1 Webena 15:3 - mzwDBL

³ Anomanta, o yerɛ Israel tena bwa Jerusalam ŋɔ bá ka kpɔ Korowii Ne Nɛwɛnyina Fɔo Daka la ba cheɡ bɔr waa kwaara la bini.

1 Webena 15:3 ပူးပေါင်းရင်းမြစ်များ

2 Samoɛl 6:12

Kooro Devid baa no kɛŋɔ Korowii swee Ɔbɛd Edom ne o dem tena, dɛ komɛlbwa waa dɔa andɛɛɡa Korowii Ne Nɛwɛnyina Fɔo Daka la wa. Anomanta, o ne Israel tena bane la Ɔbɛd Edom dem silɛɛ ne, dɛ ka kpɔ Daka la ba Jerusalam waa ɛ Devid Bwɛjen la ta.

2 Samoɛl 6:17

Israel tena la kpɔ Korowii Ne Nɛwɛnyina Fɔo Daka la ba cheɡ o chebɔr, tɛnte dea Kooro Devid aa baŋro la bini, asɛ dɛ kpɔ saraha kwaa baa fuah, ne deŋnesɔɔhna sarahare ba Korowii sie bela.

1 Koranar 8:1

Ate, Kooro Solomɔn yerɛ Israel nomonome, ne nomonome baa chɔ ba deene nyoo, ne nomonome baa chɔ ba lolanar nyoo bwa ba cheme o sie Jerusalam, kɛŋɔ bá la ka kpɔ Korowii Ne Nɛwɛnyina Fɔo Daka la le Jerusalam waa ɛ Kooro Devid Bwɛjen ta ba cheɡ Korowii Dea.

1 Webena 13:2

Asɛ o ŋɔ Israel tena bwa be ŋɔ, “Dɛ a ɛ Korowii yaa dɛ tomɔ la nyina, ya sɛh ɡɛ waa dɛ nyin ta naa, yá tomɛ toroma ya bala baa kaa ne sɔfore dɛ Lewi dea tena baa lɔ harɛ nɔ ta bobɛlbwa be, ásɛ ya bwa cheme.

1 Webena 13:5

Anomanta, Israel tena bwa baa cheme Kooro Devid sie, le Ijipt harɛ jwɛh ta Sehɔ Moo ta ba le Lebo Hamat, dɛ́ ka kpɔ Korowii Ne Nɛwɛnyina Fɔo Daka la le Kiriat Jearim ba Jerusalam.

1 Webena 15:1

Kooro Devid aa do deene o ɡbabir aa so a bini Jerusalam waa ɛ o Bwɛjen ta tonɛ la, o kwaa bobɛl dɛ baŋre tɛnte dea ba kpɔ Korowii Ne Nɛwɛnyina Fɔo Daka la cheɡ o bini.

1 Webena 15:12

Dɛ ŋɔ Lewi dea tena la be ŋɔ, “Heyaa ɛ nomonnyuune, dɛ chɔ Lewi deene nyoo, hé ne he bala Lewi dea tena chɛ kɛ he sɔ he doŋa bɛlbwa ta Korowii be pera, ásɛ dɛ won ka kpɔ Korowii ya Israel tena aa dɛ tomɔ, Ne Nɛwɛnyina Fɔo Daka la ba cheɡ bɔr maa kwaara tɛ ŋɔ ó ba che la.

1 Webena 16:1

Israel tena la kpɔ Korowii Ne Nɛwɛnyina Fɔo Daka la ba cheɡ tɛnte dea Kooro Devid aa baŋro la bini, asɛ ba kpɔ saraha kwaa baa fuah ne deŋnesɔɔhna sarahare ba Korowii sie bela.

2 Webena 1:2

Kooro Solomɔn bol waa baɡle Israel tena la bwa, laa sitɔɔla baa chɔ laa tena kaɡboŋa ne lafare nyoo, ne sitɔɔla baa dɛ nyiŋi harɛ la ta, ne nomonnyuune dɛ nɛra la kabora bwa,

2 Webena 1:4

Dɛ Kooro Devid kaa kpɔ Korowii Ne Nɛwɛnyina Fɔo Daka la le Kiriat Jearim ba, dɛkalkɛ dɛ o baŋre tɛnte dea Jerusalam ŋɔ bá kpɔ ba cheɡ o bini.

2 Webena 5:2

Ate, Kooro Solomɔn yerɛ Israel nomonome, ne nomonome baa chɔ ba deene nyoo, ne nomonome baa chɔ ba lolanar nyoo bwa ba cheme o sie Jerusalam, kɛŋɔ bá la ka kpɔ Korowii Ne Nɛwɛnyina Fɔo Daka la le Saayɔn, Kooro Devid Bwɛjen ta, ba cheɡ Korowii Dea.

Kaala 40:20

O kpɔ bwepɛle anɛ la do Korowii Ne Nɛwɛnyina Fɔo Daka la bini, dɛ kpɔ daa la su kwaa aa do kɛŋɔ nɔnloɡa la baa kpɔ dɛɛ cheo la, dɛ kpɔ o tɔ la tɔ o ta.

Lewi Dea Tena 9:5

Ba kpɔ komɛlbwa Mosis aa do ba la bwa ba Korowii Dea Cheremibɔr la doonyoa, asɛ nɛra la bwa suuh tel dɛ ba che Korowii sie.