1 Webena 12:20 - mzwDBL

²⁰ Devid aa dɛ ba Siklaɡ la, Manasɛ dea laa tena pere ba te, dɛ ba ja o nɛ. Banee, Adna ne Josabad ne Jedial ne Maekel ne Josabad ne Elihu dɛ Siletai. Dɛ banee Manasɛ dea laa sitɔɔla, dɛ chɔ laa tena kaɡboŋa nyoo.

1 Webena 12:20 ပူးပေါင်းရင်းမြစ်များ

1 Webena 12:19

Manasɛ dea laa tena bane pere ba te, dɛ ba ja Kooro Devid nɛɛ ɡɛ saŋ o ne Filisti tena aa dɛ la ka yo Kooro Sɔɔl la. Kɛ o ne o laa tena ta Filisti tena la chae. Dɛ Filisti koranar la dɛ ɔmɛ kɛŋɔ wɛɛ le ba habɔɔ dɛ́ berɛ kaa o nomoa Sɔɔl be. Anomanta, ba ɡelɔ o berɛ ba Siklaɡ.

1 Webena 12:21

Banee cha Kooro Devid wɛɛ yo nɛra laa, dɛ yon lɔ ka tɔ nɛra nɛɛ dɛɛ pa ba laala, dɛkalkɛ ba bwa ɛ banyoola, dɛ ɛ o laa sitɔɔla.

1 Webena 8:20

ne Elienai ne Siletai dɛ Eliel

Kaala 18:21

Berɛ le ba bini wejerema, baa dɛ ɔmɛ Korowii ba wa aa dɔ kasinteŋ, ba siwi aa wola suuɡa beɡre. Dɛ́ kpɔ ba chɔ nɛra kaɡboŋa ne lafare, ne fifraanunue dɛ fifi nyoo.

Mmarare 1:15

Anee n kpɔ wejerema ne nɛra baa dɛ no waa mun ba waa dɔ nyɛl dɛ le dea bɛlbwa bini, dɛ kpɔ ba chɔ he nyoa. Bane chɔ nɛra kaɡboŋa nyoo, bane chɔ lafare nyoo, bane ɡe chɔ fifraanunue nyoo, asɛ bane ɡe chɔ nɛra fifi nyoo. Dɛ le bane ɡe baa nyiŋi deene la bɛlbwa waa ta.

Mmarare 33:17

O kpeɡri kɛŋɔ nabal ken, o nyeɡlare do kɛŋɔ kpɔɡ bini nao. O nyeɡlare laanee Manasɛ dea nɛra kaɡboŋ bokpeɡa, Efrem dea nɛra ɡe kaɡboŋa fi bokpeɡa. A nee wɛɛ chuɡe harɛre nɛra, dɛ taɡ ba kaa tel harɛ jaɡa.’

1 Samoɛl 29:11

Asɛ Devid ne o baala baa ja o nɛɛ la fel ir chɔmbibii dɛ berɛ kaa Filisti tena harɛ ta, asɛ Filisti tena la ɡe kaa Jesreel.

1 Samoɛl 29:3

Filisti laa nomonome la na ba dɛ bɔɔ ŋɔ, “Bɔkwaa Hibru tena nɔ ɛɛ nyin bonɔ nɔɔ?” Anee Kooro Akis chaŋe ŋɔ, “Devid o fa aa ɛ Israel Kooro Sɔɔl nomonome la bini bɛlee. O soɡe n be dɛ ɡwaa benanyoa nɔ, dɛ le saŋ waa le Kooro Sɔɔl be dɛ ba n be, n ta o wechɔɡe bɛlbwa nae bwa.”

1 Samoɛl 29:4

Kɛ Filisti tena laa nomonome la baah di Kooro Akis nɛ dɛ ŋɔ, “Gel o berɛ kaa ka so bwɛɛ haa kpɔa tɛo la ta. A ta chɛ kɛŋɔ yá ne o pɛ la laa, ɡɛ laa aa, o ken ɛɛ berɛ siee chaɡɛ ya nɛɛ dɛ́ kpoo yaa. Dɛ Devid wono kpoo ya laa tena dɛ dɔ ba nyuune ka tɛ Kooro Sɔɔl aa, o sie ɛɛ lɛ o nɛɛ ó berɛ lɛo.”