1 Webena 21:16 - mzwDBL

¹⁶ Kooro Devid ha sie nyiŋi dɛ na Korowii nyundua torome la kɛŋɔ waa cheɡɛ harɛ ne nyundua baah, dɛ pamɛ kere pa Jerusalam dɛɛ ba o chɔɡa. Dɛ Kooro Devid ne o nomonome tɔ lweyale, ba cholo dɛ kpɔ sie pi harɛ.

1 Webena 21:16 ပူးပေါင်းရင်းမြစ်များ

Nɛra Kura 14:5

Belaa Mosis ne Arɔn kpɔ ba sie pi harɛ Israel tena baa chema la bwa sie.

1 Koranar 21:27

Kooro Ahab aa no waa Korowii keame Elaeja aa bola la, o laa o ɡbaɡba laala waa doa la kɛɛ dɛ ka kpɔ lweyal tɔ. O vɔwɛ nyoa dɛ tɔ o lweyal la dɛɛ chɔ, a baɡle kɛŋɔ o dɛ di suna.

2 Koranar 19:1

Kooro Hɛsɛkea aa no waa la, o ɡe laa o yal waa tɔɔ la kɛɛ, dɛ ka kpɔ lweyal tɔ dɛ ka jo Korowii Dea.

2 Koranar 6:17

Belaa Elaesa soŋe Korowii ŋɔ, “N Naa Korowii, pili o sie ó won dɛɛ na.” Asɛ Korowii ɡel bonɔɔ la sie pili, o na kɛŋɔ jaɡre ne kwaa aa do kɛ torɔɡore, ne niirare su deŋɡarere la ta dɛ bar Elaesa.

Nɛra Kura 22:31

Ate, Korowii pili Balam sie, asɛ o na Korowii nyundua torome waa pamɛ kere che ŋwɛnɛ la ta. Asɛ Balam ba harɛ dɛ kpɔ sie pi harɛ.

Nɛra Kura 16:22

Ate, Mosis ne Arɔn kpɔ ba sie pi harɛ dɛ do lɔŋɔre ŋɔ, “N Naa Korowii, nɛwɛnyina bwa mkpa lɔ he be, dɛ nɛmbeŋkpoŋ ɛ wechɔɡa aa, hɛɛ koh a waa he baah di ɡɛ nɛra nɔ bwa nɛ aa?”

Mumpar 3:24

Waa doŋi baa la le bela habɔɔ la, o kpɔ Kerobim ne tokobii bɛl waa dɛ nyɛɡle kɛ ninlao dɛɛ beɡre bobɛlbwa, dɛ ka cheɡ Eden bodɛɛɡe wee leebɔr pera, ásɛ nomɛlbwa bɛ won di daa la nɔna.

Sitɔɔla 13:20

Ninlao le kon baa dɛ ɛ saraha o ta la ta, dɛ hɔ dɛɛ kaa nyundua, asɛ Korowii nyundua torome la kpɔ ninlao la bini kaa nyundua. Manoa ne o haah aa na ɡɛ waa nɔ la, ba cholo dɛ kpɔ sie pi harɛ.

Ɛsekeɛl 9:8

Ba lɔ nɛŋkpoa la ta, asɛ a ka n ɡbo che. Belaa n kpɔ sie pi harɛ dɛ do lɔŋɔre ŋɔ, “Oo! Nemenɛ Korowii, amɔ he dɛ ba Israel tena baa kaa nɔ bwa kpoora, dii he baah aa dia Jerusalam tena nɛɛ kohona nɔ wa aa?”

Ɛsekeɛl 30:25

Gɛɛ, mɛɛ ɡeloo Ijipt kooro sɔɔh, dɛ́ ɡel Babelɔn kooro do kpeɡri. Maa ba kpɔ n kere do Babelɔn kooro nɔn ta, ásɛ o kpɔ pa Ijipt tena nɛɛ la, nomɛlbwa ɛɛ jemɔɔ kɛŋɔ menee Korowii.

Nɛra Kura 22:23

Keeɡo la na Korowii nyundua torome la kɛŋɔ waa pamɛ kere dɛ che ŋwɛnɛ la ta, asɛ o bɛɡɛ jo kpɔɡ bini. Asɛ Balam lɔɔ dɛ ɡel o ba chiɡ ŋwɛnɛ ta.