛ kpɔ o te tɛ dɛ sewɛ la, a taa ya che dɛ jemɛ ɡɛ nyina aa doa. A chɛ kɛŋɔ ya ɡe koh yabala waa dɛ́ ɡe kpɔ ya te tɛ kɛŋɔ yaa sewɔɔ tɛɛ ba.