1 Webena 15:16 - mzwDBL

¹⁶ Kooro Devid ŋɔ Lewi dea nomonome la be ŋɔ, bá le ba bini bane, bá ɡo silɛɛ yela dɛɛ lɔ janjelare, ne kwaa anɛ ane baa kpɔ ayaawa ɛa dɛɛ hɛlɛ.

1 Webena 15:16 ပူးပေါင်းရင်းမြစ်များ

1 Webena 13:8

Dɛ Kooro Devid ne Israel tena la bwa dɛ lɛ ba sie. Ba ɡo yela silɛɛ ne kohona, dɛɛ lɔ janjela ne kalipere, ne kwaa anɛ ane baa kpɔ ayaawa ɛa dɛɛ hɛlɛ, dɛɛ yiiɡi loŋa ɡe Korowii sie.

1 Webena 15:12

Dɛ ŋɔ Lewi dea tena la be ŋɔ, “Heyaa ɛ nomonnyuune, dɛ chɔ Lewi deene nyoo, hé ne he bala Lewi dea tena chɛ kɛ he sɔ he doŋa bɛlbwa ta Korowii be pera, ásɛ dɛ won ka kpɔ Korowii ya Israel tena aa dɛ tomɔ, Ne Nɛwɛnyina Fɔo Daka la ba cheɡ bɔr maa kwaara tɛ ŋɔ ó ba che la.

1 Webena 16:42

Heman ne Jedutun chɔ bɛle hoeh ne kwaa anɛ ane baa kpɔ ayaawa ɛa dɛɛ hɛlɛ, dɛ anɔ la aa jaa ba kpɔ ɡo yela dɛɛ kpɛɛ Korowii la nyoa. Jedutun bibaala la te, doonyoa belaa ba ɡel ba so dɛɛ daah bela.

1 Webena 16:5

Asaf ɛ ba nyu te, Sekaria teŋɛ, ne Jeyɛl ne Sɛmeramɔt ne Jehiel ne Matitia, ne Eliab ne Bɛnaya ne Ɔbɛd Edom, dɛ Jeyɛl ɡe ja. Banee dɛɛ lɔ janjela ne anɔ la baa kpɔa dɛɛ hɛlɛ bwa. Asaf ɡee dɛɛ lɔ kwaa anɛ ane baa kpɔ ayaawa ɛa dɛɛ hɛlɛ,

1 Webena 23:5

Ba bini kaɡboŋa banaarɛ ɛɛ daah doonyoo la, ásɛ kaɡboŋa banaarɛ ɡe kpɔ kwaa baa dɛ hɛlɛ ane ɡo yela dɛɛ kpɛɛ Korowii. N nyin a bwa, bá kpɔ ɛ toma nɔ.”

1 Webena 6:16

Lewi bibaalaa, Gɛsɔn ne Kohat dɛ Merari.

2 Webena 20:19

Ate, Lewi dea tena bane baa le Kohat ne Kora deene ta la ir che, dɛ kpɛɛ Korowii Israel tena aa dɛ tomɔ takpeɡ ne.

2 Webena 30:12

Gɛɛ Korowii ɛ, dɛ ja Juda tena nɛ, dɛ ɡel ba dɔ nyopɛo, dɛ teŋɛ waa kooro ne o nomonome aa do ba la ta, ɡɛ waa bola la.

2 Webena 5:12

Dɛ Lewi dea yelɡoola baa ɛ Asaf ne Heman ne Jedutun nɛra, ne ba bibaala dɛ lolanar cheɡɛ saraha kon la wee leebɔr pera. Dɛ do laala baa kpɔ yapondɛɛɡa nyara, dɛɛ lɔ kwaa anɛ ane baa kpɔ ayaawa ɛa dɛɛ hɛlɛ ne janjelare, asɛ sɔfore lafa fifraanɛ ja ba nɛɛ dɛɛ hoh bɛle.

2 Webena 5:13

Bɛlhoohla la ne yelɡoola la bwa pɛo, dɛ kpɔ tabeŋkpoŋ ɡo yela kpɛɛ dɛɛ jam Korowii. Asɛ bɛlhoohla ne nɛra baa dɛ lɔ kwaa anɛ ane baa kpɔ ayaawa ɛa dɛɛ hɛlɛ, dɛ kwaa bwa soo siwi ɡe kpɔ ɡo yela kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.” Ate, bam ba tɔ Korowii Dea la ta ɡɛ saŋ sɔfore la aa dɛ le bela la.

