1 Webena 12:38 - mzwDBL

³⁸ Gɛ laa tena nɔ bwa kpɔ ba te, dɛ ba Hɛbrɔn sibeɡra ne kɛŋɔ, bá ba cheɡ Devid kora Israel harɛ ta. Dɛ Israel tena la kar bwa dɔ liire beŋkpoŋ kɛŋɔ, Devid ɛ kooro Israel harɛ.

1 Webena 12:38 ပူးပေါင်းရင်းမြစ်များ

1 Koranar 11:4

Waa baa hwɛɛh la, haahna la berɛ o liire kaa voɡare toma ta. Dɛ o bambile toole Korowii waa dɛ tomɔ nɛɛ kpa kɛŋɔ o mɛɛ Kooro Devid fa aa ɛa la.

1 Koranar 8:61

N dɛ soŋe kɛ he nɛra haa dɛ tomɛ Korowii ɛɛ di kasinteŋ dɛɛ valɛ o Mmarare ne waa waa do heyaa la ta ɡɛ aa doa fini nɔ.”

2 Koranar 20:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

1 Webena 12:33

ne Sebulon dea laa tena baa dɔ laa yoi wejema kpɔ ba te, dɛ kpoŋe dɔmkwaa bwa soo siwi. Ba balɔ dɛ ba cha Devid bambile bwa ne, dɛ yo tɛo. Ba lɔ kaɡboŋa fifraanue.

1 Webena 12:37

ne Rubin ne Gad deene, dɛ Manasɛ dea pera laa tena baa le Jɔɔdan Moo wee leebɔr baa kpoŋe dɔmkwaa bwa soo siwi. Ba ɡe lɔ laa tena kaɡboŋa lafa fifraanɛ.

1 Webena 12:39

Laa tena la di Devid be bela tɔpera atoro, dɛ di kwaa dɛɛ nyɔ sen ba bala Israel tena aa ɛa ba tɛɛ ba la.

2 Webena 30:12

Gɛɛ Korowii ɛ, dɛ ja Juda tena nɛ, dɛ ɡel ba dɔ nyopɛo, dɛ teŋɛ waa kooro ne o nomonome aa do ba la ta, ɡɛ waa bola la.

Yela 101:2

Mɛɛ dɛɛ nyiŋi n we-ɛɛla bini kɛrɛdɛɛ. Saŋ besoo he ba cha mɛ nɔ? Mɛɛ kpɔ bambidɛɛɡee so n dem,

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

Ɛsekeɛl 11:19

Mɛɛ ɡeloo ba bambile che bobeŋkpoŋ, dɛ́ tɛɛ ba liifala. Mɛɛ laa ba bambikpeɡ waa do kɛŋɔ bwe laanee kpɔ, dɛ́ tɛɛ ba bambile waa pwɛra.