1 Webena 16:23 - mzwDBL

²³ Hé ɡo yela kpɛɛ Korowii! Harɛ nɔ ta nɛra bwa, hé ɡo yela kpɛɛro! Hé bol o lɛɛ waa dɛ lɛ nɛra tɔpere bɛlbwa wa.

1 Webena 16:23 ပူးပေါင်းရင်းမြစ်များ

1 Webena 16:24

Hé bol o jirima waa baɡle harɛre nɛra, dɛ́ bol o nyokpowe-ɛɛla waa baɡle nɛra bwa.

1 Webena 16:9

Hé ɡo yela kpɛɛro, dɛ́ bol o nyokpowe-ɛɛla wa.

Yela 30:4

Korowii nɛra ba wa aa toɡra bwa, hé ɡo yela kpɛɛro, hé kpɛɛ o sɔn waa do ɡoroŋ la.

Yela 40:10

Maa amanesoma aa dɛ lɛ nɛra la kpɔe dɛɛ sɔh n bambile bini, n dɛ bol he kasinteŋ ne he chae waa la. He nɛra chemo warɛ aa, maa nyoa tɔ, he waa aa ɛ kasinteŋ, ne he nyina aa wola jaɡa dɔe la ta.

Yela 71:15

Mɛɛ bol he wedɛɛɡa ɛɛ waa, dɛ́ bol lɛɛ haa dɛ lɛ nɛra tɔpebir bwa wa, a lole kɛ a ɡwaa n liire ta kɛ ń won jemɛ.

Kaala 15:21

Asɛ Miriam ɡo yel dɛ ŋɔ, “Hé ɡo yela kpɛɛ Korowii. O lɛ sɔn kohona ɡa. O kpɔ jaɡre ne nɛra baa soɡe a ta bwa ka ta mpo bini.”

Aesaya 12:5

Hé ɡo yela kpɛɛ Korowii, o ɛ wejena ɡa, Hé bol a waa harɛ nɔ ta nɛra bwa no.