1 Webena 18:12 - mzwDBL

¹² Abisae nya Seruya kpoo Edom tena nɛra kaɡboŋa fi dɛ banuatoro, Yar Fɛlembɔjen bini.

1 Webena 18:12 ပူးပေါင်းရင်းမြစ်များ

Yela 60:1

N Naa Korowii, he baah fa di ya nɛɛ dɛ vɛh yaa, he baah di ya nɛɛ te, kɛ berɛ lawɛ yaa ba he be taraken.

2 Webena 25:11

Asɛ Kooro Amasea do ɡbemba dɛ tɔ laa tena la sie dɛ kaa Yar Fɛlembɔjen ta. Ba kpoo Edom laa tena kaɡboŋa fi bela.

1 Webena 19:11

O kpɔ laa tena la kabora do o nime Abisae nɔn ta, asɛ Abisae kpɔ ba ka che Amɔn tena la sie ba ne bá yo.

1 Webena 11:20

Ate, Joab nime Abisae, onee fa chɔ nomonome batoro, ba ɡe aa ɛ banyoola la nyoa. O kpɔ lampea ka yo baala lafraatoro dɛ kpoo ba. Gɛ taa a che o lɛ sɔn kɛŋɔ banyoola batoro la.

1 Webena 2:16

Ba nimambihaahnaa, Seruya ne Abiɡel. Seruya bibaala batoro waa lol ba sɔne Abisae ne Joab dɛ Asahɛl.

2 Samoɛl 10:10

O kpɔ laa tena la kabora do o nime Abisae nɔn ta, asɛ Abisae kpɔ ba ka che Amɔn tena la sie, ba ne bá yo.

1 Samoɛl 26:6

Anee Devid bɔɔ Ahemɛlɛk waa ɛ Hiti te, ne Seruya bibaa Abisae waa ɛ Joab dɔɔ la ŋɔ, “He bini umee dɛ́ ja n nɛɛ la Kooro Sɔɔl be bela baa baŋre ba tɛnte deene dɛ so laɔ?” Asɛ Abisae ŋɔ, “N ne hɛɛ lao.”

2 Koranar 14:7

Kooro Amasea ne o laa tena kpoo Edom laa tena kaɡboŋa fi Yar Fɛlembɔjen ta. Dɛ berɛ yo lɛ bwɛjen Sela, dɛ kwaa pa o sɔn Jokteel, ba ta dɛ yerɔ ɡɛ ba le fini.

2 Samoɛl 23:18

Ate, Joab nime Abisae, onee fa chɔ nomonome batoro ba ɡe aa ɛ banyoola la nyoa. O kpɔ lampea ka yo baala lafraatoro dɛ kpoo ba. Gɛ taa a che o lɛ sɔn kɛŋɔ banyoola batoro la.

2 Samoɛl 21:17

Asɛ Seruya bibaa Abisae ba dɛ ba lɛ kooro. O baa yo Filisti te la dɛ kpoo. Belaa Kooro laa tena la ŋwɛɛ baɡlo ŋɔ, “N naa kooro, haa ya nɛɛ teŋɛ la laa kpa, ɡɛɛ dɛ́ ɡel hen haa do kɛŋɔ kandea dɛ tɔ ya Israel tena sie nɔ, ba bɛ hen ba kpo, ásɛ Israel kandea dime, ya paŋɛ.”

2 Samoɛl 20:6

Belaa kooro ŋɔ Abisae be ŋɔ, “Seeba nɔ ɛɛ ba waa nee ba ta ya nɛ ɡwaa Absalɔm. Kpɔ he dɔɔ laa tena la dɛ ti ba, o ken ɛɛ ka nyin bwɛjena baa ma danjwɛjena bara la bɛl binii ka sɔh, dɛ́ chwa yaa.”

2 Samoɛl 10:14

Amɔn tena aa na Siiria tena ba chwa dɛɛ kaa la, ba chwao le Abisae be dɛ kaa bwɛjen la bini. Anomanta, Joab ɡel Amɔn tena la yoi dɛ berɛ ba Jerusalam.

2 Samoɛl 7:13

Onee dɛ́ do n Dea tɛ mɛ n sɔn ta, ásɛ n ɡel o kora che kiŋkiŋ saŋ bɛlbwa dɛɛ la.

2 Samoɛl 3:30

Gɛɛ a do Joab ne o nime Abisae kpo Abna bɔ kem, kpoe waa kpo ba nime Asahɛl laa ta Gebeɔn la wa.

1 Samoɛl 26:8

Abisae den ŋɔ Devid be ŋɔ, “Korowii kpɔ he dɔm do he nɔn ta fini. Gel n kpɔ o ɡbaɡba lampea nɔ yaɡɔ marɛ harɛ kera beŋkpoŋ ɡbo, kera anɛ kwaraa laa.”

1 Koranar 11:15

Kooro Devid ne Edom tena fa yoo, asɛ Joab waa ɛ laa sitɔɔ la ka huɡe nɛra baa serewe laa ta la bela. O ne o laa tena kaa kpoo Edom baala bwa.

1 Webena 18:11

Kooro Devid kpɔ a ɡɛ kwaa nɔ dɛ lea cheɡ tɛ Korowii toma, ɡɛ o fa aa ɛ suuɡapoŋa ne suuɡaswɛm waa paa le harɛre waa kaa yo, dɛ pɔ a nɛra nɛɛ la. A ɡɛ harɛre laanee, Edom ne Moab, ne Amɔn ne Filisti, dɛ Amalɛk.

1 Webena 18:13

O bɔne laa tena la bini kuore ta ba so bwɛɛre ta Edom harɛ bwa, asɛ harɛ la tena bwa do o lɔɡa dɛɛ tomɔ. Korowii ja o nɛ, dɛ ɡel o pɔ bobɛlbwa nɛra waa laŋa ka yo bwa nɛ.

Yela 60:2

He ɡelɔ harɛ jiɡri, o bini pere. Berɛ kwaa tɔɔɡe bɔɔne la, dɛkalkɛ a dɛ paɡri.