2 Webena 7:6

Baa taa kpɔ Dea la dɛɛ do Korowii nɔn ta la, sɔfore kaa che ba chebɔr, Lewi dea tena ka che ba chebɔr, dɛ kpɔ kwaa baa kpɔa dɛɛ hɛlɛ Kooro Devid aa kpɔa tɛ la, dɛ ɡo kpɛɛra yela dɛɛ kpɛɛ Korowii ŋɔ, “O nyina waa dɛ nyin yaa lole saŋ bɛlbwa dɛɛ la.” Gɛ Kooro Devid aa do ba la. Sɔfore la sie chaɡɛ Lewi dea tena dɛɛ hoh bɛle, asɛ nɛra la kabora ɡe che.

Nehemia 12:27

Baa dɛ ba bwɛjen Jerusalam danjwɛɛ baa maa baro kpɔe dɛ́ do Korowii nɔn ta la, ba yerɛ Lewi dea tena le bobɛlbwa baa soɡa ba. Asɛ ba ba ja, dɛ ɡo jam yela, dɛ kpɔ kwaa bwa soo siwi baa kpɔa dɛɛ hɛlɛ lɔ yela lɛ ba sie.

Nehemia 12:36

O bala ba ɡe aa ɛ Asaf naanar la bane teŋɛ o nɛ. Banee, Sɛmaya ne Aasarɛl ne Milalai, ne Gilalai ne Maai ne Nɛtanɛl, ne Juda dɛ Hanani. Dɛ ba bwa kpoŋe Korowii nɛn Kooro Devid kwaa waa kpɔa dɛɛ lɔ yela la dɔŋa. Asɛ sɔfo Ɛsra waa ɛ tɔnjereme tɔ ba sie.

Nehemia 12:43

Awola tɔpere la, ba kpoo kwaa warɛ ɛ sarahare, dɛɛ hɛɡre, dɛkalkɛŋɔ Korowii ɡelɔ ba dɔ silɛɛ kohona. Haahna ne bechale ɡe sie lɛo, nɛra la silɛɛ ɡbɔɡa ɛɛ la bojaŋa bwa.

Nehemia 12:46

Le Kooro Devid ne Asaf bere saŋ, dɛ nɛra tɔ yelɡoola sie baa kpɛɛ dɛɛ jam Korowii yela ne.

Yela 100:1

Harɛ nɔ nɛra bwa, hé ɡo silɛɛ yela kpɛɛ Korowii.

Yela 149:3

Hé ɡo yela kpɛɛro dɛɛ sa, hé lɔ ɡboŋri ne janjela kpɛɛro.

Yela 150:5

Hé lɔ ɡboŋri kpɛɛro. Hé kpɔ ayaawa kwaa anɛ dɛ́ɛ lɔ dɔŋa, dɛ́ɛ hɛlɛ kohona.

Yela 81:1

Hé ɡo silɛɛ yela kpɛɛ Korowii waa dɛ tɛ yaa bokpeɡa. Hé ɡo yela kohona kpɛɛ Korowii Israel tena aa dɛ tomɔ.

Yela 81:3

Hé hoh pebal nyeɡle bɛla Korobifale Tɔpejen ta, korobie baa kpeɡ ɡe aa, hé berɛ hoh.

Yela 87:7

Baa ɡo yelaa dɛɛ sa ŋɔ, “Bwɛjen Jerusalam taa ya wedɛɛɡa bwa ɛɛ le.”

Yela 95:1

Hé ba ya kpɛɛ Korowii! Hé ɡel ya ɡo silɛɛ yela kpɛɛro, onee do kɛ Bwetal ya chwa kaa marɔ.

Kaala 15:20

Belaa Arɔn nimambie Miriam waa ɛ Korowii keame kpɔ loŋ, asɛ haahna la bwa ɡe ja dɛ kpoŋe ane ba yiiɡa dɛ sa teŋɛ dɔŋa nɛ.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Emɔs 6:5

Hé dɛ nyin yela kɛŋɔ Kooro Devid ken, dɛɛ lɔa he janjelare ne.

We-ɛɛla 14:23

Bwɛɛre nɔ bɛlbwa ta asɔre tena aa lole la, Pɔɔl ne Banabas le ba bini bane ba ɛ ba nomonome. Nyoa vɔwa ne Korowii soŋa nee ba yon kpɔ nomoa la do Korowii baa kpɔ ba yarada bwa do o nɛɛ la nɔn ta.

2 Timoti 2:2

Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.

Taetos 1:5

N ɡele Kret harɛ ásɛ he tonɛ waa aa hiah kɛ he ɛ la bwa, dɛ́ cheɡ nomonome asɔrere aa lɔ bwɛɛre la bɛlbwa ta ɡɛ maa baɡle la.