1 Webena 17:1 - mzwDBL

¹ Kooro Devid baa so o koodem, asɛ Korowii ɡel o dɔ bosɔɔhna dɛ le o dɔma bwa baa baro cheme be. Belaa o ŋɔ Korowii keame Netan be ŋɔ, “N soɡe koodem baa kpɔ peleme daa kwaaro bini, asɛ Korowii Ne Nɛwɛnyina Fɔo Daka la te ta che tɛnte dea bini.”

1 Webena 17:1 ပူးပေါင်းရင်းမြစ်များ

1 Webena 17:5

Le awola tɔpere maa kpɔ Israel tena le Ijipt harɛ ta ba le fini, n ta dea bini soɡe bwa. Tɛnte dea binii mɛɛ so ba kpɔ mɛ dɛɛ ɡaaɡe.

1 Webena 15:1

Kooro Devid aa do deene o ɡbabir aa so a bini Jerusalam waa ɛ o Bwɛjen ta tonɛ la, o kwaa bobɛl dɛ baŋre tɛnte dea ba kpɔ Korowii Ne Nɛwɛnyina Fɔo Daka la cheɡ o bini.

Haɡae 1:9

He soɡo dɛɛ hwɛɡɛ kɛŋɔ hɛɛ dɔ koo kwaa taeh, kɛ a berɔ ba do tamaa ken. Anɔ la haa ba a ne dem la, ń chɔɡa. Bɔkwa waa a ba ɡɛ nɔ? Gela haa ɡel n Dea o chɔ kɛŋɔ dimɡbee he sie beɡre he kwaa ta la waa.

Haɡae 1:4

O ŋɔ, “N nɛra, ɛrɛɛ he te so dedɛɛɡa bini asɛ n Dea ɛ dimɡbee nɔɔ?”

Daneɛl 4:4

Dɛ men Kooro Nebukadnesa soɡe n dem deŋnesɔɔhna ta, dɛ dɔ kondɔɔh kohona, n bwara sɔɔh mɛ koodem.

Jeremia 22:15

He do dem dɛ kpɔ peleme daa kwaaro waa, anee dɛ́ ɡel nɛra ŋɔ he ɛ kooro kɛɛ? Kondikwaa ne sen fa ta he mɛɛ nyae, kɛ o ɛ anɔ la aa wera dɛ toɡre, anomanta, o wobɛlbwa wer dɛ tɛo.

Yela 132:5

ka tel kɛŋɔ maa nyin sobɔr tɛ N Naa Korowii, Nemenɛ Korowii, Jekɔb Kpeɡnɛn waa tomɔ la.”

2 Webena 1:4

Dɛ Kooro Devid kaa kpɔ Korowii Ne Nɛwɛnyina Fɔo Daka la le Kiriat Jearim ba, dɛkalkɛ dɛ o baŋre tɛnte dea Jerusalam ŋɔ bá kpɔ ba cheɡ o bini.

1 Webena 29:29

Ba chwerɛ Kooro Devid kora dii le mumpar dɛ ba a jaɡa, do Korowii keamere Samoɛl ne Netan dɛ Gad waa tɔne bini,

1 Webena 16:1

Israel tena la kpɔ Korowii Ne Nɛwɛnyina Fɔo Daka la ba cheɡ tɛnte dea Kooro Devid aa baŋro la bini, asɛ ba kpɔ saraha kwaa baa fuah ne deŋnesɔɔhna sarahare ba Korowii sie bela.

1 Webena 14:1

Bwɛjen Taaya Kooro Hiram tomɛ nɛra Kooro Devid be ba kpɔ peleme daa ne kapenta tena, dɛ nɛra baa dɔ bwea kpɔe dɛ́ ma dea wejema, bá ma koodem tɛ Kooro Devid.

1 Koranar 1:44

Kooro ɡelɔ sɔfo Sadɔk ne Korowii keame Netan, ne Jehoiada bibaa Bɛnaya, dɛ o nɛra baa dɛ daahno, kpɔ Solomɔn so o ɡbaɡba kooro keeɡo la ta,

1 Koranar 1:23

Asɛ ba ka ŋɔ kooro be ŋɔ, “Korowii keame Netan balɔ.” Asɛ o la kooro be dɛ ka ɡuŋu.

1 Koranar 1:8

Kɛ Sadɔk waa ɛ sɔfo ne Jehoiada bibaa Bɛnaya, ne Korowii keame Netan ne Simee ne Rei, dɛ Kooro Devid bonɔɔna baa dɛ daahno te ta Adonija nɛɛ jae.

2 Samoɛl 12:25

anomanta, Korowii tomɛ o keame Netan ŋɔ ó pa bie la sɔn Jɛdidia.

2 Samoɛl 12:1

Awola bɛl, Korowii tomɛ o keame bɛl baa dɛ yerɔ Netan Kooro Devid be o ka ŋɔ o be ŋɔ, “Baala banɛ banee fa soɡe bwɛɛ bɛl ta. Bɛl ɛ suuɡate, asɛ bɛl ɡe ɛ nyaa.

2 Samoɛl 6:17

Israel tena la kpɔ Korowii Ne Nɛwɛnyina Fɔo Daka la ba cheɡ o chebɔr, tɛnte dea Kooro Devid aa baŋro la bini, asɛ dɛ kpɔ saraha kwaa baa fuah, ne deŋnesɔɔhna sarahare ba Korowii sie bela.

We-ɛɛla 7:46

Dɛ Korowii dɛ nyin Devid wa. Dɛ Devid dɛ nyin o ma dea ásɛ o ɛ Korowii o naa Jekɔb fa aa dɛ tomɛ la dea. Belaa o soŋe Korowii ŋɔ ó tɛo ŋwɛnɛ ásɛ o ma a ɡɛ dea la.

1 Koranar 8:17

Anee Kooro Solomɔn berɛ ŋɔ, “N mɛɛ Kooro Devid lii o nyu bini dɛ fee ŋɔ wɛɛ do Dea Korowii sɔn taa, ásɛ ya Israel tena ɛɛ tomɛ Korowii yaa dɛ tomɔ la bela.

1 Webena 17:2

Anee Netan chaŋe ŋɔ, “Ɛ wobɛlbwa aa lɔ he liire bini, dɛkalkɛ Korowii ja he nɛ.”

1 Webena 22:7

O ŋɔ Solomɔn be ŋɔ, “N bie, dɛ n bambile fe lawɔ kɛŋɔ ń do Dea tɛ Korowii maa dɛ tomɔ la.

1 Webena 28:2

Ate, Kooro Devid ir che dɛ ŋɔ, “Hé no n be, bwɛɛla. N liiro ŋɔ a chɛ kɛ ń do dea dɛ́ kpɔ Korowii Ne Nɛwɛnyina Fɔo Daka la ba cheɡ o bini, ó ɛ Korowii natiɡribɔr. Asɛ dɛ baɡle ɡɛ baa mao.

Kaala 26:1

Korowii berɔ ŋɔ Mosis be ŋɔ, “Kpɔ jisepondɛɛɡe ne jiseburum ne jisekɔl dɛ jiseswɛm sɔh pateesanre fi, dɛ́ ɡel nɛn waa dɔ kwaa sɔeh wejema ɛ Kerobim dawɛ a ta, dɛ́ kpɔ kwaa Tɛnte Dea waa ɛ n dobɔr tɛ mɛ.

1 Webena 22:6

Kooro yerɛ o bibaa Solomɔn dɛ doo ŋɔ onee chɛ kɛ ó do Dea tɛ Korowii Israel tena aa dɛ tomɔ la.