1 Webena 18:3 - mzwDBL

³ Belaa Kooro Devid berɛ ka yo Soba Kooro Hadadesa, hale dɛ ka le Hamat, ɡɛ saŋ waa la Yufretis Moo nyoa dɛ ka lɛ bela harɛ ba do o lɔɡa ja la.

1 Webena 18:3 ပူးပေါင်းရင်းမြစ်များ

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

2 Samoɛl 10:6

Amɔn tena la aa na Kooro Devid bandia kɛŋɔ o mee le ba we-ɛɛla ta la, ba kaa kpɔ Siiria laa tena kaɡboŋa fifraanɛ baa dɛ valɛ le bwɛjena Bɛt Rehob ne Soba, ne Maaka Kooro ne o laa tena kaɡboŋ, dɛ laa tena kaɡboŋa fi dɛ banɛ baa le Tob harɛ ta ɡe ba ba cha ba.

2 Samoɛl 8:3

Belaa Kooro Devid berɛ ka yo Rehob bibaa Soba Kooro Hadadesa, ɡɛ saŋ waa la Yufretis Moo nyoa dɛ ka lɛ bela harɛ ba do o lɔɡa ja la.

1 Webena 18:2

O berɔ ka yo Moab tena ɡe dɛ pɔ ba nɛ, ba ba do o lɔɡa dɛ kpɔ harɛ la ta kwaa baa tɛo.

1 Webena 18:4

Kooro Devid lawɛ Kooro Hadadesa kwaa aa do kɛŋɔ torɔɡore kaɡboŋ, ne laa tena baa soɡe laa torɔɡore bini kaɡboŋa banuanɛ, dɛ laa tena kaɡboŋa fifraanɛ baa dɛ valɛ. O ɡel kwaa aa do kɛ torɔɡore la lafa, ne jaɡre ane aa dɛ ba torɔɡore la tɛɡra, dɛ chaa a kabora habɔɔ nadɛɛne.

2 Webena 8:3

Kooro Solomɔn kaa yo dɛ lɛ bwɛjen Hamat Soba,

Ɛsra 4:20

Koranar baa kpeɡa Jerusalam di kora dɛ nyiŋi harɛ waa chɔ Yufretis Moo wee cholibɔr baŋ le bwa ta, dɛ ɡel ba bɔ toɔre dɛ lɛ harɛ la kwaa baa tɛɛ ba.

Yela 60:1

N Naa Korowii, he baah fa di ya nɛɛ dɛ vɛh yaa, he baah di ya nɛɛ te, kɛ berɛ lawɛ yaa ba he be taraken.

Yela 60:2

He ɡelɔ harɛ jiɡri, o bini pere. Berɛ kwaa tɔɔɡe bɔɔne la, dɛkalkɛ a dɛ paɡri.

Kaala 23:31

Mɛɛ ɡeloo he jwɛh le Mposwɛm la ta ka le Mɛdetereenea Mpo ta, dɛ́ kpɔ ka le pua hɛŋle ɡbo harɛ ta, dɛ́ kaa Yufretis Moo la ta. Mɛɛ kpɔ nɛra baa soɡe harɛ la ta bela laanee do he nɔn ta, ásɛ he doŋ ba le he sie.

1 Samoɛl 14:47

Kooro Sɔɔl aa baa di kora dɛɛ nyiŋi Israel tena nɛɛ la, o yo dɔma baa baro cheme la bwa. Moab ne Amɔn tena ne Edom ne Soba koranar, dɛ Filisti tena. Bobɛlbwa waa ka yo la, o dɛ pɔ ba nɛ.