1 Webena 16:3 - mzwDBL

³ Belaa o kpɔ paanoo ne daa nɔna ane aa hola dɛ ɛ nɔndel, dɛ ɡrepo daa nɔna aa hola nɔndel tɛ Israel haah ne baa te bɛlbwa.

1 Webena 16:3 ပူးပေါင်းရင်းမြစ်များ

1 Koranar 3:15

Ate, Kooro Solomɔn har dom ta dɛ na kɛŋɔ deeraa o dee. Asɛ o ba Jerusalam dɛ la ka che Korowii Ne Nɛwɛnyina Fɔo Daka la sie, dɛ fuh kwaa ɛ saraha ne deŋnesɔɔhna saraha tɛ Korowii. A habɔɔ, o ɛ kondikonjena, dɛ ta nɔn yerɛ o nomonome bwa.

1 Webena 16:2

Kooro Devid aa kpoo kwaa dɛ fuh ɛ sarahare, ne deŋnesɔɔhna sarahare tonɛ la, o soŋe andɛɛɡa Nemenɛ Korowii be tɛ nɛra la.

1 Webena 16:4

O berɔ le Lewi dea tena la bane ba baa ɛ toma Korowii Ne Nɛwɛnyina Fɔo Daka la sie, dɛ baa soŋe dɛɛ jam, dɛɛ kpɛɛ Korowii Israel tena aa dɛ tomɔ la.

2 Webena 30:24

Juda Kooro Hɛsɛkea tɛ nɛra baa cheme bela nabala kaɡboŋ, dɛ boohna ne peera kaɡboŋa anuanɛ, asɛ o nomonome la ɡe tɛɛ ba nabala kaɡboŋ, dɛ boohna ne peera kaɡboŋa fi. Asɛ sɔfore baa wara laa doŋa bɛlbwa kpɔ ba nɛ, ba do ɡoroŋ.

Nehemia 8:10

Nehemia ŋɔ nɛra la be ŋɔ, “Hé kaa dem, dɛ́ ka di he silɛɛ kondikwa, dɛ́ nyɔ sensoma, ásɛ dɛ kpɔ ane ka tɛ banɔ la baa wola ane dɔe. Fini tɔpere nɔ do ɡoroŋ tɛ Korowii yaa dɛ tomɔ. He bɛ suna di, dɛkalkɛ silɛɛ Korowii aa tɛ heyaa la ɛɛ ɡeloo he dɔ bokpeɡa.”

Yelsom 2:5

Tɛ mɛ bokpeɡa ne bosɔɔhna, he daa nɔna aa hola ne apolre dɛ do som, dɛkalkɛ he nyina waa ɡboo lɔ n liire bini.

Aesaya 16:7

Moab tena ɛɛ wi ba harɛ waa, ba bwa ɛɛ wiu. Ba bwa ɛɛ lii konsoma ba fa aa dɛ di bwɛjen Kir Haresɛt la waa, dɛ́ pɛ dɛɛ wi.

Ɛsekeɛl 45:17

A ɛ kooro la toma kɛŋɔ ó kpɔ saraha kwaa baa fuah, ne mea sarahare, dɛ sen sarahare tɛ tɔpejena ne Korobifala dɛ Ona Tɔpera dii ta. Wɛɛ kpɔ wechɔɡa kpɔe dɛ kɛ sarahare, ne mea sarahare, ne sarahare baa dɛ fuah, dɛ deŋnesɔɔhna saraharee ba soŋe Israel tena wechɔɡa n be, ń kpɔ kɛ ba.

Hosia 3:1

Korowii ŋɔ men Hosia be ŋɔ, “Berɛ la he haah be, á baɡle kɛ he dɛ nyinu. A lole kɛŋɔ baa bɛl dɛ nyinu te, kɛ bɛ an dawɛ. Nyinu ɡɛ men Korowii aa dɛ nyin Israel tena baa berɛ habɔɔ kpo mɛ, dɛ kpɔ daa nɔna aa hola kaa tɛ voɡa n ɡarɛ dɛɛ nyin ba la.”

1 Pita 4:9

He dɔŋ baa choɡe naa, lɛo, bɛ waa dɛɛ naɡre.