5 Ba ne Filisti tena berɔ yo laa, asɛ Jɛɛ bibaa Ɛlhanan kpo Laami waa ɛ Goliat nime, waa le Gat. O lampea nyoa buni tɔɡre kɛŋɔ yasɔɔh kokorowa daa ken.
Ba ne Filisti tena berɔ yo laa bɛl Gɔb ja, anee Jɛɛ bibaa Ɛlhanan waa le Bɛtlɛham kpo Goliat waa le Gat. O lampea nyoa buni tɔɡre kɛŋɔ yasɔɔh kokorowa daa ken.
O berɔ kpo Ijipt te bɛl ɡe, dɛ o kpeɡo kɛrɛdɛ, o jaŋne ɛɛ ɛ naɡale anuanɛ ne tamaa. A lole kɛŋɔ dɛ Ijipt te la kpoŋe lampeajen, kɛ Bɛnaya kpɔ o ɡuli la o be sibeɡra ne, dɛ ka to o lampea le o nɔn ta, dɛ kpɔ kpoo.
Laa bɛl ɡe chole Gat ja. Dɛ baa bɛl kpeɡo o bwara do kpeɡri kohona. O nɔn bɛlbwa ta, o dɔ nonie anumɛl, o nanie ɡe ɛ anumɛl o nakpale ta. A bwa lɔ fifraanɛ dɛ anaarɛ. O ɛ Rafa naa.
Sɔfo la chaŋo ŋɔ, “Goliat waa ɛ Filisti te he kpoo Ɛla Fɛlembɔjen bini la kere lɔ n be bonɔ. Ba kpɔ yal fɔrɔwo o tel sɔfo batakaarebora efɔd la habɔɔ. He dɛ nyin aa, he ka kpɔ. Kere bɛlbwa toole bonɔ ka ja o nɛɛ kpa.” Ate Devid ŋɔ, “Keredɛɛɡe toole bobɛlbwa, kpɔ tɛ mɛ.”