1 Webena 18:14 - mzwDBL

¹⁴ Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

1 Webena 18:14 ပူးပေါင်းရင်းမြစ်များ

2 Samoɛl 8:15

Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

1 Webena 12:38

Gɛ laa tena nɔ bwa kpɔ ba te, dɛ ba Hɛbrɔn sibeɡra ne kɛŋɔ, bá ba cheɡ Devid kora Israel harɛ ta. Dɛ Israel tena la kar bwa dɔ liire beŋkpoŋ kɛŋɔ, Devid ɛ kooro Israel harɛ.

1 Webena 18:13

O bɔne laa tena la bini kuore ta ba so bwɛɛre ta Edom harɛ bwa, asɛ harɛ la tena bwa do o lɔɡa dɛɛ tomɔ. Korowii ja o nɛ, dɛ ɡel o pɔ bobɛlbwa nɛra waa laŋa ka yo bwa nɛ.

1 Webena 18:15

Dɛ Seruya bibaa Joab, onee chɔ laa tena la nyoa, asɛ Ahilud bibaa Jehosafat ɡe chwerɛ waa aa chiɡa bwa dɛɛ bil,

1 Webena 29:26

Jese bibaa Devid di kora Israel harɛ ta bwa.

Yela 72:1

N Naa Korowii, baɡle kooro ɡɛ waa bol wa, dɛɛ pa bole aŋwɛnɛ ta, ɡɛ he wa aa toɡra. Baɡlo o do ɡɛ haa doa la,

Yela 89:14

Waa aa toɡra ne waa bola dɛ́ pa bole aŋwɛnɛ ta, nee hɛɛ di kora. Nɛnnyin ne kasinteŋ ɡboo he kpɔ dɛɛ ɛ he wa.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Jeremia 22:15

He do dem dɛ kpɔ peleme daa kwaaro waa, anee dɛ́ ɡel nɛra ŋɔ he ɛ kooro kɛɛ? Kondikwaa ne sen fa ta he mɛɛ nyae, kɛ o ɛ anɔ la aa wera dɛ toɡre, anomanta, o wobɛlbwa wer dɛ tɛo.

Jeremia 33:15

A ɡɛ tɔpera la, mɛɛ ɡeloo Kooro Devid naanar bini nɛn o wa aa toɡra ir, dɛ́ kpɔ waa aa toɡra ne kasinteŋ ba harɛ la ta.