1 Webena 18:11 - mzwDBL

¹¹ Kooro Devid kpɔ a ɡɛ kwaa nɔ dɛ lea cheɡ tɛ Korowii toma, ɡɛ o fa aa ɛ suuɡapoŋa ne suuɡaswɛm waa paa le harɛre waa kaa yo, dɛ pɔ a nɛra nɛɛ la. A ɡɛ harɛre laanee, Edom ne Moab, ne Amɔn ne Filisti, dɛ Amalɛk.

1 Webena 18:11 ပူးပေါင်းရင်းမြစ်များ

1 Koranar 7:51

Kooro Solomɔn aa ɛ Korowii Dea la toma bɛlbwa tonɛ la, o kpɔ suuɡapoŋa ne suuɡaswɛm ne laala bwa o mɛɛ Kooro Devid aa kpɔa tɛ Korowii la ka cheɡ dea baa dɛ cheɡ laala o bini Korowii Dea la bini.

2 Koranar 12:18

Asɛ Kooro Joas kpɔ kondɛɛɡa aa do ɡoroŋ o ne o naawa koranar Jehosafat, ne Jehoram dɛ o mɛɛ Kooro Ahasia aa kpɔa do Korowii nɔn ta, dɛ kpɔ o kwaa ja dɛ suuɡaswɛm aa lɔ deene baa dɛ cheɡ laala a yoɡ aa kpeɡa a bini Korowii Dea ne koodem bwa, ka kɛ Kooro Hasael, asɛ o ɡel Jerusalam tena ba yoi.

1 Webena 18:10

o tomɛ o bibaa Hadoram Kooro Devid be o ka jaamo yoi waa kaa yo Kooro Hadadesa, dɛ pɔ o nɛɛ la wa. Dɛ o ne Kooro Tou nɔ yo laa ka. Hadoram kpɔ suuɡaswɛm ne suuɡapoŋa dɛ ayaawa kwaa bwa soo siwi ba tɛ Kooro Devid.

1 Webena 18:12

Abisae nya Seruya kpoo Edom tena nɛra kaɡboŋa fi dɛ banuatoro, Yar Fɛlembɔjen bini.

1 Webena 22:14

N takapɔ dɛ kpɔ suuɡaswɛm a tɔɡre aa ɛ kilore kaɡboŋ bele kaɡboŋa atoro, dɛ kaɡboŋa lafraanaarɛ, ne suuɡapoŋa a ɡe tɔɡre aa ɛ kilore kaɡboŋ bele kaɡboŋa fifraatoro dɛ anaarɛ, ne ayaawa dɛ bune aa wara ne daa ne bwea bwa ba, ásɛ he nyin ane ja do dea la.

1 Webena 26:20

Ba bala Lewi dea tenaa chɔ laala aa lɔ Korowii Dea bela ne deene baa dɛ cheɡ laala a yoɡ aa kpeɡa a bini, ne anɔ la baa kpɔa baa tɛ Korowii la bwa nyoa.

1 Webena 29:14

Menee ume, n ne n nɛra nɔ bwa, kɛŋɔ ya ɡe won dɔ kwaa nɔ bwa dɔŋa ŋɔ ya kpɔɔ dɛɛ kɛɛ nɔ? Anɔ bwa yaa dɔa le he be laanee ya berɛ kpɔ baa tɛɛ la.

2 Webena 5:1

Kooro Solomɔn aa ɛ Korowii Dea toma bɛlbwa tonɛ la, o kpɔ suuɡapoŋa ne suuɡaswɛm ne laala bwa o mɛɛ Kooro Devid aa kpɔa tɛ Korowii la ka cheɡ deene baa dɛ cheɡ laala a yoɡ aa kpeɡa a bini, Korowii Dea la bini.

Kaala 35:5

Komɛlbwa haa dɔa la, hé kpɔ a bini ane ba ɛ saraha tɛ Korowii. Gɛ aa le bɛlbwa bambile bini la ó kpɔ ba tɛ Korowii. Koŋkwaa kɛŋɔ suuɡaswɛm ne suuɡapoŋ dɛ ayaawa,

Maeka 4:13

Korowii ŋɔ, “Jerusalam tena, hé ir ka yo he dɔma, mɛɛ ɡeloo he do kpeɡri kɛŋɔ nabal waa dɔ bune nyeɡlare, o nafikokore ɡe do kɛŋɔ ayaawa ken. Hɛɛ yo harɛre ɡalɡa nɛraa, dɛ́ pɔ ba nɛ, ásɛ dɛ kpɔ kondɔɔh baa yo nɛra dɛ lɛa la, ba tɛ men Korowii maa ɛ harɛ nɔ bwa dɔɔ la.”

Josua 6:19

Kwaa baa kpɔ suuɡapoŋa ne suuɡaswɛm ne ayaawa dɛ bune ɛa la te, a do ɡoroŋ kohona tɛ Korowii kɛŋɔ hé kpɔ ba tɛo o Dea bela baa dɛ cheɡ laala a yoɡ aa kpeɡa.”

Josua 6:24

Asɛ ba fuh bwɛjen la ne komɛlbwa aa lɔ o ta. Kɛ suuɡapoŋa ne suuɡaswɛm ne kwaa baa kpɔ ayaawa ɛa la ne bune kwaa la te, ba paa ka cheɡ Korowii Tɛnte Dea bela baa dɛ cheɡ laala a yoɡ aa kpeɡa.

1 Samoɛl 30:13

Devid bɔɔro ŋɔ, “He dɔɔree ume ɔ? Leperaa he leɔ?” O chaŋe ŋɔ, “Ijipt tee men, n ɛ Amalɛk te bɛl yom. Tɔpera atoroo nɔ weela aa lɔ mɛ bil, asɛ n dɔɔ chwa kaa ɡel mɛ.

1 Samoɛl 30:20

O lɛ peera ne nae Amalɛk tena aa paa kaa la, asɛ o bonɔɔna la teɡa tɔ ba sie dɛ ŋɔ, “Devid laa ta kwaa waa kaa pa laanee la.”