1 Webena 16:36 - mzwDBL

³⁶ Hé kpɛɛ Korowii Israel tena aa dɛ tomɔ, hé kpɛɛro saŋ bɛlbwa dɛɛ la. Nɛra la bwa ŋɔ, “Aamen” ne “Hé kpɛɛ Korowii!”

1 Webena 16:36 ပူးပေါင်းရင်းမြစ်များ

1 Koranar 8:15

Asɛ o ŋɔ, “Hé kpɛɛ Korowii ya Israel tena aa dɛ tomɔ! O teŋɛ nyoa waa baɡɛ n mɛɛ Kooro Devid la ta dɛ ŋɔ,

1 Koranar 8:56

“Hé ɡel ya kpɛɛ Korowii kɛŋɔ waa ɡela o nɛra Israel tena dɔ deŋnesɔɔhna ɡɛ waa baɡɛ yaa nyoa la. Wedɛɛɡa waa cheɡɛ o bonɔɔ Mosis nɛɛ dɛ kpɔ baɡɛ yaa nyoa la, o ta o wobɛlbwa waa bola vɛɛh.

Nehemia 8:6

Anee Ɛsra ŋɔ, “Hé kpɛɛ Korowii waa ɛ Korowijen la.” Asɛ nɛra la bwa ir nɔɔra nyundua dɛ ŋɔ “Aamen, Aamen” Ba ɡuŋo, dɛ kpɔ sie pi harɛ dɛ tomɛ Korowii.

Nehemia 9:5

Ate, Jesua ne Kadmiel ne Bani, ne Hasabeneeya ne Sɛrebea ne Hodia, ne Sebania dɛ Pɛtahea ba ɡe aa ɛ Lewi dea tena la ŋɔ, “Hé ir che dɛ́ kpɛɛ Korowii haa dɛ tomɔ, onee lole saŋ bɛlbwa dɛɛ la. Bɛ́lbwa kpɛɛ o sɔn waa dɔ jirima la, o kan ɡwaa ɡɛ nɛwɛnyini aa kpɔ nyoa bol.

Yela 106:47

N Naa Korowii yaa dɛ tomɛ, lɛ yaa dɛ́ berɛ lawɛ yaa le harɛre ta ba, ásɛ ya kpɔ jam tɛɛ dɛ́ kpɛɛ he sɔn waa do ɡoroŋ la.

Yela 106:48

Hé kpɛɛ Korowii Israel tena aa dɛ tomɔ, hé kpɛɛro saŋ bɛlbwa dɛɛ la. Gel nɛra bwa ŋɔ, “Aamen.” Hé kpɛɛ Korowii!

Jeremia 28:6

“Aamen! Kórowii ɛa ɡɛ! N dɛ hwɛɡɛ kɛŋɔ ó ɡel o waa haa bola la ɛ kasinteŋ, dɛ́ ɡel laala a yoɡ aa kpeɡa dɛ do Korowii Dea la ne nɛra baa laɡ ba kaa harɛfale ta la bwa, bá berɛ le a bwa ne Babelɔn ba bonɔ.

1 Kɔrent 14:16

Dɛ ɡɛ laa aa, he dɛ jam Korowii he lileo ne naa, ɛrɛɛ naate waa wola yarada dɛ ɛ nɛmpɛɛ la ɛɛ ba ɛɛ dɛ́ no a mun dɛ́ sɛh he nyoa ŋɔ “Aamen” dɛ́ teŋɛ waa haa jaamo a waa la ta nɔ? Waa won no waa haa dɛ bol la mun.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

1 Pita 1:3

Hé ɡel ya kpɛɛ Ya Dɔɔ Yeesu Kristo Mɛɛ Korowii. Waa dɛ sune ya nɛɛ kohona nomanta, o cheɡɛ ira waa ir Yeesu Kristo seo ta la ta dɛ ɡel ya ɛ nɛnfala. Anɔ ɡelɔ ya dɔ hwɛɡa aa wola jaɡa dɔe bwa.