1 Webena 15:29 - mzwDBL

²⁹ Baa kpɔ Korowii Fɔo Daka la dɛɛ jo Jerusalam Kooro Devid Bwɛjen la ta la, Kooro Sɔɔl bihaah Mikal, aa cheɡɛ tokoro ta dɛ na Kooro Devid o sa dɛɛ hɛɡre la, o sie ta o nɛɛ lɛɛ, dɛ nyiŋu vah.

1 Webena 15:29 ပူးပေါင်းရင်းမြစ်များ

2 Samoɛl 6:16

Baa kpɔ Korowii Ne Nɛwɛnyina Fɔo Daka la dɛɛ jo Jerusalam Devid Bwɛjen la ta la, Kooro Sɔɔl bihaah Mikal aa cheɡɛ tokoro ta dɛ na Kooro Devid o sa dɛɛ hɛɡre la, o sie ta o nɛɛ lɛɛ, dɛ nyiŋu vah.

1 Webena 15:28

Gɛɛ Israel tena bwa kpɔ silɛɛ lɔŋɔre teŋɛ Korowii Ne Nɛwɛnyina Fɔo Daka la nɛɛ ba Jerusalam. Dɛɛ hoh pebal nyeɡle bɛle, ne bɛle tenten ne kwaa anɛ ane baa kpɔ ayaawa ɛa dɛɛ hɛlɛ, dɛ janjelare dɛɛ lɔ yela.

1 Webena 17:1

Kooro Devid baa so o koodem, asɛ Korowii ɡel o dɔ bosɔɔhna dɛ le o dɔma bwa baa baro cheme be. Belaa o ŋɔ Korowii keame Netan be ŋɔ, “N soɡe koodem baa kpɔ peleme daa kwaaro bini, asɛ Korowii Ne Nɛwɛnyina Fɔo Daka la te ta che tɛnte dea bini.”

Yela 149:3

Hé ɡo yela kpɛɛro dɛɛ sa, hé lɔ ɡboŋri ne janjela kpɛɛro.

Yela 150:4

Hé yiiɡi loŋa kpɛɛro dɛɛ sa. Hé lɔ janjela, dɛ́ hoh kalipere kpɛɛro.

Yela 30:11

He ɡelɔ n suna dii berɛ silɛɛ, mɛɛ sa, dɛ ɡel n soh n wii, dɛ kpɔ silɛɛ tɔ mɛ kɛŋɔ yal.

Kaala 15:20

Belaa Arɔn nimambie Miriam waa ɛ Korowii keame kpɔ loŋ, asɛ haahna la bwa ɡe ja dɛ kpoŋe ane ba yiiɡa dɛ sa teŋɛ dɔŋa nɛ.

Wejereme 3:4

Wii tɔpere lole, mama ɡe dɔ o tɔpere, suna dii tɔpere lole, silɛɛ ne hɛɡra ɡe dɔ a tɔpera,

Jeremia 3:16

A ɡɛ saŋ haa ba warɛ kohona harɛ la ta la, nɛra aa n ne He Ne Nɛwɛnyina Fɔo Daka la waa bol kpa. Baa o waa liira ba, o waa aa ban hiah kpa, a ba ɛ kɛŋɔ baa kwaa onfalee.

Jeremia 30:19

Nɛra baa soɡe bela ɛɛ ɡo kpɛɛra yelaa, dɛ́ do lɔŋɔre dɛɛ hɛɡre. Mɛɛ swee ba andɛɛɡaa, dɛ́ ɡel ba mun ya, ásɛ dɛ dɔ duure.

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Nɛra Kura 10:33

Anomanta, ba pa mun valɛ le Sinai Bwejen la ta, dɛ valɛ tɔpera atoro. Lewi dea tena cheɡɛ Korowii Ne Nɛwɛnyina Fɔo Daka la tɔ ba sie tɔpera atoro, dɛɛ ɡaaɡe bela waa dɔ tɛɛ ba bá so.

We-ɛɛla 2:13

Asɛ bane ɡe ɛɛ mamɛ Yeesu habɔteŋra la ŋɔ senee ba nyɔ.

1 Kɔrent 2:14

Nomɛlbwa Korowii Domadɛɛɡe aa wola toole o nɛɛ la, o dɛ vɛh o Domadɛɛɡe la wa. A ɛ wesale tɛ naate, waa a mun no, dɛkalkɛŋɔ Korowii Domadɛɛɡe ɡboo ɡela nɛn ɛɛ no Korowii waa mun.

2 Kɔrent 5:13

Dɛ ya nyu toole naa, Korowii waa a ba ɡɛ. Ya sie chɔ harɛ ɡe aa, he wesomee a ba ɡɛ.

Mmarare 31:26

“Hé lɛ tɔn nɔ, Korowii Mmarare lɔ o ta. Hé kpɔ bil O Ne Nɛwɛnyina Fɔo Daka nɔ jwɛh, ásɛ o do bela dɛɛ lii ba ɡɛ baa so kɛrɛdɛ.”

Hibru 9:4

Korowii Boɡoroŋ Tenten la bɔr bela la, dɛ suuɡaswɛm kon baa dɛ fuh daawiile a sɔɔh aa soma o bini la lɔ bela. Dɛ Korowii Ne Nɛwɛnyina Fɔo Daka baa kpɔ suuɡaswɛm ɛ o bwara bwa, asɛ o che tɛ ba ne Korowii fɔo la lɔ bela. Dɛ suuɡaswɛm vii la baa kpɔ kondikwaa aa le nyundua baa yera maana do o bini la, ne Arɔn daŋɡbala waa moɡɛ papooni la, ne bwepɛle anɛ la ba fa aa chwerɛ o ne ba fɔobene la mmara fi la do a ta la lɔ Daka la bini.

Josua 4:7

ásɛ he ŋɔ ba be ŋɔ, ‘A cheɡɔ dɛ tɛ saŋ bɛl baa kpɔ Korowii Ne Nɛwɛnyina Fɔo Daka la le Jɔɔdan Moo dɛ ba bonɔ la, moo la teŋo ba valɛ o baah harɛpɛɛ ta dɛ le.’ Anomanta, bwea nɔɔ ya Israel tena kpɔ dɛɛ lii ɡɛ waa nɔ á chɔ le saŋ bɛlbwa dɛɛ la.”

Sitɔɔla 20:27

Israel tena la bɔɔ Korowii dɛ́ no le o be. Gɛ saŋ dɛ Korowii Ne Nɛwɛnyina Fɔo Daka la lɔ Bɛtel.

1 Samoɛl 25:44

Kɛ dɛ Kooro Sɔɔl berɔ kpɔ o bihaah Mikal waa ɛ Devid haah la tɛ Laes bibaa Paltiel waa le Galim la ŋɔ ó moo.

1 Samoɛl 4:3

Israel laa tena baa kaa la aa bera ba bela baa baŋre ba tɛnte deene la, ba nomonome la bɔɔ ba ŋɔ, “Ɛrɛɛ Korowii ɡel Filisti tena pɔ ya nɛɛ fini ken? Hé ɡel yá ka kpɔ Korowii Ne Nɛwɛnyina Fɔo Daka la le Silo ba, ásɛ ya ne wɛɛ valɛ ó lɛ yaa dɛɛ le ya dɔma nɔn ta.”