1 Webena 16:4 - mzwDBL

⁴ O berɔ le Lewi dea tena la bane ba baa ɛ toma Korowii Ne Nɛwɛnyina Fɔo Daka la sie, dɛ baa soŋe dɛɛ jam, dɛɛ kpɛɛ Korowii Israel tena aa dɛ tomɔ la.

1 Webena 16:4 ပူးပေါင်းရင်းမြစ်များ

Mumpar 17:7

Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ.

Mumpar 32:28

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

Mumpar 33:20

O ɛ kon baa ɛ saraha o ta dɛɛ tɛ Korowii bela, asɛ dɛ pa o sɔn ‘Korowii Israel tena aa dɛ tomɔ’.

1 Koranar 8:15

Asɛ o ŋɔ, “Hé kpɛɛ Korowii ya Israel tena aa dɛ tomɔ! O teŋɛ nyoa waa baɡɛ n mɛɛ Kooro Devid la ta dɛ ŋɔ,

1 Webena 15:16

Kooro Devid ŋɔ Lewi dea nomonome la be ŋɔ, bá le ba bini bane, bá ɡo silɛɛ yela dɛɛ lɔ janjelare, ne kwaa anɛ ane baa kpɔ ayaawa ɛa dɛɛ hɛlɛ.

1 Webena 16:3

Belaa o kpɔ paanoo ne daa nɔna ane aa hola dɛ ɛ nɔndel, dɛ ɡrepo daa nɔna aa hola nɔndel tɛ Israel haah ne baa te bɛlbwa.

1 Webena 16:5

Asaf ɛ ba nyu te, Sekaria teŋɛ, ne Jeyɛl ne Sɛmeramɔt ne Jehiel ne Matitia, ne Eliab ne Bɛnaya ne Ɔbɛd Edom, dɛ Jeyɛl ɡe ja. Banee dɛɛ lɔ janjela ne anɔ la baa kpɔa dɛɛ hɛlɛ bwa. Asaf ɡee dɛɛ lɔ kwaa anɛ ane baa kpɔ ayaawa ɛa dɛɛ hɛlɛ,

1 Webena 16:8

Hé jam Korowii, dɛ́ yerɛ o sɔn, hé ɡel harɛre nɛra bwa jemɛ waa waa ɛa.

1 Webena 24:3

Eliasa naa Sadɔk ne Itama ɡe naa Ahemɛlɛk cha Kooro Devid, asɛ o bɔne Arɔn naanar la bini kuore ta, dɛ kpɔ bɛlbwa toma do o nɔn ta.

1 Webena 25:1

Kooro Devid ne o laa nomonome le Asaf bibaala Heman ne Jedutun baa bol Korowii wa, dɛɛ lɔ janjela ne kwaa anɛ ane baa kpɔ ayaawa ɛa dɛɛ hɛlɛ dɛɛ ɡo yela. Nɛra baa jaa dɛɛ ɛ a ɡɛ toma nɔ laanee teŋa nɔ.

1 Webena 6:31

Baa kpɔ Korowii Ne Nɛwɛnyina Fɔo Daka ba Jerusalam bela baa dɛ tomɛ Korowii la, baala Kooro Devid aa lee ba ba chɔ yela nyoa laanee nɔ.

2 Webena 5:13

Bɛlhoohla la ne yelɡoola la bwa pɛo, dɛ kpɔ tabeŋkpoŋ ɡo yela kpɛɛ dɛɛ jam Korowii. Asɛ bɛlhoohla ne nɛra baa dɛ lɔ kwaa anɛ ane baa kpɔ ayaawa ɛa dɛɛ hɛlɛ, dɛ kwaa bwa soo siwi ɡe kpɔ ɡo yela kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.” Ate, bam ba tɔ Korowii Dea la ta ɡɛ saŋ sɔfore la aa dɛ le bela la.

Ɛsra 3:10

Mamaala la aa pa Korowii Dea la mun la, sɔfore do ba laala dɛ ka che ba chebɔra dɛ kpoŋe bɛle, asɛ Lewi dea tena baa ɛ Asaf bibaala kpoŋe kwaa anɛ ane baa kpɔ ayaawa ɛa dɛɛ hɛlɛ, dɛ ka che ba chebɔra, dɛ lɔ dɛɛ kpɛɛ Korowii, ɡɛ Israel Kooro Devid fa aa do Israel tena la.

Nehemia 12:24

Dɛ Lewi dea tena nomonome laanee, Hasabia ne Sɛrebea dɛ Kadmiel bibaa Jesua, dɛ ba bala baa ja ba nɛ. Ba bɔne ba bini kuore anɛ, beŋkpoŋ dɛ ɡo yela asɛ beŋkpoŋ ɡe ɛɛ sɛh ba nyoa. Ba bwa pɛo dɛ ɡo yela dɛɛ kpɛɛ dɛɛ jam Korowii, ɡɛ Korowii nɛn Kooro Devid aa baɡla la.

Yela 103:2

N dɛ kpɛɛ Korowii n bambile bwa ne, maa o wedɛɛɡa la waa soh.

Yela 105:5

Hé lii o nyokpowaa waa ɛa, o wejena ne o waa aa dɔ kasinteŋ la wa,

Yela 106:48

Hé kpɛɛ Korowii Israel tena aa dɛ tomɔ, hé kpɛɛro saŋ bɛlbwa dɛɛ la. Gel nɛra bwa ŋɔ, “Aamen.” Hé kpɛɛ Korowii!

Yela 37:1

He bɛ ɡel nyubinikpeɡ tena we-ɛɛla we he nɛ, he bɛ wechɔɡ-ɛɛra bwara we.

Yela 70:1

N Naa Korowii, n dɛ soŋe, lɛɛ mɛ. Ba warane, dɛ́ ba cha mɛ.

Yela 72:18

Hé kpɛɛ Korowii Israel tena aa dɛ tomɔ! O ɡboo dɛɛ ɛ nyokpowe-ɛɛla.