1 Webena 19:2 - mzwDBL

² Anee Kooro Devid lii ŋɔ, “Mɛɛ kpɔ Kooro Nahas bibaa Hanun daramee, ɡɛ n ne o mɛɛ fa aa kpɔ darame la.” Anomanta, kooro tomɛ toroma o be ba ka bwɛɛlo o mɛɛ seo wa. Toroma la aa tel Kooro Hanun be Amɔn tena harɛ ta la,

1 Webena 19:2 ပူးပေါင်းရင်းမြစ်များ

2 Samoɛl 9:1

Awola bɛl, Kooro Devid bɔɔrɔ ŋɔ, “Nomɛl ta ka Kooro Sɔɔl dem ásɛ n koh Jonatan wa dɛ́ ɛo wedɛɛɡe aa?”

2 Samoɛl 9:7

Kooro Devid ŋɔ o be ŋɔ, “Dɛɛ berɛ ɔma, mɛɛ koh he mɛɛ Jonatan waa dɛ́ nyini kɛrɛdɛ. Mɛɛ berɛ he naa Kooro Sɔɔl harɛ la bwaa tɛɛ, ásɛ n ne he pɛ nɔn dɛɛ di kwa saŋ bɛlbwa n dem.”

2 Koranar 4:13

Anee Elaesa ŋɔ Gehasi be ŋɔ, “Ŋɔ haah nɔ be kɛŋɔ, o kaa nyin waa ba dawɛ ya nɛɛ a ɛ waa tɛ yaa. Bɔkwaa yaa ba wona ɛ tɛo wɔ? Yaa won bol o waa tɛo kooro be kɛɛ laa sitɔɔ be naa?” Haah la chaŋe ŋɔ, “N dɔ komɛlbwa maa dɛ nyin, n nɛra maa baa so ba baah ta nɔ.”

1 Webena 19:1

A habɔɔ la, Amɔn Kooro Nahas baa sewɛ, asɛ o bibaa Hanun ba chiɡ o naa ta, dɛ di kora.

1 Webena 19:3

anee Amɔn nomonjena ŋɔ Kooro Hanun be ŋɔ, “He dɛ lii kɛŋɔ duuree Kooro Devid kpɔ dɛɛ tɛ he mɛɛ, dɛ tomɛ toroma ŋɔ bá ba bwɛɛle nɔ naa? Toma laa o tom ba ŋɔ bá ba sɔh nyiŋi ya harɛ nɔ, dɛ́ won ba yo yaa, dɛ́ pɔ ya nɛ aa?”

Nehemia 13:1

Awola tɔpere la, ba kure Mosis Mmara Tɔn la a le baŋ nomɛlbwa no. Ba kure o bobɛl waa dɛ baɡle kɛŋɔ, Amɔn te kɛɛ Moab te bɛ nɛra baa dɛ tomɛ Korowii nɛɛ ja,

Nehemia 4:3

Dɛ Tobia waa ɛ Amɔn te cheɡɛ nomoa la jwɛh. O ŋɔ, “Danjwɛɛ baa dɛ ma nɔ, hale dɛ kɔkɔbo kwaraa teehno waa, wɛɛ taɡɔ ɡo.”

Nehemia 4:7

Ate, Sanbalat ne Tobia ne Arab ne Amɔn, dɛ Asdɔd tena aa noa kɛŋɔ Jerusalam danjwɛɛ baa bera kwaa dɛɛ ma la chemo dɛɛ nyin tona la, ba baah diu kɛrɛdɛ.

Ɛsta 6:3

Kooro bɔɔro ŋɔ, “Webesoo ń ɛ tɛo ɡɛ waa nɔ ta nɔ? Kembɔr besoo ń tɛo wɔ?” Anee o bonɔɔna la ŋɔ, “He ta wobɛlbwa ɛɛ tɛo.”

Wejereme 9:15

Dɛ baa bɛl soɡe a ɡɛ bwɛjen la ta dɛ nya, kɛ dɛ o dɔ wejema. O cheɡɛ o wejema ta, dɛ lɛ bwɛɛ la. Kɛ a habɔɔ la, nomɛlbwa ta o waa liire kpa.

Amanesoma Jɔn Aa Chwera Tɔn 11:19

Asɛ Juu tena warɛ dɛ ba Maata ne Mɛɛre be dɛ baa bwɛɛ ba ba nimambie la seo wa.

1 Samoɛl 30:26

Devid aa tel Siklaɡ la, o kpɔ laala la ane ka tɛ Juda nomonome baa ɛ o daamanar la dɛ ŋɔ, “Kwaa maa paa laa ta dɛ le Korowii dɔma be, dɛ kpɔ a bini ane dɛɛ ba ba tɛ heyaa laanee la.”