1 Webena 21:12 - mzwDBL

¹² He dɛ nyin kɛŋɔ lɔr chole he harɛ ta bene atoro, kɛɛ he teŋɛ chwa dɛɛ le he dɔma be, ásɛ ba ɡe chwa dɛɛ tii korobie atoro bwa naa? Kɛɛ Korowii che o nyundua torome nɛɛ kpɔ weechɔɡa ba ta he harɛ nɛra bwa nɛɛ bobɛlbwa.’ Gel ń jemɛ waa maa ka bol naate waa tom mɛ la be.”

1 Webena 21:12 ပူးပေါင်းရင်းမြစ်များ

2 Samoɛl 21:1

Kooro Devid kora dii saŋ la, lɔr chole harɛ la ta teŋɛ dɔŋa nɛɛ bene atoro. Anomanta, o bɔɔrɔ le Korowii be. Asɛ Korowii ŋɔ, “Kooro Sɔɔl ne o lolanar di bolchɔɡe nɛŋkpoa wa, dɛkalkɛ o kpoo Gebeɔn tena la ɡalɡa.”

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

2 Koranar 19:35

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ dɛ ba na ɡɛ nɛra la aa serewa chɔ bobɛlbwa.

2 Koranar 8:1

Dɛ Korowii keame Elaesa fa ŋɔ haah bɛl waa le Sunem o chum o bie seo ta la be ŋɔ, “Kpɔ he dem tena ka so bobɛlbwa haa dɛ nyin tama. Korowii ŋɔ lɔr ɛɛ chiɡ harɛ nɔ ta bonɔɔ bene anuanɛ.”

1 Webena 21:11

Anomanta, Gad la Kooro Devid be ka bɔɔro ŋɔ, “Waa Korowii aa bola laanee nɔ, ‘Baɡle onla haa dɛ nyin.

Yela 91:6

kɛɛ weechɔɡa aa dɛ ba jwaana, kɛɛ weela aa dɛ kpo webaŋa.

Kaala 12:23

Korowii dɛ ba harɛ la ta joe, dɛ́ kpo Ijipt tena bibanloɡla bwa. O teŋo baa kaa dɛ na chal la doonyoo daa nyundua ne a keŋkeŋni ɡɛ naa, wɛɛ ɡelaa dɛ́ ba kaa. Waa ɡel Korowii nyundua torome waa dɛ kpoo Ijipt bibanloɡla la jo he deremi ta dɛ́ kpoo heya.

Aesaya 66:16

Nii ne laalee wɛɛ ba kpɔe tɛr harɛ nɔ nɛra bwa deŋne. Nɛra waa kpoo ba ɛɛ warɔɔ taeh.

Jeremia 12:12

Laa tena baa wara lɔ pua hɛŋle ɡbo harɛ deŋɡarere dor, dɛɛ ba dɛ́ ba chɔɡ nɛra ne kwa. Men Korowiirii kpɔ ba dɛɛ ba, bá ba yoo ba, dɛ́ chɔɡ harɛ la bwa ásɛ nomɛlbwa bɛ deŋnesɔɔhna dɔ.

Jeremia 42:16

amɔ laa haa dɛ ɔmɛ laanee dɛ́ ba he nɛ, lɔr haa dɛ ɔmɛ kohona la ɡe ɛɛ teŋɛ he nɛɛ kaa Ijipt harɛ ta, ásɛ he serewe bela.

Jeremia 47:6

He yon dɛɛ wi ŋɔ, ‘N Naa Korowii, he kpoŋe he kere, saŋ besoo hé kpɔ kere la kpoo nɛra ka tel ɔ? Kpɔɔ do o tɔɔ bini ó chɔ bela jeih ken.’

Wiile 4:9

Banɔ la baa sewɛ laa ta la, bɔ banɔ la lɔr aa kpoo ba. Kondikwa bɛ toole waa lɔr kpoo ba.

Lewi Dea Tena 26:10

Hɛɛ dɔ kondikwaa di a ka anfala baa pua, ásɛ he le ambena la ne ka ta, dɛ́ dɔ bɔr do anfala la.

Lewi Dea Tena 26:17

N sie ɛɛ beɡre he nɛɛ, dɛ́ ɡel he dɔma pɔ he nɛ, dɛ́ɛ nyiŋi he nɛ. Ɔmee kohona nomanta, hɛɛ dɛɛ chwaaɡoo dɛ nomɛlbwa aa heyaa doŋi.

Amanesoma Luk Aa Chwera Tɔn 4:25

N dɛ ŋɔ he be ŋɔ, ɡɛ saŋ Korowii keame Elaeja fa aa lole hwel che bene atoro korobie anumɛl bwaala aa wola nɛ, asɛ lɔr chole harɛ la bwa ta la, dɛ luhaahna warɔ dɛ do Israel tena bini,

We-ɛɛla 12:23

Kooro Hɛrɔd aa wola ɡelɛ ba kpɛɛ Korowii, dɛ lɛ kpɛɛra la tɛ o te la, kerabeŋkpoŋ dɛ Korowii nyundua torome baa lɔɔ bil, asɛ kpaloɡlare diu o sewɛ.

Mmarare 28:15

Dɛ he ta Korowii haa dɛ tomɔ nɔ waa noɛ dɛ teŋɛ o waa ne o Mmarare ta naa, taahna maa bol a waa nɔ bwa ɛɛ ba he nɛɛ dɛ́ ɡure he nyu ta.

Mmarare 28:22

Wɛɛ ba weela aa dɛ bu nee, kabul ne ɔɡra, dɛ́ berɛ ɡel hwel che bɔr wɔrɔbe, ásɛ he konduula chɔɡ. A ɡɛ wekpeɡa nɔ bwa ɛɛ chole he nɛɛ ka tel kɛŋɔ haa serewa.

Mmarare 28:25

Ásɛ he dɔma berɛ pɔ he nɛ. Hɛɛ kpɔ ŋwɛnɛ beŋkpoŋii ŋɔ he ka yoo ba, kɛ bɛlbwa ɛɛ berɔɔ nyin bɔr kpɔ dɛ́ chwa peɡre jo harɛ nɔ ta bwa.

Mmarare 28:27

Korowii ɛɛ ɡeloo ɔɡra ne ŋwɛra aa ba Ijipt tena nɛɛ la dɔŋa chole he nɛ, haa wola won chah.

Mmarare 28:35

Korowii ɛɛ ɡeloo ŋwɛra aa dɛ we haa wola won chaah chole he nɛ, ɔɡra ɔɡre le he nyu ta ba ta he napaala ta.”