1 Webena 15:13 - mzwDBL

¹³ He Lewi dea tena aa wola toole loɡla dɛ́ cheo la waa Korowii yaa dɛ tomɔ baah di ya nɛ. Ya ta on bɔɔrɛ dɛ jemɛ ŋwɛnɛ yaa kpɔ o ta cheo.”

1 Webena 15:13 ပူးပေါင်းရင်းမြစ်များ

2 Samoɛl 6:3

Ba kpɔ Korowii Ne Nɛwɛnyina Fɔo Daka la le Abinadab dem deŋɡare bɛl doa, dɛ kpɔ chɔŋɛ torɔɡofale bɛl ta nabala ɛɛ tɛro. Abinadab bibaala bane baa dɛ yer ba Ussa ne Ahio, banee ba le ŋɔ baa daah torɔɡo la,

1 Webena 13:3

Ásɛ ya la ka kpɔ Korowii Ne Nɛwɛnyina Fɔo Daka la ba bonɔ, dɛkalkɛ Kooro Sɔɔl bere saŋee yaa wola o waa bɔɔrɛ.”

1 Webena 15:2

Ate, Kooro Devid ŋɔ, “Nomɛlbwa toole dɛ́ che Daka nɔ ka ja Lewi dea tena nɛ, dɛkalkɛ banee Korowii le ŋɔ baa cheo, dɛɛ tomɔ o sie saŋ bɛlbwa dɛɛ la.”

Sɛɡla 28:13

Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

Nɛra Kura 4:15

Dɛ he dɛ ba ira kaa bofale, asɛ Arɔn ne o bibaala tɔ laala aa do ɡoroŋ ne kwaa aa do ɡoroŋ baa kpɔa dɛɛ ɛ toma la ta tonaa, mɔɔ Kohat naanar ká kpɔ che kaa. Kɛ ba bɛ a ɡɛ kwaa aa do ɡoroŋ la leɡe, ásɛ dɛ ba sewɛ. Banee dɔ ŋwɛnɛ kɛ bá che n Dea Cheremibɔr laala ne o koŋkwaa bwa.

Nɛra Kura 7:9

Kɛ Mosis ta Kohat dea tena te tɛɛ, dɛkalkɛŋɔ kwaa aa do ɡoroŋ la, anee ba kpɔ do ba nɔn ta, baa dawa vam.

1 Kɔrent 11:2

N dɛ kpɛɛ heyaa liira haa dɛ lii n waa bwa wobɛlbwa ta, dɛɛ teŋɛ waa Korowii aa baɡ mɛ asɛ n ɡe baɡle heyaa la ta.

1 Kɔrent 14:40

Hɛ́ɛ ɛ wobɛlbwa ŋwɛnɛ aa maɡra ta dɛ bɛ wesaɡasaɡare dɛɛ ɛ.

Mmarare 31:9

Ate, Mosis chwerɛ Korowii Mmara la dɛ kpɔ do Lewi dea tena baa ɛ sɔfore la ne Israel nomonome la nɔn ta. Sɔfore laanee dɛɛ nyiŋi Korowii Ne Nɛwɛnyina Fɔo Daka o ne Israel tena fɔo baa fɔwa ba chwerɛ dɛ kpɔ do o bini la ta.